سبحان الله

اسمحلي زوجها غلطان

يعني راح وفضحها عندك واحرجها بدل مايحاول ويحاول معها إن شاء الله سنين ا مايعرف السبب

بالله ليش كذا سوا ؟ يعدين يمكن هو من النوع اللي شكاك بزيادة . وابليس ماقصر وعظم المشكله في باله

وزوجته جزاها الله خير يعني برغم انها عارفة ان زوجها شاك فيها وزعلان منها لأنها تطالع في الرجال ولا اشتكت لك وجاوبتك وقالت الحمد لله رومنسي وغزل وكل شي

ولا كان فإمكانها تقول عكس كذا زي باقي الحريم اللي اذا أحد سألها كيف زوجك تكتب فيه مجلدات من العيوب

ولا تبقي ولا تخللي فيه وفي أهله وفي الحي اللي ساكن فيه

ماأقول غير حاول وانصح ولد أختك مايطلع أسراره الزوجيه برا البيت

الله يوفق الجميع

اتوقع انها عاااااااااااادة سيئة

انا مستحيل اطالع احد لدرجة كثيرررررررر ناس تمر في زوجات او تجمعات ولا اسلم عليهم لاني ما انتبه
ومو مدح فيني والله من يوم انا بنت كنت اشتري من اي محل ولما ارجع ما اعرف اللي اخذت منه البضاعة الا بالصوت ........ طبعي كذا
لما كنت بالجامعة ....... كانو بعض صديقاتي يجلسوا بمكان عالي عشان يتفرجوا على البنات ولبسهم وغيره وماكنت اجلس معهم كانهم شباب

لما تزوجت انصدمت من نظرات زوجي للحريم وكنت بس اعصب وابكي ....... وقال وربي عادة ماقصدي شي ............. وفعلا لاحظت انه لما نمشي خط سريع لازم يطالع شكل الرجال اللي في سيارة .........
قلت شكلك مضحك وانت تلف راسك عند كل سيارة ........... وانتبه لنفسه والحمدلله شوي شوي ترك هذه العادة

__________________

يارجل اضحكني ردك
اتق الله
يعني ماذكرت شي عن الدين
سوف انزل الى مستواك
لنقل انه لم يحتويها وانه وانه هل يعقل ان تنحرف
بالله هذا رد رجل عاقل
لماذا لم يردها دينها لماذا لم تغظ من بصرها
اتعرف البيت الذي يقول
والله لولا الله لهز هذا السرير من كل جانبه
وكان سببا في اعاده المجاهدين بعد الشهر الرابع من الجهاد
اترى هذا يتعلق بالاحتواء وين عايشين
الله يهديك ويصلحك
بعدنا عن الدين وبدأنا نتاثر بالمسلسلات التركيه
عافاك الله
تقبل تعليقي بصدر رحب او اضرب به في عرض الحائط

تحياتي

عينها طويلة
وغير كذا فيها هتك لاحترام وخصوصية الناس اللي تراقبهم وتبصبص فيهم

اهم شي عرفنا نضحكك في عز مشاكلك مع المدام

اصلح الله شأنك وزوجتك

صراحه كفيت ووفيت قال ايش فضول
اي دين بدأنا نتلاعب به
الله المستعان
تحياتي

الله يسعدك دنيا وآخرة قل آمين

تحياتي

-


واضح إنه طبع وعاده عندها ..
فيه أشخاص كثير كذا يقعدون يتفرجون على الناس في الأماكن العامة ..
وألاحظهم في الجامعة مثلاً .. يصيرون قاعدين في مكان معين ويتفرجون على البنات الرايحين
والجايين .. يشوفونهم لين تروح البنت عن نظرهم .. وخصوصاً لو كان فيها شيء جميل
ماينزلوا عينهم ..

أعتقد إن بنت أختك نفس هالنوعية .. يعني القصة مو إنها تناظر الرجال .. قصة تفرج وفضول فقط .
وهالشي يروح بتهذيب النفس وتصير تنتبه لحالها وهي تتفرج إنها تشيل عيونها عن الناس لأن مثل
هالطبع إعتبره قلة احترام للناس ولا فيه لباقه أبداً .

أذكر كان عندي صديقة من هالنوع .. وكانت تتفرج على الناس لدرجة إن مره كانوا بنات جالسين
مع بعض وهي تشوفهم .. قالوا لها : ليه ماتجين تقعدين معنا بعد ؟ ههههه

وعقب هالموقف إنحرجت وصارت تنتبه لنفسها .. مع العلم إني ما قد مر علي بنت أكثر منها دين
وثقافة وعقل وحكمة !

هالعاده صراحه بكثير من النساء ماننكر لكن وش الاسباب مدري !

اللي اذكره انه كنت امشي انا وزوجي طالعين من مجمع وانتبهت عند الباركنق بنتين وجلسو يطالعون لنا وحنا نحط الاغراض ورى والبنت لافه راسها وحده منهم معنا بشكل ملفت !!

وركبت ولفيت عليها الا مازالت تطالع !! قمت اشرت لها بحظني يعني تعالي اجلسي بعد هنا وصدّت بسرعه ههههههههههههههه

ومن بعدها صرت انتبه لنظرات البنات بعضهم فيهم فهاوه مو طبيعيه لاطالعت ماتنزل عينها لين تقول حياك معنا !!

يعين الله

فيمكن بنت اختك بس تفهي يعني تنسى نفسها ولاتقصد شي وهذا اللي انا متوقعته

بس تحتاج زوجها ينبها قبل اي مشوار لين تتعود من نفسها انه يابنت انتبهي لنظراتك لحد يفتح افمه هنا وهناك "يجيبها بمزح دامه عارف انها عاده"

والله يسخرهم لبعض

__________________
(وَقُل لّعِبَادِي يَقُولُواْ الّتِي هِيَ أَحْسَنُ إِنّ الشّيْطَانَ يَنزَغُ بَيْنَهُمْ إِنّ الشّيْطَانَ كَانَ لِلإِنْسَانِ عَدُوّاً مّبِيناً) الإسراء"53"