هلا بالجميع

وحشتوني وحسستوني ان في احد واقف معاي




بالنسبه للي سأل عن ابوه

الا ابوه موجود وترى هو أرحم بكثيييير يعني هو اللي احسه متفهم

اخوي يوم يتفاهم تفاهم مع ابوه اول ويقول كان كلامه متزن وصاحب حق

أهون من امه ... امه عيني عينك اقولها حرام عليك امي مسافره انا زي بنتك

تقول بس هذا ولدي أكيد بوقف معه .... وهو الكذب عنده ببلااااااااااااااااااااااش وهي تصدق

تخيلو طلعني عندهم البخيله اللي خايفه على الفلوس وهو اللي مو مخلي عني اي قصور


حسبي الله ونعم الوكيل بس


اليوم الاربعا والله ان حزة المغرب بس يدي على قلبي

عين عالباب وعين على التلفون

الله يعين بس



بالنسبه للاخ اللي سأل عن الجنسيه الثانيه

اللي عندي جنسيه غربيه وبالتحديد الامريكيه

تتوقع في شي بيفيدني ؟؟




انا خلاااص تقريبا قرار نهائي اني انفصل عنه لأني مو متحمله أشوفه مره ثانيه بحياتي

بس انتظر رجعة اهلي والله يسهل موقفهم ويسهل علي

بس أفكر بشي

أبغاها الكلمه تطلع منه مو مني

علشان ما أرجع له ولا هلله نحااااسه كذا

يعني بياخذ الفلوس والاغراض اللي كانت بالشقه وعدة المطبخ كلها جديده استعمال لايذكر

ويتزوج ويتهنى فيهم ؟؟؟!!!

لاوالله مااخليه

احس صرت متوحشه ونذله حسبي الله عليه


الله يعين بس

اشوفكم على خير

انسيه واطلبي الله بلعوض بخير منه هذا مش رجال هذا ناقص والله مايستاهل يكون اب وله ذريه وولدك من حقك لانه واضح انه ماراح يكلف على نفسه ويصرف عليه دام هذي امه حسبي الله لاتستغربي منه

اختي يعلم الله كم تاثرت لقصتك

اسال الله ان يجعل لك من كل هم فرجا ومن كل ضيق مخرجا ويرزقك من حيث لاتحتسبي

وان يحفظك و اهلك وابنك ويحميهم من كل مكروه ولايحرمك منهم يااارب

__________________
حمداً لله على نعمه وفضله

أختي الكريمة مرحبا بك مرة أخرى ....
أنا سعيد جدا لما سمعت عن والده انه طيب لانه هذا ممكن يكون السلاح اللي تضغطين فيه على زوجك أو على الأقل أنه ينصفك بكرة لما تتكلمين مع أهك و تبلغيهم بالموضوع لانك محتاجة أحد يوقف في صفك من جهة أهل زوجك لتضمنين حقوقك كاملة بما فيها الأثاث اللي شريتيه....

أنا ما راح أقول لك الآن اطلبي الطلاق منه أو لا .... لان الطلاق أبغض الحلال عند الله زي ما تعرفين و ما ودي أيضا ابنك الصغير يعاني من ألم فقد والده و تأكدي أنك مهما تسوين له تبقين أمه و لن تكوني أبوه يوم من الأيام .....

شيء أخير بخصوص الجنسية الأمريكية ... هل عندك جواز و كل أمورك زينة؟؟ النظام تبعهم يجيز لك اعطاء الجنسية لابنك لكن بعد شروط طويلة و معقدة أهمها أنك تقيمين كم سنة في أمريكا على الأقل .... و عموما ممكن أفيك بتفاصيل أكثر في هذا الموضوع اذا كان يهمك

