ليش كذا...ياعروس الحياه حلوه ليش كل هذا الحزن...كله عشان اشياء ناقصتك ومنتي قادره تطلبي زوجك .."طيب ليش ماتطلبيه هذا زوجك ولازم تعوديه انه لك طلبات واحتياجات. حتى لو انك عارفه انه مامعه فلوس عادي اطلبيه اهم شي تنطقين وتطلبين وان قالك مامعي فلوس اعذريه..
وبعدين زوجك واضح مو بخيل لو انه بخيل ويحسب حساب الريال ماكان قالك تبين فستان لزواج قريبك ولو انه بخيل ماكان سفرك يوم شافك متضايقه...لا ياحبيبتي لاتتهمي زوجك بشي هو بريء منه والمشكله ماعندك دليل على انه حريص على الفلوس رحتي بعتي ذهبك واشترتي الي ناقصك بمزاجك يعني زوجك برئ والغلط غلطك انك ماطلبتي زوجك فلوس وبعتي ذهبك. كان المفروض تطلبينه في الاول وان مامعه تبيعي الذهب..بالنسبه انه يقلك كم صرفتوا وكم باقي من الميزانيه هذا شي طبيعي اسمه التفكير بصوت عالي خصوصا لما يكون الواحد مسافر انه يراجع حساباته وهذا مايدل على بخل او حرص ....والفلوس الي اعطاك اخوك يااختي صحيح هو حط الباقي في جيبه بس الله اعلم بنيته وبمقصده يمكن كان اخر الشهر ومامعاه فلوس وانتي ادرى بزوجك..باسلوبك هذا راح تعوديه على انك ماتطلبين وانا متاكده انه مستغرب من صمتك ومن عدم طلبك لحاجه لك بس ماقالك....واكيد بينه وبين نفسه يسال انتي ليش كئيبه ويمكن صمته هو ردة فعل لصمتك وكآبتك..لاتخلينه يندم على الارتباط بك
عزيزتي الي انتي تمرين فيه طبيعي حتى انا مريت فيه بس مو لدرجة انه تنقصني اشياء ومااطلبها او اني ابكي لوحدي ..انا وكل العرايس يستحون من طلب الزوج بس..لكن في النهايه نطلب خصوصا اذا كان شي للبيت او للمطبخ..وعشان تتعودين على انك تطلبين ابدأي اطلبي اشياء خفيفه لنفسك مثل جالكسي او مارس وبيبسي اطلبيه اليوم اغراض حلا قوليله بسوي حلا قهوه وبعدين اطلبي اغراض شخصيه من الصيدليه..صدقيني ماراح يتذمر ولايوهمك الشيطان انه زوجك متذمراو زعلان ويشوه صورة زوجك امامك كل ماجاتك الفكره تعوذي منه واستغفري ربك..
عزيزتي الحياه الزوجيه حلوه لاتشوهينها خصوصا انك عروس لازم تتمتعين بكل لحظه من لحظات بدايه حياتك وتتذكرينها بعد 10 سنوات وتقولين ياليت ترجع ايامنا الاولى..انتي بيدك تقدرين تخلين حياتك سعيده وتفرحين وتفرحين زوجك...
و بالنسبه لحالة الحزن والبكاء داومي على قرآة القرآن عشان تطردي الشياطين فهي حريصه على الدخول بين الزوجين خصوصا في بداية حياتهم واستغلال جهلهم فهي سبب حزنك وعدم احساسك بالسعاده..تعوذي من الشيطان وشغلي التي في على قناة القرآن واقراي مع كل فرض صفحات من القرآن وشوفي الفرق..
وضروري تبتسمين وتسولفين مع زوجك حتى لاتخسرينه وعشان يبدأ هو بالتغيير من نفسه ترى اكره ماعلى الزوج انه يحس انه زوجته تبكي ومو عارف السبب ويعتقد انك مغصوبه عليه..شوفي كم زوج جاء هنا واشتكى من صمت زوجته وحزنها بدون سبب ..
اتمنى لك حياه سعيده..
__________________
أكبر مشكله.........
لاصرت عارف بالحقيقه وساكت..ماتبي<< تحرج >>بعض الوجيه بسود افعالها
التعديل الأخير تم بواسطة ليه الغرور؟ ; 20-09-2011 الساعة 09:51 AM