هو من حقه الزواج من أخرى لكن ليس بهذه الطريقة الغير مقبولة

وشكله يتعامل معك كعسكرية ربما يكون مضغوط من العمل
وبهذاالراتب مايقدر يتزوج ثانية

من جد شكله قالب البيت عسكريه

الله يعينك

بس لازم تشوفي حل سريع قبل تحملي واذا حابه تتطلقي وهو مو راضي وتقدري تعطيه مهره

اخلعيه احسن والولد بيضل بحضانتك لين السن القانوني وبعدين يتخير بينك وبين ابوه

او انك تستحملي العيشه اذا حاسه انو بيتعدل

والله يكتبلك اللي فيه الخير

يعطيك العافيه

صراحه حابه اطلق وبأسرع وقت..
شخصيا ما اقدر اعطيه المهر..لكن ابوي يقدر..
وصراحه ما ابي ارجع المهرله لأني كذا راح اساعده يتزوج وبكل سهوله..مو معقولة يعتدي علي ويحرمني حقوقي وارجع له المهر..
انا راح اطفشه واطنشه لعل يطفش ويطلق..

عندي استفسااااار عن كلمه قالها لي

كذا فجأة قال وبدون مقدمات
((ماتحسي ان حنا مطولين مع بعض لنا سنتين))
انا رديت بكل عفويه لا تونا ..

لما خبرت امي قالت هذا يقصد شي..ناوي على شي مو سهل..شكله ناوي يطلقك...
انا قلت يمكن يبي يتزوج...

تتوقعون وش يقصد؟؟؟؟؟؟؟؟

لا تكترثي ولا تهتمي خليه يتزوج وصدقيني رح يرجعلك ..... في مثل بيقول ما بتعرف خيري غير تجرب غيري وشوفي بكره شو رح يصير بس علشان ولدك بلاش من الطلاق

أختي احس زوجك صغير 22 سنة ,,او يعني قليل خبرة في التعامل,,طائش
انتظري عليه كم سنة يمكن يكبر و يعقل,,

__________________

شاكره لك مرورك حبيبتي

والله ياحبيبتي تعاطفت معاج وااااايد
صج الله يعينج و يفرج همج

شوفي قلبوو



أول شي حبووبة
المفروض من لما شفتيه جذي من أول ليلة
لاعنده احترام ولا عنده أسلووب
دايركت تخبرين أهلج بإصرار
انتي ذكرتي انج خبرتيهم بس هم قالوا لج نطري
اووكي نطرتي اسبوع اسبوعين
وهو على أسوأ
خلاص تكلمينهم يشووفون لج حل

الشي الثاني موضوع الحمل
يعني هو بكبره مب زين معاج
ألفاظ مب عدلة
أسلوب مشين
بس ألحين هالشي صار و رزق ياج من رب العالمين
الحمدلله ع كل حال
بس الحين حاسبي وايد لا تحملين مرة ثانية
وتزيد فصول المأساة


ألحين انتي تبين طلاق وهو معند
انتي ما قصرتي معاه بشي
كل شي عاطيته
بالمقابل هو شنو عطاج ؟ ولا شي
فما أعتقد إنه يستحق أبدا تظلين تضحين ع الفاضي
يضيع عمرج
وتتعب نفسيتج أكثر مما هي تعبانة

حبيبتي لازم يعرف إن وراج أهل و عزوة
وأصلا عيب عيب عيييييييب يقولج كل هالألفاظ البذيئة اللي تنم >> مع احترامي لج طبعا
تنم عن شخص مب محترم ولا عنده اسلوب
يعني انتي مهما يكوون زوجته وأم ولده

هذا إذا أساسا هو مكترث بهالأمر
مب معقول تولدين و هو أبد ولا مفتكر

يالغالية
جربي أول شي معاه
جلسة صريحة
يعني ما أعتقد بتجيب نتيجة معاه
بس نجرب لا ضير في المحاولة
خلي الولد عند اختج أو أمج
إذا ما قبل يطلع وياج
في البيت مب مشكلة
اخذيه من يده
وقعديه يمج
وبلشي انتي بالحجي
رتبي حجي وايد ف بالج
وقولي له
صارحيه
إن اسلوبه لازم يتعدل
معاملته لازم تتعدل
انتي ما سويتي له شي
بيني له إن إذا هو ما يبيج خلاص ينفصل عنج
أما الحياة هذي مهي حياة
بس طبعا كوني حازمة و جادة
ولا تجيبين له طاري الزواج أو أي شي من هالقبيل
خلج على معاملته لج وعلى اسلوبه وعدم اهتمامه
شوفي شيصير وشنو يقول

