مبتعثه
اشوف انه تردين على رد وتتركين رد
كتبت لك بكل طيب نية ولا اعلم عما تكنه الصدور

هلا ملوكه
سامحيني حبيبتي اكتب من جوال وماانتبهت
وجهه نظرك مشابهه لوجه نظري
و مثل ماقلت للاخ ماوصلنا للوعي ان الطبيب
النفسي مثل الطبيب البشري
لكن تو انتبه ان لك تجربه بهالموضوع
ممكن تفصلينها لنا
ليه رحتي وكيف النتيجه
ومن شجعك تروحين

الطبيب النفسي ايش درس عشان صار طبيب نفسي؟!

اجابة السؤال هي التي تشجع الواحد من الذهاب لهم

__________________

بصراحة يعني ماحس منه فايدة
ولو بقول اني بروح له بيضحكون علي
بس لمرضى الفصام وماشابه و الحالات القوية اللي لازم ادوية
مع اني احس ادويته قويه لانها بعضها نوع من المخدرات بس لابد منها لهؤلاء المرضى و الا اذوا نفسهم وغيرهم

فيه الطبيب النفسي وفيه الاستشاري النفسي
الطبيب النفسي هو اللي عنده شهادة بالطب البشري وهم الاطباء اللي نشوفهم بالمستشفيات النفسيه ويغلب عليهم صرف الادويه النفسيه البعض يقول انه شي طبيعي والبعض يقول لانهم دارسين الطب فتعودوا على صرف الادويه اكثر من اللازم لكن شخصياً اشوف السبب انه لان اغلب الحالات اللي يستقبلونها تكون متقدمه ومتطوره

اما الاستشاري النفسي غالباً يكون اللي عنده درجة الدكتوراه في الطب النفسي. يعني تخرج بكالوريوس علم نفس مو مثل الطبيب النفسي واللي هو متخرج طب بشري. هذولا بالعاده يكونون في عيادات خاصه او جامعات

والطبيب النفسي يوجه مرضاه بعد جلسات علاج قويه للاستشاري النفسي او اذا جاه مريض حالته بسيطه.

الاخصائي او الطبيب النفسي مفيدين لكثير من الحالات وبنفس الوقت ممكن يكونون مضرين بعد. فهو حسب الطبيب او الاخصائي البعض جيد والبعض سيء

بالنسبه للذهاب للطبيب النفسي يفرق، بوضعي الحالي اقول الحمد لله ما احتاج لطبيب او اخصائي نفسي وما اتوقع اني اروح له بالمستقبل لاني مقتنع بحياتي ومتأمل مهما كانت الصعاب عندي رب عطوف ورحيم ماراح يخليني لحالي

