اقتباس:
المشاركة الأصلية كتبت بواسطة ***DL3***
ماشاء الله
نفسي اقول شغله
كثير كان يجي في بالي اعرف شخصيت هالانسان الي يتقدم لي بس من خوفي انه يقول والله جريئه ما ابيها فضللت الصمت على الكلام
وكلامك فعلا صحيح من حق الطرفين ان يسالوا بعض
هل ممكن تقولي بعض الاسئله التي تفيدني يعني اسال خطيبي عنها
والللللللللله في اشياء في بالي كثير اتمنى انه يسويها لي بس مو قادره
تخيل((راح اشرح لك اخي الكريم بعض الشغلات ارجوا ان تفهمني وتساعدني واعتبر اني بمثابه اختك))
عندمت يتكلم عن اللبس ويقول ماهي ملابسك وانا اخبره انا اخجل ان البس اماك لباس قصير او ماشبه ذالك
وانا في نفسي اود ان اخبره انا سوف البس احلى الملابس فالبنات اليوم مو مثل اول صاروا فاهمين
بس شو المشكله ماودي انه ينتقدني اخاف يقولي جريئه وانه بيختبرني بيشوف مدى جرئتي والله اني استحي ومتربيه ولا لي علاقات سابقه بس اذا فكرت انه بيكون زوجي خلاص اقول ابغى البس له وادلع عليه بس
خوفي يقول اكيد مجربه ولا وش ذلجرءه او بيقول ماصدقت قلت لها شي على طول سوته
يعني في حيره من امري
|
بسم الله الرحمن الرحيم
السلام عليكم ورحمة الله وبركاته
اسعد الله ايام الجميع بكل خير
أولا : اهلا وسهلا بيكي يا اختي الكريمة
ثانيا : يسعدني والله انكي استفدت من المكتوب
ثالثا : ما دام انتي في مرحلة الخطوبة وما حصل ملكة هذا شي جميل
احب ابين امر مهم لكي
ممكن الصمت في سبيل انك تحصلين على خاطب يخلف تعاسه طويله
- يجب الاعتماد على الله في كل شي
- ويجب انت تعلمي ان النصيب والمكتوب مهما بعد لازم يجيكي
صحيح ان البنت تتصف بالخجل وهذي ميزه طيبه جدا وتشكر عليها البنت ودلالة طيبه على حسن معدنها وتربيتها وعلى انها انسانه صاحبة عفة وادب وليس لها علاقة مشبوهه
لكن ممكن اسالكي ؟
الان امامك انسان ما عندك عنه الا ما وصلك عن طريق ابوكي وامك من سوالهم للنا س ، وانتي عارفه ان الناس مستحيل يعطوكي كامل تاريخ هذا الانسان فكيف تقبلي هذا الانسان حتى ولو كان قريب لكي ؟
ثم حكاية الجرائة فيه جرئة تفرق عن جرائة ، لما اقولك حطي رجل على رجل " وانتي والقارء بكرامه " ، والبسي الفاضح مثل ما سمعت وجاني من خبر عن بعض الاسر ، ثم هاتي الحمرات والمكايج بالاصناف واللبانة في الفم وتعالي بالتصريحة اخر موضه والعطر وهاتي ضحك اول ما بيشوفك بهذي الطريقة بيقول هذي انسانه منحله وبيتركي
لكن الجرائة الي انا اقصدها هي كسر جزء من حاجز الخجل ، ما دام الانسان تكلم وقال الي عنده ايش المانع اني اتشجع شويه واقول يافلان اذا سمحت طبعا كل هذا بأدب شديد وتحفظ شديد مثل ما سوت معاي خطيبتي ، صحيح انها جابت لي الضغط من كثر الاسئل وضيقت علي وخنقتني ونشفت ريقي لكن كان كل هذا بادب مره وتحفظ شديد يعني تسال سوال وتاخذ اجابة بس ما تناقش ابدا
فهذا الي انا اعنيه ما ابغاكي تسولفين ابغاكي تسالي وبس ولا تناقشين ولا شي
انتي يا اختي الكريمة تحلمي في حياة سعيدة ، حياة ما تخلف شقى ولا عناء ولا بكاء ولا سخط ولا طلاق ولافضائح
طيب ايش العمل ؟
