فيه أخبار جديده قبل شوي جاتني رساله فتحتها لقيتها من زوجتي تقول فيها فيما معناها: سأضل أراك زوجا غاليا لآخر العمر وأن الله يحفظك ويرعاك.....الخ ما ادري ,,,,,تفجأت ليش تتفاجأ .. هذا الشي كان متوقع .. اهي زوجتك وانت زوجها مالها غيرك طبعاً ما رديت عليها ولا راح ارد ليش ما ترد .. موقف غريب بصراحة وش تبي اكثر من الاعتذار صحيح والله .. رب العالمين أرحم من البشر توها بدت تحس بغلطتها وبدأ ضميرها يأنبها لأنها انسانة طبيعيه وضميرها صاحي ضميرها انبها وحست ولو ماحست كان هذا الشي الي مو طبيعي ولو ما اتصلت عليك او ما أرسلت كان هذا معناته انك ولا شي بحياتها لكن ما دامها ارسلت معناها أنت كل شي بحياتها بس وش تنصحوني فيه ولو اتصلت وش اقول.....؟؟؟ إن شاء الله بس نتقابل راح نتكلم ونتفاهم المشلكه صار بقلبي نقطه سودا بسببها وصعب اسامحها مو صعب اذا تذكرت انها زوجتك حبيبتك وأم عيالك مو صعب اذا عرفت أن كل البيوت تحدث فيها مشاكل صغيرة موصعب اذا عرفت ان هالمواقف الصغيرة هي الي تصنع حياتنا وسعادتنا الكبيرة موصعب اذا عرفت انكم بهذي الموقف تختلفون عشان تفهمون بعض وتقربون من بعض مو تبتعدون مو صعب اذا رفضت رفض قاطع أن قلبك يتلوث بالسواد |
حبيبي بتتصل وبتسأل وبتدور عليك ، لأنها غلطانه وجالسه الحين تأنب نفسها.
انا رأيي ان تطنشها، ولا ترد لها ولا تكلمها، وبعد فتره اذا كلمتك قول للحين كلمتك براسي وماراحت من قلبي، حسسها ان الكلام الي قالته موب هين ، وماهوب على كل الرايحه والراده تقول ها الكلمه. يعني حسسها انك اذا سمعت ها الكلمه ثاني مره منها او ماشابه انك ماراخ تسامحها. اما بخصوص اخوي التائه انا معه فيما يقول ، ويمكن يكون كلامي متناقض، ولكن ها الكلام يصير لما اكون متأكد انها ماراح تعيد الي سوتها ثاني مره ، وها الشيء ماراح اكون متأكد منه الا لما اعاقبها او أئنبها تأنيب يستحق ويكافئ فعلتها او كلمتها. على اي حال اذا حنت عليك مكالمات رد وكلمها ولكن لا تفتح الموضوع مررره، هي تدري ان الموضوع مضايق ، وهي بتنفجر تبيك تسامحها ، خلها بقلبها شوي ، واذا فتحت الموضوع حاول انك ماتطولون الكلام عنه ، اذا قابلتها قول لها من الراس للراس. الله يوفقنا ويوفقك. |
بصراحة غريب أنت يا أخوي
ايش قاعد تنتظر .. صح غلطت بكلمتها بس مو لدرجة تقول صار بقلبك نقطة سوده لأن هالنقطة راح تكبر وتكبر وتصبغ قلبك كله بالسواد .. بس أنت لا تسمح بالهشي .. لا تخلي الضغائن والأخطاء الصغيرة تتراكم فوق بعضها لأنها تخلق كراهية .. وإذا كان هالموقف عمل نقطة سوده .. وموقف ثاني بيعمل نقطة سوده وموقف ثالث ورابع .. طيب وبعدين .. الحياة كلها مواقف وكلنا نلغط على بعض ترى طول القطيعة تقسي القلب .. وأنا شايفه أن قلبك بدى يقسى .. وزوجتك حست بغلطتها ولمحت لك بالهشي وتبي تعتذر منك .. وقالت أنت غالي عليها وش تبي أكثر .. المفروض تستغل هالفرصة وتقرب منها عشان تحسسها بغلطها ..مو تبتعد وتجافيها أنا قلت لك من أول رد لي أنها بتحس بغلطها لما تهدى أو لما ابوها يهدى وبتتصرف تصرف حكيم وبتنظر لك بقلبها وعقلها وزوجتك تقولك ما ابي اخسرك .. وتقولك انها تحبك مهمتك الحين أنها مدام قدمت خطوة .. أنت بعد قدم خطوة و قبل ما تطوون الصفحة القديمة أو المشكلة الي صارت .. أمسكها على جنب وفهمها غلطتها ووزن كلامها الي قالته قبل بميزان العقل والمنطق أمامها وحذرها أنها ما تكرر الي عملته .. وما تدخل في امور ابوك وابوها وأنك تعرف أنها تحبك بس الحب وحدة ما يكفي قل لها انك تبيها تحترمك كرجل وكزوج وما تسب اهلك أو أبوك وما تنتقص منك مرة ثانية ، وشدد على هالنقطة وقول لها أنك ممكن تسامح وتنسى الاساءه لكن الأخطاء نفسها اذا تراكمت اكثر من مرة فهذا يبني حاجز بينك وبينها وأنكم ممكن تخسرون بعض وأنا متأكدة أنها راح تبدي اسفها وراح تعوضك عن كل الي فات أنت رجل يا حسنيين وضروري تحتوي الموقف واذا ما احتويت الموقف معناه انه في شي مو طبيعي وأنك ما تبي تأدبها .. لا .. معناته أنك تبي تنتقم منها فهل هذا صحيح ؟؟ |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|