رد : احتياجاتي المعنوية .. الى انلميتد ..
((إضافة))
ليش أمي تتحكم في أبوي ؟
عارفة راح تقول ما لك شغل ..
بس انقهر ..
ما أحب أسلوبها معاه..
سبحان الله دايما الأقوياء لهم حظ في الحياة .. يعني الحريم الضعيفات راح يستقوو عليهم أزواجهم ..
واللي ما يحترمون يمشون معهم صح الرجال.
امس جلسنا نتكلم عن الكلام الجميل وليش احنا كذا جافيين وإحدى أخواتي ايدتني ..
قلت لهم : (الكلمة الطيبة صدقة)
واختي قالت : ( وقولو للناس حسنا)
اما 2 من خواتي يقولون اللي يعطيك من هالكلام ما يكون صادق بس في وجهك .
نفس الثقافة كانت في بالي .في وقت متقدم من حياتي كتبت في دفتر مذكراتي (عادي حتى لو كذب انا احتاج للكلمة الطيبة )
هل أقنعنا أحد ما بطريقة لا شعورية ان الكلام الجميل قناع لخبث النفوس ؟
.....
أحس ما اقدر اجلس مع أمي ما اقدر اسمع صوتها والله احس بشيء مو طبيعي صوتها يخترق قلبي ويفتته..
أمي لما راحت للشيخ قال لها محسودة على أولادها .. يمكن يكون شيء مو طبيعي ويمكن لاني أزعل من اسلوبها .
.. غالبا أتجنب الجلوس مع الكل عشان لا احتك بها وينالني الشتم ..
أمس أمي قالت لي جيبي لي (أخوك) المعاق .. من الغرفة الثانية .. رحت جبته وقلت لها هذا ولدك اللي تحبينه (أنا دايما أمزح مع أخوي هكذا )
أمي صرخت قالت : انا ما أحب أحد ولا أحد يحبني...
أمي " ذلك اللغز المحير أحيانا أحس في تصرفاتها براءة غريبة.. ولما اشوفها مستغرقة في الترتيب بغرابة ..
وباستمتاع حقيقي..
أمي هي التي ترتب لنا دقائق أغراضنا
من أغراض الجامعة الى فرشاة الأسنان وقت السفر التي تضعها في حقائبنا
لو قيل لي عرفي الام لقلت
( هي التي ترتب المنزل)) صدقا مهووسة بالترتيب
الدقيق الغريب فمثلا مكان الملح تبغاه على الطاولة في نفس البقعة بالضبط على أقصى اليمين..
وياويل من يحركه من مكانه .
12-06-2014, 11:52 AM
ضوابط المشاركة
العرض العادي
