من وجهت نضري اخونك اذاهم كبار ويستطيعون الشغل ليه مايشتغلون ويصرفو على نفسهم وامك اكيد لديها ضمان اجتماعي هي وخواتك البنات الي مو متزوجات والله مومساله زوجتك تغار من اهلك هي تشوف ان اخوانك ليه مايشتغلو مثلك لديها حق في بعض الامور انت صرف على نفسك وزوجتك لن المراءه تحب تشتري من لبس ومستلزمات خل اخونك يشتغلو يعتمدو على نفسهم انت خلص تزوجت وعندك بيت وبكره ييجيك عيال☺

روح صالح زوجتك وتعوذو من الشيطان الله يوفقكم

ياليت لو نتكلم بانصاف بعيد عن جنس المشتكي
ومن اللي قال لاينفق على زوجته؟!!
الرجال مو مقصر عليها حتى طلعاتها بالويكند تصرف 500 كل طلعه من غير مصاريفها العاديه يعني مو مقصر ابداً
الدعوه ماهي تحكم ولا هي حجر عليه عشان تقرر من يعطي وعلى مين يصرف
طالما انه مو مقصر معها مالها شغل ولا لها علاقه يعطي اهله والا لا
ونفس الشي لو جا هنا واحد وقال زوجتي تعطي اهلها راح نقول مالك شغل
هذي فلوسه وهو حر
اما انه يعطي اخوه عجيب كلامك بصراحه اجل تبيني اشوف اخوي محتاج واتركه!!
هذي الرجوله بنظرك
اخوي يقدر والا مايقدر ماني مخليه يشحد عشان حظرتها ترضى وتكون مبسوطه
وخصوصاً ان الرجال قال لها قبل الزواج وصارحها بظروفه وظروف اهله وهي استعدت وقالت انها راح تصبر

غريب
ما هو سبب عدم عمل اخوانك
و كم أعمارهم.
ماهي النقطة التي اعترضت عليها و انت لم تذكرها لها بوقت الخطبة
ربما ذكرت لها الوضع بشكل عام و لم تتوقع التفاصيل..
ربما لم تتوقع ان تتصل فيك امك وقت جلوسكما معا
او انك ترجع فعليا و يوميا الساعة العاشرة
و ماشابه

__________________

ليه بعد مانقوله يروح للمحكمه ويكتب تفويض لها تستلم راتبه بداله احسن بدال هاللفه كلها
اجل امه تاخذ من الضمان هاه
حتى امه وخواته بعد ماتبونه يصرف عليهم بعد !!!
لاحول ولاقوة الابالله

مرحباً أخي

رأيي الشخصي

1- زوجتك ليس لها الحق في أمك أو أخوانك ..سواء عاطلين أو حتى لو يأخذوا فلوسك كلها ..هذا شأنك لوحدك فقط

2- ليس لها الحق في منعك من الذهاب لوالدتك أو إخفاء إتصال والدتك بك ..بل إذهب لوالدتك كيفما تشاء وأجب والدتك على إتصالها في أي وقت

3- كنت واضح معها منذ البداية أنك إنسان عصامي وتتعب مابين دراستك وعملك بغض النظر أين تذهب فلوسك أو تصرفها على من .. وهي عرفت ظروفك ورضيت بها .. وهذا يعتبر بمثابة الإيعاز بطريقة حياتك معها لفترة مؤقتة ثم ستعوضها عن ذلك

4- زوجتك لها الحق أن تعطيها من وقتك بشكل كافي .. سواء من ناحية العلاقة أو الكلام أو الإهتمام أو تلبية الطلبات .. وليس ذنبها في الوقت المخصص لها ان تنقص عليها كل ما سبق بأي حجة كانت عندك

5- زوجتك لها الحق أن تشعر بوجود زوجها قريب منها ويحافظ على مشاعرها ويقدر العلاقة الزوجية التي من أجلها تزوجت .. فتشكّيك من التعب والإرهاق وصرف الأموال على غيركم .. ما كان ينبغي منك أن تذكره لها وتجعله كمقياس للتذكير بما تعانية في يومك


أخيراً
أنصحك بزيارة زوجتك عند أهلها والحديث معها بما يطيب خاطرها بأنك شاريها ومحب لها وأنك ترجو أن تتفهم وضعك حتى تنتهي الأمور على خير ثم ستكون حياتكم أفضل وأجما بإذن الله .. كما لا تنسى أن توعيها بما ذكرته لك سابقاً من حق كل واحد على الآخر حتى لا تختلط الأمور .. ويصبح كل شئ واضح