قبل ما ابدء بالطرق احب اقولك قصتين عن فتاتين فعلا كانوا يرغبو رغبه تامه في بناء مملكة هادئة ومستقيمة
النبت الاولى : هي خطيبتي ولا باتكلم عنها لاني ذكرت هذا الشي من اولا
النت الثانية : نشرت جريدة عكاظ مره انا قرأت الموضوع عن فتاة تقدم لها خاطب ، فكانت هذي البنت محنكه وصاحبة ادب وفهامه وتبغى رجل بمعنى الكلمة ، فحبت تختبر هذا الي امامها على اساس تعرف هل معاها رجل يتحمل مسئؤلية ولا رجل بكره بيعطيني طنش ويغزل فلانه وفلانه ، قالت له يافلان طبعا كان حاظر ابوها واخوانها في النظرة الشرعية اعطيني لو سمحت جوالك ؟ غريب صح سوال مستغرب تفاجأ الولد وارتبك ومعد قدر يرد فاعطاها فبدت تقلب في الجوال فحصلت رسائل مشبوهه وصور جنسية وبلاوي ، فقالت له ايش هذي يافلان عرفت انه انسان مايسوى فبدء يعذر ويقول حق فلان وهذا الرقم حطه بالغلط فلان ............الخ ، فرفضته وكان رفضها في محله لانه انسان لا ينفع لانسانه طيبه
نرجع لمحور حديثنا
الاسئلة هي :
1- هل تحفظ شي من القران ؟
2- ماهي الاوصاف الي تحب تكون زوجتك ؟
3- كيف تعالم زملائك في العمل ؟
4- كيف معالمتك في الشارع ؟
5- ايش رايك في الانطوائية ؟ هل تحبها ولا تحب الاجتماعية ؟
6- ايش رايك في الكريم ؟ هل تحب تكون كريم ولا بخيل ولا نص نص ؟
7- ايش رايك في الدش تحبه ؟ وايش تحب فيه ؟
8- كيف الصلاة معاك ؟ تحب صلاة الفجر ؟
9- ممكن جوالك اذا سمحت ؟ (( وشوفي مجلد الاصوات ومجلد الافلام ))
10- لو حصل نصيب وصرت زوجتك ايش هوايات الي تحبها ؟
11- ايش رايك في لعبة البلوت ؟ تحبها ؟
12- تحب السهر ؟ طيب في ايش تسهر العادة الى كم ؟
14- ايش رايك تحب يكون بيتنا قريب من المسجد ؟
15-احب ادخل حلقة تحفيظ القران ؟ ايش رايك تتدخلني ؟
16- ايش رايك في الجلسان النسائية " العصريات " ، تخليني اروح كل يوم ؟
17- انا اموت في الاسواق ؟ تخليني اتقضى وامشي لوحدي ؟اذا سمحت
18- ودي اشتري عباية .؟ ممكن تقولي اي العباءات اختار ؟
19- ودي كل شهر ازو أهلي ايش رايك ؟
20 - ايش رايك لو تخليني اشترك في برنامج البالتوك وادخل كاميراء ؟
طبعا : اللون الاحمر يحدد وضع الخاطب من ناحية الدين والالتزام ومدى محافظته
.اللون الاخضر من الناحية الاجتماعية وكيف تعامله مع الناس .
وفيه كثير كثير من الاسئلة الي تقدرين يا اختي الكريمة تشخصي الي امامك هل هو انسان منحل ولا رجل بمعنى الكلمة
والي موجود انا شايفه كافي جدا
واذا حبيتي نزيدك ما عندنا مانع
اما بالنسبة للجرائة في اللباس والكلام والاشياء الاخرى فلا تكون هناك جرائة الا بعد الملكة ، اذا املتكتي خلاص هذا زوجك من حقه عليكي انكي تتجملي وتتصلحي له مع هذا كله الادب والاحترام ، لان الانسانه المتربيه والمتأدبه حتى لو تجرأت تتجرأ بما يحدد لها ادبها فمستحيل انها تكون مثل انسانه منحله عاهرة لها علاقات مشبوهه مستحيل
فتوكلي على الله ولا تخلي لشيطان عليك سبيل ولا تتلتفتي للوساوس والشكوك
طبعا جميع هذي الاسئلة علموني اناس اصحاب خبرة في هذا المجال
لكن القاعدة المهمة : لا تعقد الملكة حتى تشخصي الي امامك طبعا هذا بعد الاستخارة ووالاستشارة والتفكير من قبلك