الله يوفقك يارب و يسمعنا عنك كل أخبار حلوة

هلا أخوي ليفربول


ابوه طيب ايوه بس مهما كان هذا ولده واكيد بيوقف بصفه

وبالنسبه لـــ أني انا مااعوضه عن ابوه

طيب وينه ابوه ؟؟؟ والا بس اسم على الورق ؟؟

لو كان يحس بالابوه لو شعره كان عالاقل سأل عنه ...لو حتى يكلم اخوي يسأل عنه

بس هذا حرام فيه كلمة ابو

الا حرام فيه كلمة رجال

وبالنسبه للجنسيه ... ايوه عندي الجواز الامريكي

وداريه اني لازم اقيم بامريكا 5 سنوات على الاقل علشان اقدر اعطي ولدي الجنسيه

وعلشان يقيم بامريكا 5 سنوات لازم اطلع الجرين كارد له

وعلشان اطلع الجرين كارد له لازم الجواز السعودي

والجواز السعودي عند ابوه

ورجعنا لنقطة الصفر



عالعموم مشكور عالافادهـ ربك يعين ويسهل

أسأل الله الكريم رب العرش العظيم أن يفرج همك
ويسهل أمرك
ويجعل لك من كل ضيق مخرجاً
ألزمي الدعاء وربي ما راح يضيعك
ولازم تكونين قوية وإيجابية عشان طفلك
الله يعجلك بالفرج

صادق دعواتي لك

__________________

أختي الكريمة

أنا ما أدري ليش ما تحاولين الكلام مع والد زوجك خصوصا أنه جد ابنك و أكيد راح يحن عليه شوي خصوصا انك قلتي انه طيب و مافيه أي خسارة من المحاولة في كل الأحوال

ما دام عندك جواز أمريكي الآن ممكن تبدين اجراءات الحصول على أوراق له حتى لو كنتي في السعودية بحسب التعديل اللي صار على النظام و لاتحميان هم الحصول على الجواز السعودي لابنك الآن

شيء أخير .... حاولي بأي طريقة تستعطفين قلب زوجك على ابنه و لو عن طريق أخوكي أو أبوه لكن لا تحملين الهم لحالك و لاتخافين من أنه يأخذه منك لانه ما يقدر حسب النظام في السعودية


الله يوفقك يارب

هلا اخوي اشكر لك اهتمامك

بس ياليت توضح لي وش التعديل اللي صار على النظام ؟؟؟

ووش الاجراءات اللي تقصدها وابدأ فيها؟؟

وهل اقدر اسوي شي و جواز ولدي عند ابوه ؟؟

أهلا و سهلا فيكي أختي مرة ثانية و الله يكون في عونك على مشكلتك ....نعم بحكم أنك عندك الجنسية و الجواز ممكن تتصلين على القنصلية الأمريكية و عندهم قسم خاص لشئون الرعايا لعلاج المشاكل اللي مثل حالتك و ممكن يفتحون لك ملف و يبدأون اجراءات اخراج جواز لطفلك حتى لو ما كان عنده جواز سعودي بناء على جنسيتك أنتي أهم شيء يكون عنده شهادة ميلاد ... وأتمنى يكونون متساهلين معاكي بدون أي تعقيدات ....

السؤال أختي!
هل أنتي محتاجة لهذه الخطوة في الوقت الحالي ؟؟؟ أنا لا أعتقد ذلك حاليا !!

أعتقد أنك بحاجة الى تحديد مصير استمرارك مع زوجك من عدمه وهل ستطلبين الطلاق أم الخلع و مالذي يترتب على هذا التصرف بعد ذلك........ المسألة طويلة

والله ما ودي توصلين لموضوع الطلاق لاني أشوف أن هناك خطوات يجب عملها قبل كذا بين أهلك و أهله و أقترح أيضا أن تعرضوا مشكلتكم على أحد مراكز الاستشارات الأسرية و ودي تفكرين في طفلك وانه ما يكون ضحية لهذا الطلاق .... و لا تنسين نفسك ترانا في مجتمع ما يرحم المطلقة للأسف و راح تتعطل كثير من مصالحك و معاملاتك و أنا أتكلم عن خبرة

ياليت اني أقدر أسوي شيء أكثر من كذا و اتكلم مع زوجك و نذكره بالله عز وجل ونذكره بابنه اللي للأسف ما سأل عنه ....

الله المستعان

هلا اخوي

هلا جميعآ




اخوي انت جالس تقول اني افكر وافكر بطفلي اول شي

طيب يعني انا مثلا اروح له وابوس يده بليز ابغاك ؟؟!!

