ماذا تعني لك النرفزة اختي زين من وجهة نظرك كأنثى؟

ماهي مشكلتك بالضبط مع نرفزة زوجك؟

ماذا تشعرين وقتها وكيف تفهميها ؟

ضعي نفسك بموقع زوجك وحاولي تحللي لي لماذا اتنرفز بخصوص العطر على سبيل المثال؟

__________________

العيشة مع زوج عصبي تقصر العمرتحسين نفسك دائما في حالة استنفار
اتنازل عن الوسامة والطول مقابل زوج متفهم وحليم

وانا امس قهرني زوجي وعصب علي
ونكد صيامي وفطوري بدون داعي
وبقيت مهمومة طول اليوم

ليه الزوجة لازم تسكت وتبلع
اخرتها الوحده تمرض ومحد سائل فيها
مافي شي يقصر العمر قد النكد
والمشكله الرجال اذا تعودوا استمروا
يعني حكايه بيتعدل بعدين مستحيله
لكن هم ابتلاء عظيم من الله

هذي أنتي قلتيها الواحد تمرض نفسها ومااحد سائل فيها .. عشان كذا مشي وطنشي .. أكاد أجزم إنك إذا طنشتي هو بيحس بأخطائه وبيتوقف عن هالشيء .. حتى لو ماتعدل ياأختي براحته خليه ليش تحرقين عمرك وأعصابك .. أنت سويتي اللي عليك وأرضيتي ربك وقمتك بواجباتك خلاص ولاتفكرين في شيء .. تعلمي كيف تكونين باردة وبس

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

البرود والتطنيش حلو وانا اتبعه
بس تخيلي جالسه عالسفره ودش هواش
تسكتي ولا يسكت
شوي وتغصي باللقمه
وما يوقف صراخه الا اذا دمعت عيونك
اذا مادمعت عيونك يعني ما تأثرتي يعني عادي يجلس ساعتين يصرخ

السكوت والتطنيش مجرد هروب من المشكله
مو حل ابدا
واللي زوجها يعصب باستمرار بتفهم قصدي

زوجي عصبي ويصرخ بطريقه مستفزة جدا جدا واذا عصب يكسر الاشيا اللي حوالينه او بالسياره يتهور بالسواقه ويتضارب مع الناس في الشارع ......زمان كنت ارد وادافع عن نفسي او ابرر وقد سبق وصلت الامور لحد متطرف جدا
الان صرت اسكت ولا ارد وبداخلي اتحسب او استغفر بس القهر يستمر داخلي لايام وانسحب من كل شي يجمعنا حتئ الكلام وهو يتوقع انه اليوم الثاني امن يرجع يتاسف او يتكلم طبيعي او يتلطف انه اتوماتيك راح ارجع طبيعيه!!!!
اخر موقف من يومين طالعين مشوار وطلب مني افتح الخارطة عشان هو مايعرف الموقع بدقه وهو يسوق تجاوز المنعطف ويضطر يطول المسافه عشان يلاقي يوتيرن صار يصرخ زي المجنون ويقول قفلي الخارطه وانا غلطان اجي هنا وخلاص نرجع البيت وفعلاً رجعنا نص المسافه للبيت وفجأة لف ورجع يكمل للمشوار وكلللله وانا ساكته ووصلنا المكان وانا ضغطي ارتفع وخلاص من القهر ماشوف قدامي وهو يبتسم ويطلب مني اخذ كل اللي احتاجه !!

قد سبق وناقشته عن عصبيته واني مو مضطرة اتحملها .......رده انه انا حبيبته وزوجته اذا ماتحملته انا مين بتحمله؟؟؟!!!!!

__________________
مادمت تنوي الخير..فأنت بخير

مبتعثة : يا رب والله دايما ادعي ونسأل الله الاستجابة

.

سكر اي حبيبتي اكيد استفدت الله يعينج ويعيننا
اوحيتي لي بفكرة راح اجربها معاه

.

ومض 😊 سويتها كذا مرة و طلع من طوره
يقول ان استهزء فيه لما ابتسم وهو معصب

.

جنى 😢 الله يعين
وآنه من البارحة معاه في شد و جذب
وتو قبل شوي تناقشنا .. وقال بيحاول يضبط نفسه
والحمدلله اخيرا اعترف انه غلطان! خفت اموت قبل لا يعترف
وقال بيحاول يضبط نفسه .. بس اهم شيء لا تعصبيني!!! 😐

.

وفا 😢 تقصر العمر
و تشيب الراس
مقدمة شعري على جنب بدأ يزيد الشعر الابيض وآنه حتى ال 30 للحين ما دشيت!

.

كنافة 💔 لا تشكي لي ابكي لك

.

لست .. كنافة قالت اللي بخاطري
ترى التطنيش بعد يسبب تراكمات
يبي له وحدة قلبها بارد

.

بلا حدود .. مو المشكلة ان زوجته و حبيبته بعد لها طاقة تحمل
الاعتذار والكلام المعسول مو دايما يطيب القلب

__________________

حاجة الناس إليكم من نعم الله عليكم ، فـ لا تملوا النِعم ☁✨

ماذا تعني لك النرفزة اختي زين من وجهة نظرك كأنثى؟
- يهز استقرار نفسي ، يزعزع الامان اللي احس به
لان باخاف اتكلم معاه بأريحية .. بنظر له على انه جلاد مو زوج

ماهي مشكلتك بالضبط مع نرفزة زوجك؟
- مشكلتي ان ما عندي الصبر اللي يخليني اتحمل عصبيته وان يمر الموقف دون تراكمات...
فيه مواقف اعديها بس مواقف يبقى اثرها .. اخاف انفر منه!
مو قادرة اتفهم ولا اتقبل عصبيته... وصرامته

ماذا تشعرين وقتها وكيف تفهميها ؟
- اشعر بالنفور منه ، بعد موجة نرفزة دايما اتسائل شلون بستمر معاه طول العمر جذي! ... افهمها انه ما يقدر يتحمل مني كلمة
مع ان عصبيته مو بس معاي...

ضعي نفسك بموقع زوجك وحاولي تحللي لي لماذا اتنرفز بخصوص العطر على سبيل المثال؟
- حس انه في جلسة تحقيق!
وان آنه اظهره بمظهر الجذاب!
واليوم صعقني ما شاء الله عليه لما تناقشنا وقال ان فهمها بعد ان انه ألمح له ان العطر مو بالمسجد! ما اقدر اوضح اكثر لان تفكيره اصابني بالغثيان

__________________

حاجة الناس إليكم من نعم الله عليكم ، فـ لا تملوا النِعم ☁✨

صررحة الزوج العصبي اسهل بالتعامل مع الغير عصبي
لان العصبي بعصب و بيخرب الدني و بعدها بروق و بيندم و بيجي بيعتذربك
خلص تعودي ع هالشي ولا عاد تاخدني ع كلامو وقت بكون معصب
و بعدها استمتعي بالدلع

__________________
استغفر الله ،، والحمدلله ،، ولا إله إلا الله ،، والله أكبر

مافي اي متعه بعد مايكسر نفس المسكينه
بالعكس والله.. كل شي تهون بعينها
بعدين كيف يبغاها تدلله وتدلع وتهتم له
وهو معطيها جو التكشير والتعصيب طول الوقت


الزوج الذكي يعرف اذا اسعد زوجته بتسعده
واذا نكد عليها بتنكد عليه لو غصبا عنها