ههههههههه الله يخليكم لبعض
ذكرتيني في يوم قال لي زوجي تحبيني ؟ ابتسمت وقلت ايه قال : اش كثر تحبيني ؟ خجلت وابتسمت وسكت قال : انا احبك اكثر قلت : لا انا اكثر قال : انا احبك كثر حبات المطر قلت : انا احبك كثر حبات الرمل ( ماكنت ادري ان فيه اغنيه ) قال غلبتيني مسك يدي وغنى لي : إخـتـلفنا ... مـن يـحب الـثاني اكـثر واتـفـقنا ..إنــى اكـثـر وانـك iiاكـثر من عدد رمل الصحاري ... من المطر اكثر واكثر كـيـف نـخفي حـبنا والـشوق iiفـاضح وفــي مـلامحنا مـن الـلهفه iiمـلامح عاشقين ونـبـضنا طـفـل iiحـنـون ............................. |
حياالله الأخت سيلا موضوعك حلو ورايق ورومنس الله يبارك فيك و يحفظك لزوجك وعيالك يارب شوفي ياعمري أنا بصراحه ما أسئل زوجي مثل هالسؤال لأن إجابة هاذا السؤال عارفتها في نظرات عيونه ومن معاملته لي مدى عشرتنا مع بعض وأنا من النوع إللي مايؤمن بكلام الحب و لاكني أؤمن بأفعال الحب بالذات إن بعض الأزواج لا يتقن الكلام المعسول و العبارات الرومنسيه
لاكنه يتقن بتقديم الهدايا والإهتمام بزوجته و تجده يحضر لها ماتحبه من أ كل أو لبس أو كماليات يحرص على الشئ إللي يعجبها علشان يشوفها سعيده و مبسوطه تجده لو مثلا راح حتى البقاله تلاقيه يبحث لها عن مشروبها المفضل و عن بسكوتها المفضل يجيبه لها حتى بدون ماهيه تطلبه منه كل هاذا بس علشان حبيبته تحب هاذا النو ع حريص جدا على رضاها وإذا مرضت تجده مهموم و مغموم و يتمنى يشاركها الألم بنفسه و من شدة حبه لها ما يتحمل غيابها عنه و لا زعلها عليه و إذا شافها حزينه يحاول يسعدها و يخفف عنها حزنها و تلاقيه يحب إللي هيه تحبه و يكره إللي هيه تكره ويحب أي شئ له علاقه فيها طبعا هاذا النوع إللي يحب على الصامت أما بالنسبه لرجل ليش مايسألونا هاذا السؤال لنا حنا الزوجات أنا بقول كلام عن سالفه مرت عليه قبل فتره وهيه طال عمرك إني إنشغلت مع عيالي في فترة إختبارا تهم الد راسيه و مع شغل البيت والتعب قل إ هتمامي بأبو الشباب و مره كنا جالسين نسولف مع بعض مد رجوله على الكنبه و قال طقطقي لي أطراف أصابعي أحسها تعورني وأنا دائما أطقطقها له الطقطقه نوع من أنواع المساج للأصابع تمسك الإصبح وتسحبها وتطق من المفصل طبعا حبيت أوضح علشان يمكن مافيه أحد يفهم وش الطقطقه حقت الأصابع و بعد ما طققتها له قال أنتي صرتي ما عاد تهتمي فيني مثل أول وش فيك زعلانه مني ضايقتك بشئ و لا صرتي ماعاد تحبيني مثل أول بصراحه أنا من طبعي ردودي مباشر على طول بس آخر كلمه قالها و قفت عندها بغيت أقول له تراك أنت رجل وش كبرك و فاهم وعاقل وبعد هاذي العشره جاي تقول لي أنتي صرتي ماعاد تحبيني مثل أول و تقولها و كأنك أصغر أطفالي بس مسكت نفسي وراجعتها شوي و أعتذرت منه على التقصير و فهمته إنها فترة إختبارات وتعدي ولازم أساعد العيال علشان ينجحون بدروسهم ويرفعون راسه بين الناس و إن إحنا لازم نضحي ذولا عيالنا ومستقبلهم يهمنا لازم نكون حريصين عليهم أشد الحرص وإن مهما حصل من تقصير بحقه يبقى هو الأهم عندي مع الوعد بالتعويض في الأوقات القادمه و جلست أفكر بيني وبين نفسي و عرفت إن الرجل ماراح يسأل زوجته هاذا السؤال إلا إذا حس نفسه إفتقد لهاذا الحب وهاذا الإهتمام من قبل زوجته إذا شاف زوجته إنشغلت بشئ آخر عنه فترى مو ضروري يقول لها أنتي تحبيني و إلا ماعاد صرتي تحبيني لا هناك طرق أخرى يسألها بطريقه إحترافيه مثلا وش عندك مشغوله فيه هاليومين أنا ماعدت أشوفك مثل قبل و إلا و ينك إشتقت لجلساتك و سوالفك و إلا وش عندك جديد صار لك فتره ما عاد تفكري في أحد حواليك وإذا كان عندها دراسه أو إختبار أو شغله تجده هاا ه متى تخلصين إختباراتك متى تفضين من شغلتك ودنا نجلس مع بعض و لانطلع نتمشى أحس إني متضايق و طفشان نبغى نغير جو و طبعا من هاذي السوالف كثير تحصل مع الزوجات يعني الرجل ماراح يسألك هاذا السؤال إلا إذا إفتقد لجوابه من ناحيتك كزوجه فيحب يشيك على الأوضاع بطريقه إستراتيجيه وفنيه حتى لو يقولها لعياله إجلسوا ياعيال لاتزعجونا خلو أمكم تشوف شغلها زين الله يعينها على شغلها هاليومين و أحيانا التلميح أبلغ من التصريح فما نقول إلا الله يحببنا فيهم ويحببهم فينا و يعيننا على سعادتهم وراحتهم اللهم آمين . |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|