هو اللي قال لي ماابغى اشوف وجهك عندي بالشقه يعني بالعربي طرده

والشغله الثانيه وانا ببيت ابوي وخواتي في واهلي موصينه علي قبل مايسافرون وهو تجرأ ومد يده

اجل وشلون لو اكون معه بروحنا بعدين ....على اقل شي بكون تحت رحمة يدينه

وبعدين هو يبغاني انقل معه وانا بهالظروف مستحيل انقل خلاص ما أأمن عليه أبد أبد افرض نقلت بعدها طردني

وحتى لو حتى لو ....انا خلاص القلب عافه .. كرهته وربي كرهته ماعاد يهمني

واحد بهالقسوه وقلة الادب وسوء الاخلاق وش اسوي فيه ؟؟

صدق ظل حيطه احسن من ظل بعض الرجال






خل اقول لكم وش صار هاليومين..

امس كنت عالنت بالمنتديات وفجأه طاحت بيدي صفحه مدري وشلون طاحت

انا هاليومين مرررره افكر بمسألة الحضانه وخااايفه واحاتي وكل شي

طاحت بيدي هالصفحه عن وحده تتكلم عن محامي ساعدها ووقف معاها وانه من المناصرين لحقوق المرأه

قلت خل اسوي سيرش عنه وسويت سيرش وشفت سيرته وكل شي وسبحان الله طلع الرجال أصله نفس أصلي

ومكتبه قريب بعد وانه له قضايا مشهوره ..

قلت خل ارسل له ايميل وارسلت له وقلت له السالفه بإختصاااار شديد واني ابغى اعرف الحقوق اللي لي وعلي لو صار انفصال

كان رده انه لاتخافين وكذا واتصلي علي

واتصلت اليوم العصر وكان جدا محترم وسمع السالفه بالمختصر وقال تبين اوقف معك بوقف انا اكره شي عندي ان رجال

يمد يده على حرمه ...

قلت له انا مقدر اتصرف الحين قبل لا يجون اهلي بس ابغى اعرف وش اقدر اسوي ووش لي ووش علي


قال اول شي بالنسبه للحضانه ..

اتحدااااااااه انه يقدر ياخذه منك حتى لو كمل ال15 سنه ...بس اهم شي انك ماتتزوجين اذا تزوجتي هو يقدر ياخذه
قلت لااااا توبه ولاني متزوجه وبربي ولدي بس في وحده معنا مطلقه وزوجها اخذ منها عيالها يوم وصلو 7 سنوات قال لا ماااايقدر وهالقانون جديد ولو هي جايه لي وربي ارجع لها عيالها

ثاني شغله تقدرين تطالبينه بالنفقه على الايام اللي راحت كلللها ...ويطلع لك مبلغ محترم
قلت ماابغاه حلاله بس اهم شي ولدي عندي

ثالث شي وهو اهم شي ..سالفة الضرب والتعدي بالبيت في غياب اهل البيت اللي هم اهلي والدخول على نساء غير محارم
قال ...هذي جنائيه ...نقدر نكتب فيها خطاب وانا ارتبه لك وخواتك يشهدون وهم بيسحبونه على وجهه ويسجنونه ويأدبونه
ويعزرون فيه بعد ....قلت هذي نخليها بعدين نشوف سالفتها بس انا ماعندي تقرير من المستشفى ولا شي ويمكن بيقولون ليه ماتكلمتي من قبل...قال عادي بحكم ان اهلك مسافرين وانتي تنتظرينهم واذا على التقرير يمشونها مايدققون عليها برضه لأنك ماقدرتي تتكلمين وابوك مو موجود



قلت انا ماهمني انا اهم شي عندي ولدي انه يكون معاي

اذا جاو اهلي يصير خير ان تكلم بالحسنى كان بها وان سوى فيها وصار مو رجال ويبغى تعويض وخرابيط وربي من ثاني يوم انا عندك بالمكتب .... قلت كم اتعابك ؟؟....قال انتي من اهلي واذا بساعدك بساعدك علشان ولدك وحقك مايروح والاتعاب مانتكلم فيها حتى لو ماتعطيني



وقفلت منه وانا مرتااااحه وعرفت انام