ما ابغى الرجال يمسك علي ممسك
وما ابغى احس ان وجودي كعدمه
أي ست بيت تحب تأكل زوجها بنفسها
انا لو وحدة كسولة ممكن أقول احسن واريح
لكني الشهادة لله مو مقصرة
وهو كان يمدح هالشي فيني
والله كان يقول: انتي تحسسيني اني ملك بالبيت
ويقول ان اللي مثلي صاروا نادرات بين بنات هذا الوقت
سبحان الله كأنها عين وصابتنا

الحب مو بس غزل وشوق وغيرة
الحب احتياج

معليش كنافه لفت انتباهي ردك هذا
يعني انت مفكره ان اذا غسلتي ملابسه و طبختي اكله و نظفتي بيته خلاص صار ما يستغنى عنك ؟
المطاعم على قفا من يشيل و كذلك المغاسل
اهله قبل الزواج كانوا يسوون له كذا و مع ذلك تزوج
الرجل مو همه بس هالأمور
ركزي اكثر بالجانب اللي ما يلقى بديل عنك
و الاهم يبي الراحة و السكون عندك ..بدون مشاكل و وجع راس

لذلك لا تزعلي نفسك و لا نزعلي من زوجك
و فكري بغيرك اللي زوجها حتى ملابسه الوسخه اما يبدلها ما يحطها بسلة الغسيل برميها بنص الغرفة عشان تجي زوجته تلقط وراه

__________________
ي رب رضاك و الجنة

ما اقدر .. بس بحاول

خليه يطبخ وقبل مايطبخ جهزيبه كل شيء
قطعي البصل الطماطم الخ غسلي الرز ونقعي الدجاجه وما الى ذلك

واذا خلصتوا اكل اشكريه ع الاكل ولمي السفرة ونظفي مطبخك

تقولين لي ركزي بالجانب اللي مايلقى فيه بديل عني
ما ادري أصلا ايش هالجانب
لحد يقول لي علاقة زوجيه
اللي يتابعون مواضيعي عارفين ان زوجي اخر اهتمامه هالشي
انا أحيانا أقول مثلك: ليه متعب نفسه ومتزوج وفاتح بيت
بعدين أقول يمكن عشان يصير اب وعنده عيال
بعدين أتذكر انو اذا تزاعلنا ينسى بنته وولده تماما
بصراحة بصراحه انا ما ادري ليه متزوجني
بنفس الوقت احسه يحبني ويحاول يسعدني
مدري كيف

يرفض وبقوه
أساسا مايرضى ادخل معه المطبخ
يقول روحي ارتاحي انا ادبر أموري
واذا طبخ مايحب افتح القدر
يقول لاتشوفين الاكل الا اذا غرفته
بعدين يتفاخر عندي انه حط شي غريب بالاكل
يعني إضافات خاصة من عنده
وخرابيطه هذي يسميها اسراره الخاصة
اللهم لك الحمد والشكر

زوجك فلللللللة ماشاء الله

ضحكت غصب يا كنافة ، خلاص فليها انت كمان معاه

طيب طالما يضايقك طبخه وشغله في البيت اطلبي منه التوقف ووضحي له قولي له ما أحبك تتعب وانا ابسوي كل شيء

هو يمكن مايحب أنه يحس انه بحاجتك حسب وصفك، وهذا لا يمكن الحكم بصحته، لكن الذي أستيطع أن أؤكده هو أن قيامه بهذه الأمور يحسسك أنه مستغني عنك، وأنه يستطيع العيش بدونك، وبالتالي تشعري أنه لم يتبقى لكِ فقط سوى دور العناية بالأطفال أو كما تصفين أنك أصبحتي ديكور، وهذا أقوله وبالفم المليان أن هذا وهم منك وتعيشين تحت ضغط اللحظة الراهنة المتمثلة بالاحساسيس السلبية التي تشعرين بها، هذه احاسيس عابرة، والحياااااااااة أكبر من هذه التفاصيل الصغيرة.

طولي بالك، ولا تتحسين، وخليك واثقة بالله ثم بنفسك، فمصير كلاً منكما يعود لدوره الذي تعود عليه والطبيعي.

أنتي لسّه راجعة من الأربعين، وحين عودتكِ وجدتي أن الكثير من أدوارك التي تشعرين بأنها تعطيك نوع من الأهمية لم تعد موجودة بحكم أن الرجل يقوم بنفسه.

خلي نظرتك أبعد وطووووولي بالك، وخففي من الحساسية، أنتي بعد غيابك عن زوجك مدة شعرتي أنكِ تركتي فراغ له، تريدن العودة بسرعة لكي لايملئه، ثقي أنك ستملئين كل شيء، فقط خوذي الأمور ببساطة وهدوء ومع الأيام لن تجدي وقتاً كافياً للطبخ وللزوج وللأطفال، وتبي تقولين وينه يجي يطبخ عشان تتفرغي للكثير من المتطلبات الحياتية والزوجية، وفقكِ الله.

__________________
ياصبحِ لاتِقبل !!
عط الليل من وقتك..