أعانك الله

بسم الله الرحمن الرحيم. اخي انا بكون صادق معك قرأت كلامك وقصتك الواضح انك انسان غير اجتماعي وغير متجانس مع الناس كثير هذا السبب الي تركك غير فاهم الحياه وغير ناضج في تصرفاتك الطيبه الزايده الي معك وفتح كل شي من اوراقك واسرارك لها هذا اكبر غلط ارتكبته 1- انت غلطت يوم قلت انك كنت تشتغل في محل خضار وغيره انت حديث الزواج لازم تعرف انه يمكن تمسكها عليك عيره وتمن عليك لازم تعرف زوجتك جيد اولا بعيد تفتح لها كل شي ليست كل الزوجات مثل بعض لابد تعرف فيه المحترمه الي تحترم تقدر الرجل انه تعب شقى هذي تستاهل تقول لها كل شي وفيه الي تمن عليك طول حياتك انك فقير لابد تفهم زوجتك بعدين تقول لها 2- غلطت يوم زوجتك عرفت انك تصرفك على اهلك فلوسك مالها حق زوجتك وين توديها انشاء الله لو تحرقها مالها حق الا بعدين لين تعرف انها زوجه تقدر وتحترم 3- واضح انك مقدس ورامي نفسك على المراه وعليها وهذا غلط لازم تظهر نفسك ثقيل وشخصيه وهذا زوجتك تعتبره ضعف منك فكل شي بتقلك طلاق وتدلع عليك تزعل من كل شي لنها عارفه بتجي تراضيها أعيد اكرر انت حديث الزواج غلط من بدايه تظهر انك مفجوع لها تميل لها درجه جنون في حريم تقدر ذلك انك تحبها وهذي تستاهل تتجنن عليها وفيه تاخذها ضعف منك مثل زوجتك.4- انت غلطت يوم تطبخ تغسل معها زوجتك تعتبره ضعف منك راح تعتمد عليك ذي أشياء لنه تشوف من حقها انك تغسل تكوي معها مفروض حديث الزواج تدعها هي تغسل تكوي لين مستقل تعرف وتفهم زوجتك اذا هي من نوع تعتبر غسيل معها الكوي محبه منك ذي تستاهل حتى لو تطبخ معها لاكن في نوعيه تعتبره ضعف منك هذا مثل زوجتك. 5- اخوانك من حقك تصرف علهيم تعطيهم لاكن الظاهر معتمدين عليك لنك ضعيف شخصيه لازم تأمرهم يتوظفون تقلهم انا مو للابد بعطيك امّك لك حق نعطيها للموت للكن اخوانك تعطيهم وتكلمهم يشوفون حل لهم مو تعطيهم وتسكت 6- لازم تفهم الزوجات انواع فيه تشتغل معها في البيت. تغسل تكوي تصرف مبالغ كثيره تعتبره حب منك وفيه تعتبر هذا ضعف شخصيه منك تقعد تطلب طلاق وتزعل من اي شي لنها واثقه ترجع لها مثل زوجتك لابد تكون حازم تكون رجال مو تصرف على اي شي ولا تقدسها وتعتبرها شي كبير لنه ليس كل النساء سواء الحل الان تطنشها كلمها لغة حزم كلمه لا يعني لا ونعم يعني نعم واضح من كلامك وكتابتك للموضوع انك طيب على نياتك درجة السذاجه اسبابه كثيره لاكن انت سببه انك غير اجتماعي ولا تفهم كثير من الحياه تفكر كل شي تقديس للمرأه

__________________
لاتأسفن على غدر الزمان لطالما رقصت على جثث الأسود كلاااااب
ولا تحسبن برقصها تعلو على اسيادها ولاكن تبقى الأسود اسود والكلاب كلاب

اخ وحيد اعصابك حسيتك منفعل
انا معاك بكلامك بس ترى روابط الاسره تختلف من بيت للثاني
اللي يقولون له مالك شغل باخوك ترى تربيتهم غير عن تربيتك
انت عندك اخوك عزوتك وسندك وتساعده غير لا يشوف الاسره الصغيره والزوجه اهم من الاخ
كل واحد حسب البيئه اللي عايش فيها
انا مثلا مخطوبه حاليا وزوجي اخلاق ومحترم متأكده اني راح احبه اكثر من اخواتي واخواني لانو علاقتي فيهم سطحيه ولو عندي فلوس اعطيها زوجي وما اعطيها لاحد من اخوتي
انا تربيت باسره ليست على قلب واحد
بس لازم على صاحب المشكله يساعد اخوه في بحث عن وظيفه لو كان متكاسل ومهمل فالغلط على اخوه اما لو كان اخوه مريض او عنده ظروف ممكن يساعده ويوقف معاه
وانا اشوف زوجته خذلته ومالها حق تزعل وهو كان صريح معاها وطيب معاها
المفروض الزوجه تكون سند لزوجها شوف ايام زمان امك وامي والجدات كيف تحملو وصبرو على فقر والم وكانو يجيبو عيال كثير وصابرين والحياه بسيطه
حاليا البنات مدلعات وتبغى تسافر وتخرج ومطاعم تبغى زوج جاهز 100٪‏ وتبغى زوج بنك

هنا مربط الفرس وبصراحة over لاتقارن الام بزوجة فهذا خطئ كبير اقترفتة
وعساك ماقلت لها بس

الامر الثاني غسيل المواعين وطبخ وتنظيف هذا من اختصاص
الزوجة فلا تخلط بين الادوار وتفتحت ابواب ربما لاتغلق اذا ارت ذلك
يا اخي اجعل شخصيتك قوية بعتدال وليس بجبروت

لاتتشتت وركز على الردود العقلانية رد اخي الوحيد ورد قاهر اللبراليين

__________________
سبحان الله وبحمده سبحان الله العظيم

اعذريني اختي بعض الردود تستفزني بصراحه
اجل امي اذا بغيت اكلمها اطلع بالشارع عشان ماتسمعني زوجتي وتزعل !! ايش هذا
واذا اعطيتها من فلوسي تعبي والا اعطيت خواتي والا اخواني تزعل


يااختي ساعات الموضوع يتعدى الحب
ساعات الموضوع يمس الرجوله
يعني مثلا لو ولد عمي احتاج مااقدر اتركه لاني ماارضى انه يطلب الغريب هذا وهو ولد عمي مو اخوي لانه مهما كان الواحد فيه ذرة حميه ونخوه يدفعه انه ما يترك اخوه والا واحد قريبه يحتاج الغريب وهو يقدر يساعد

وصدقتي اختي للاسف الحين قليل اللي تصبر وتعرف وش لها ووش عليها
وماشاءالله عليك تفكيرك ناضج الله يوفقك ويتمم لك على خير يارب