مشكور وجزاك الله خير على ردك الحمد لله اللي جعلني افكر في الموضوع لاضع النقاط لى الحروف وجزاكم الله خير على نصائحكم اعجبتني عبارتك الاخيرة والله كريم

سبحان الله اتعجب من اصراره الغريب على محادثتي لاني مارديت عليه لا من اول ولا ثاني ولا ثالث مره وعملت له بلوك في البدايه وحاول عن طريق مواقع التواصل باستخدام معرفات مختلفه اكثر من 3 اشهر حتى كان يضيفني احيانا بمعرف باسم بنت عشان بس ارد عليه بعدها قلت لنفسي مايصر هذا الاصرار الا له رغبه صادقه فرديت عليه بعدها والحمد لله اللي ساعدني على اكتشافه

اسئل الله العظيم بان يرزقك الزوج الصالح عاجلا غير اجل
وانت تسعدي معه سعادة مابعدها شقاء

علييك بالدعاء اختي وقيام الليل وجزاكي الله خيرا

امين وجزاك الله خير على مرورك وردك

مااعرف ايش ممكن يستفيد من علاقه مالها هدف لما الواحد يهتم بواحده اكثر حتى من زوجته ويتواصل معاها باستمرار

الله يعينك ويساعدك حاولي تنسيه وتنسي كل ما يتعلق به من ذكريات حلوة وقفي تماما استرجاع الذكريات حتى لايزيد المك وفكري فقط في عيوبه واحمدي الله اللي صرفه عنك شاهدي
دواء العشق دعاء للتخلص من العشق و الحب الحرام ؟
المغامسي

مشكوره وجزاك الله خير

هو ماينظر للموضوع من نفس منظورك , هو ينظر بشكل مختلف.
وأقول لك رأيي كرجل : واضح انه لاعاب وجالس يتسلى.

مسألة أنه حاول يتواصل معاك بشتى الطرق أنت تشوفينها أنه ممكن كان فيه سبب قوي مثل رغبة في زواج أو حب حقيقي وغيره , لكن هو أدنى من كذا بكثير , وعلى فكرة هالنوعية من الناس يستمتع في أنه يحاول في الشي الممنوع ويستميت في المحاولة لين يوصل لهدفه .. وفي حالتك هو في قرارت نفسه مبسوط : قدرت أجيبها , قدرت أطيحها , خصوصا اذا كان عارف انك انسانه محافظة وبعيدة كل البعد عن الحرام وهذا الظاهر من كلامك.. في قناعته قدرت أجيب وحده ماقدروا ولايقدرون عليها الشباب .. وفوق كذا -واعذريني على العبارة- خقت معي وصارت تتواصل ... وصدقيني الشباب إلي يتواصلون مع بنات يعرفون من وين تأكل الكتف ... دايم يركزون على الحاجات الناقصة عند البنت : الكلام العاطفي / الأمان / الزواج / المستقبل الجميل , ومع الأسف نسبة كبيرة تصدق وتنجر إلى مالايحمد عقباه , وأقلها أنشغال القلب والبال في وهم ماراح يتحقق.

بسألك سؤال مع أنه بعيد عن موضوعك : ليش فيه بنات من عوائل محافظة جداً ومع ذلك تغامر وتسوي حاجات تنافي أخلاقها وسمعتها وقبل كل شي دينها؟ مو كله سذاجه منها عشان تسوي حاجة مثل كذا, لكن يكون وصل معاها لمرحلة متقدمة وأغرقها لدرجة صارت تصدق كل كلامه وتحس بالأمان أنه مستحيل يضرها.

في قاموسهم كلمات مثل : (راح اتزوجك و و و) مايشوفها كذب , يشوفها ذكاء ... وحتى لو فرضا كان يبغاك زوجه أولى المفترض أنك تشكين في صحة كلامه خصوصاً و انت شايفه كيف طريقة تفكير الرجال في الوحدة الي يتواصل معاها قبل الزواج كيف يشك ومواضيع المنتدى هنا كافية , فمابالك إذا قال لك زوجه ثانية؟ هذا بكاش كبير وأستغرب انك حاطه إحتمالية انه ممكن يكون صادق , أو بالأصح ودك يكون صادق لأن فيه مشاعر تجاهه.

وعموماً حتى كتاباته الآن بعد ماتركتيه كلها محاولة أنه يستميلك عشان تلينين وتتواصلين معاه.

نصيحتي لك : لاتنشغلي فيه , هو أقل من أنك تعطينه 10% من تفكيرك لأنه مو صادق ولو كان صادق كان عمل خطوات عملية في النور + توقفي عن متابعة مايكتب تماماً ومع الوقت راح تنسينه.

واعتذر منك ممكن اكون قسيت في كلامي.

__________________

مشكور وجزاك الله خير اخي كلامك ماشالله مقنع ورائع وبصراحة ريحني كثير رغم اني انا اللي قررت اوقف العلاقه وقطعته لكن اليومين اللي فاتت بعد البلوك كنت احس بضيق شديد ماادري ايش سببه لما قريت كلامك ريحني واقتنعت بقراري ولله الحمد والمنه اولا واخيرا وزاد احساسي انه اللي سويته هو الصح وتمنيت لو سمعت هالكلام قبل شهور بس الحمد لله على كل حال

السلام عليكم ورحمة الله وبركاته..

مرحبا عزيزتي لما مهتمة بما يقولوه ومتابعته؟!

لو بالفعل هو رجل حقيقي لتقدم لك لكن يريد يتسلى فقط..

أنت ظلمت نفسك وفي حق الله سبحانه على معصية فتوبي منها ولا تجعليها تأخذ

من تفكيرك..

من ترك شيئا لله عوضك بخير منه..

لا يستحق حتى التفكير فقط الذي يستحق هو التوبة والعودة والندم على مافات..

جبر الله قلبك بكل ماتحبين.