الف مبروك ... وحمدلله على سلامتتتك ...

غلط غلط تدخلين براس زوجك اشيا سلبية فيك ...لانو كل مره يششوفك يتذكر الكلام حتى لو الكلام غلط لكن يششوفه صحح لانك دخلتيه برااسه ...

ألف مبروك

يتربى في عزكم إن شاء الله

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

مبروك ما جاكي يتربى بعزكم

الله يبارك فيكم ويخلي لكم احبابكم
والله كلامكم صح
احس اني عكيت بالكلام مع زوجي
وهو قال هالشي بوجهي
وياليت اللي عنده حلول يعلمني
غير فكره الايحاء اللي بحاول في النفاس اشتغل عليها

بعدين زوجي معلوماته محدوده
و 90 بالميه ياخذها من امه
تخيلوا بعد ماولدت طلب ارجع بيتي بعد اسبوعين
على اساس الم الطبيعي يروح اسرع من القيصري
ماهو عارف ان الخياطه يبغى لها وقت
وعوده الرحم لوضعه يبغى له وقت
وتحسن شكل البطن والجسم برضو يحتاج وقت
هو حجته انه بيساعدني ومعي خدامه
يعتقد اني بكون محتاجه لراحه بس
مع ذلك ماناقشته وقلت ان شاء الله حبيبي

وحتى هالموضوع
ترى ماوترني الا كلام ام زوجي الله يسامحها
يعني هذا اللي قالته وانا موجوده
ما اعرف ايش قالت له وانا مو معها
والمشكله لما كنت والده قيصري
كانت تقول مسكينه مو زي باقي البنات
وهالمره تقول مسكينه بيتعبها الشق والخياطه

اتوقع هي اللي شغاله مع زوجي على الايحاء

حبيبتي كلام ام زوجك عادي
وزوجك طلبك بعد اسبوعين لانه مشتاق لك ولجو الاسره
مدري ليه انتي سلبيه كذا الله يهديك
انبسطي

مبتعثه انا مشاعري ملخبطه بعد الولاده..
ولانها تجربه جديده بالنسبه لي..
وانتي صادقه زوجي يهمه كثيييير جو الاسره..
تهمه جمعتنا عالاكل..
وسواليفي معه وقت قهوه المغرب..
وسهرتنا بالليل على التلفزيون..
واذا رحت لاهلي يفقد حميمه البيت وجو البيت..
وما ابغى اعوده كثير على غيابي..
وهو اكثر من مره طلب مني ما اطول بالنفاس..
لاني بولادتي الاولى اخذت حوالي شهرين..
وسبب هالشي فجوه كبيره بينا لمده سنه..
الحين افكر كيف ارجع لصحتي وقوامي..
وعامله جدول طويل عريض لبرنامج النفاس..
بعدين اتذكر كلام زوجي وطلبه ما ابعد كثير..
واخاف اندم بعدين اذا فضلت راحتي والعنايه بنفسي..
وخايفه برضو اذا رجعت بنص تعبي ونص نفاسي يأثر هالشي سلبيا عاللي بينا..
يكفي الرجال له 9 شهور متحمل اوجاعي وتقلبات الحمل وتغيرات الجسم.. ما ابغى ارجع وانا حالتي حاله..

ماقلنا ارجعي
من حقك ترتاحي
وهذا شي خاص فيك
لكن غلط تعطي كلام ام زوجك اكبر من حجمه وتعيدي وتزيدي فيه
وانك توحي لزوجك بالتغيرات الي ممكن تصير
وانك تصيري سلبيه
وتظني طلبه عودتك امه قالبه مخه
وتوسوسي
ركزي بصحتك
واذا زوجك طلب ترجعين فيه اكثر من حجه تقدري تقدميها له
الله يبارك لك في ماعطاك

عادي حبيبتي طلبه كل الرجال كذا مايمدي يمر عشرين يوم الا يترجاها ترجع

انا رفض اتنفس عند امي وقال لامي تجي عندي وجاب لي شغاله واخذ اجازه وساعدني بالاهتمام بالبيبي

كنافه مو كل كلمة تعمل في راسك معمل تحاليل بتتعبين وبتهرمين بسرعه
عطي الدنيا الي ماتستاهل فيها طاااف وعيشي انبسطي ووان سمعتي كلمة مزعجه احسني النيه وافهميها بطريقه ايجابيه

مبروك ماجاكم
والله يعين امهات الازواج عليكن 😒

الحمد لله على سلامتك..

وجعل الله مارزقكم مبارك عليكم وعلى أمة محمد..


اكبر غلط ترتكبه المرأه في حق نفسها انها تسمح بدخول زوجها معها غرفة الولاده

والخطأ الاكبر منه انه يشوف عملية الولاده نفسها

لأن الرجال مو مثل بعض في تقبلهم لهذا الشي

وممكن الزوج يكون متحمس في الأول وبس يشوف ينصدم ويعاف

اعرف من هجر زوجته وزهد فيها بعد رؤيته خروج المولود

و كونك ولدتي طبيعي وماودك تندمين مو معناها اننا نذم بالولاده القيصريه

القيصريه نعمه من رب العالمين ولاّ النساء كانت تموت بقدر الله قبل اكتشافها

ومثل مالها مضاعفات لها مزايا

حتى الولاده الطبيعيه لها مضاعفات كثيره ما احب اذكرها

الخلاصه .. لاتسمحين لزوجك يدخل معك وقت الولاده

ولاتكلمينه عنها وتحكين له ايش سويتي وقتها

واحمدي الله واشكريه على انه قومك بالسلامه

ولاتكثرين له التبرير

زينك الله في عيني زوجك