لكن فعلاً كثير من الناس يحتاجون يروحون لطبيب نفسي. شخص اعرفه فجأه صار مايتكلم مع احد من الناس وفصل من الوظيفه وهو اكبر اخوانه وصار مايطلع من البيت ابداً ونظامه يمشي بحوش البيت اربع وعشرين ساعه من يقوم لين ينام يوقف ياكل بعدين يرجع يمشي. سوآء حر او برد او شمس او ليل. مشي مشي مشي. بعد سنوات اهله قرروا يودونه لاخصائي نفسي من غير مايعرف احد خايفين من "الفضيحه" الله يهديهم وكل ماودوه لاخصائي يقول لهم ولدكم منتهي مامنه فايده. اخر شي قريب لهم سمع بالسالفه وراح لهم وتفاهم معهم لين اقتنعوا بكلامه واخذوا الولد لاخصائي ممتاز جداً يعرفه قريبهم والاخصائي حوله على طبيب نفسي يثق فيه. الولد طلع مخه مايوقف من التفكير وتعبان كثير فأعطوه علاجات تخليه يهدا ويرتاح بشكل مؤقت وبعدها يراجع عند الاخصائي بين فتره وفتره والحين ماشاء الله رجع الوظيفه وحالته من افضل الحالات واللي يشوفه يقول هذا ماعنده مشاكل بحياته.
حررمه مطلقه اعرفها تقاعدت مبكر وانقلبت حياتها فوق تحت. فجأه صارت ماتثق باحد وانقطعت كل علاقاتها الاجتماعيه ونفس الوقت قطعت كل علاقات بناتها وكبروا البنات وصاروا بس جامعه للبيت، لا اسواق لا زيارات اقارب لا مكالمات مره بالسنه يطلعون يتقضون للبيت، مره يعني الام ماتعرف الا البنات والبنات مايعرفون الا امهم ويجيهم خطاب من اخوان زميلاتهم بالجامعه لكن الام ترفض والوضع كل ماله يتطور جاها اخوها بيسلم عليها وهو طبيب ولا ترد عليه وحاول اكثر من مره وهي رافضه ويحسب انه ضايقها بشي وبيوم اتصلت وحده من بناتها على خالها وشرحت له الوضع وماكان مصدق لين راح لها يوم وماتحرك من قدام الباب لين سمحت له يدخل. وشاف الحاله بنفسه وكيف هم متغيرين واعطاها رقم اخصائيه نفسيه زوجته كانت تراجع عندها وقالها بس كلميها ومع الوقت الام تغيرت حالتها للافضل وعرفت خطأها وتصرفاتها

اللي حاب اوصله انه الاخصائي او الطبيب النفسي يوجهون المريض حسب ماهو حاب لكن بالطريقه الاسلم بغض النظر عن معتقداتهم او افكارهم الشخصيه. يفككون الالغاز اللي خلت المريض يجيه اضراب نفسي ويحلونها له. يبسطون له الحياة

لكن فيه بعض الناس يروحون للنفساني من غير حاجه،،
شخص اعرفه دايم يتشكى من حياته مع انه مافيه شي فعلياً لكن اكتشفت مع الزمن انه يحب يتمسكن. دايم يتكلم انه مظلوم وانه تعب من الظلم وانه ليش حياته جحيم لكن اذا كان فيه طلعه او سفره ووناسه نشوفه انشط الناس وكأنه مافيه الا العافيه بالعكس ممكن يتكلم على الناس اللي تتشكى اللي خلاني اعرف انه مافيه الا العافيه ويحب المسكنه انه دايم يتكلم ان اهله مايساعدونه مادياً وهو بامس الحاجه وصدفه اكتشفت ان ابوه يحول له راتب شهري يوازي ررواتب الموظفين على المرتبه الخامسه. ومشكلته يتشكى للجميع القريب والغريب. اذا رسب في ماده يقول الدكتور يكرهني واذا تتبعنا الموضوع نشوف انه هو مايحل الوجبات او مايذاكر او او او، قبل فتره عرفت انه يراجع عند اخصائي نفسي لان كثير من الناس صارت تتركه من طريقة تشكيه وصار يروح للاخصائي مع الوقت ترك الاخصائي ورجع لسالفته القديمه.
مثل هذا الشخص مايحتاج يراجع نفساني يحتاج ان ابوه يوقف عنه الدلع الزايد

عموما الله يشفي مرضانا ويعينهم

لم يسبق لي الذهاب و لكن اتمنى ان اقوم بزيارة طبيب نفسي وبعدين ليس شرط انه جميع من يذهب لطبيب النفسي يعطيه ادوية الطبيب لا يصرف الدواء للمريض الا اذا كان في حاجة شديده له و في الاغلب لا يصف لهم دواء لانه الحالة لا تستدعي فليست كل الحالات تحتاج لدواء فالنادر منها فقط ما يحتاج لدواء فلا تخافي و توكلي على الله و اذهبي لطبيب مضمون و معروف ولا تذهبي لاي طبيب دون السؤال عنه و عن مهارته في تخصص طب النفس