شغلة أخرى
جربتي هالشي وما نفع
أو انتي حاسة إن ماراح ينفع معاه
جربي إنج تخبرين شخص
هو ريلج وايد يثق فيه ويحترم رأيه
ويا حبذا لو يكون قريب منكم وايد
إذا كلش كلش خفتي
شوفي أبوج كأقرب شي
قعدي مع ابوج وضحي له الموضوع بس باختصار
خلي أبوج يتفاهم معاه
لأن كلما سكتي بتزيد حدة المشكلة

شي ثالث
همن بعد تحسين إن مافي فايدة من هالحل
جربي معاه اسلوب الحقران
يعني سوي له كل يبيه
طبخ , تنظيف , امور البيت
بس بسكووت
لا تحاجينه
حسسيه إنه غلطان
حسسيه بقيمة نفسج
وإن لابد ويحترمج
ربما ينفع معاه ويحس على دمه

شي رابع مافي فايدة معاه ولا في هالحل بعد
انتي استشيري وحدة من قريباتج
تثقين فيها تحبينها
تسمعين لها
وخبريها تشور عليج
و سوي اللي انتي في النهاية يقنعج

أما موضووع يقدر ابوج يدبر المهر
بس انتي ما تبين تعطينه إياه علشان ما يتزوج ويريحها وانتي معذبج
شوفي ياقلبي
انتي ما تضمنين إنه لما يتزوج راح يريح الإنسانة اللي بياخذها
أو ربما هي نفسها ما ترتاح منه ولا معاه
صدقيني الدنيا دوارة
ربج ما بيضيع حقج أبد
وآنا أقول خله يتزوج بس الأهم تفتكين منه وترتاحين
و مرده حبووبة بيحس بقيمتج وبيحاول يردج
ومثل ما قالوا الأوليين : " ما تعرف قديري , إلا لما تجرب غيري"

ختاما حبوبتي
فكري زين قبل اتخاذ أي خطوة وأي قرار
قدر الإمكان استخيري واستشيري
ولا تعيشين روحج بعذاب وألم نفسي
و حطي ف بالج إنج مخيرة بين كذا أمر أحلاهم مر
إما أنج تتحلمين هالوضع
أو إنج تتحملين إنه يتزوج وتظلين معاه
أو إنج تتطلقين وتاخذين الولد وهو يتزوج

فلذلك فكري عدل واحسبيها صح
ولا خاب من استخار ولا ندم من استشاار

لكن رغم كل هذا
دعواتي لزوجج بالهداية والصلاح
يمكن ربي من عالي سماه
يهديه ويحنن قلبه عليج وعلى ولدج

راجية من ربي إن يفرج همج ويزيل كربج ويعطيج على قد نيتج يالغاااااااالية



ودي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

فعلاً صغير..لكن هذا مو مبرر لتهجمه علي ..كلنا تعلمنا الأدب منذ الصغر..

يحترم غيري يتعامل معهم تعامل راقي وهو بهالعمر وانا لا..

وبنفسه قايل لو اني متزوج غيرك ما اعاملها زي معاملتي لك؟
السبب انا مريضه بروماتزم مزمن وانوه سامع اشاعات عني...

ومرة ولد خالي جا بيملك على وحده وطلعت اكبر منه وقال ما ابيها لكن ابوه اقنعه ووافق ولما خبرت زوجي قال اذا كان مو معاملها معامله حسنة يطلقها الله يرزقها بأحسن منه
وماشاف معاملته ولييييييييش شمعنى انا...
انا انسانه احس اتعذب لي مشاعر وهو لايبالي؟؟
صغر سنة ليس مبرر ابداً..
حتى انوه شخص ذكي جداً..
واستطاع انوه يتحمل الدورة العسكرية وضغوطها...
وشخصيته امام المجتمع راقيه وانسان مهذب ويعرف الأصول اما عندي فيااااااارب افرجلي