25-08-2011, 02:56 PM
25-08-2011, 03:53 PM
::
ودي بس أعرف هالعينات من هالحريم وش يحسووون فيه..؟!
كيف الوحدة ترضى أن زوجها يدخل ويلاقيها نايمة وإلا البيت مغبر وَ وسخ
وإلا أولادها مو لابسين نظيف أو أن زوجها يغسل وينظف مكانها..وهي بسابع نومه..؟!!
ياربي تعبنا نقول لها العينات (عييييييب أستحوا على وجيهكم)
الوحدة تعكس تربية أهلها لها وتجيب الفشيلة والكلام لهم
لكل وحده من هالصنف أنتِ مو قد الزواج والتنظيف والطبخ والكنس والقيام بحقوق الزوج
لاتتزوجين أجلسي عند أمك خليها تخدمك وفكي عيال الأجواد منك
::
أخي أعمل بنصيحة عاشق الجواهر
لأن هالصنف الله يرفع عنهن ولايبلانا مايجي إلا بالعين الحمراء
وينطبق عليهن المثل / ناس تخاف ماتختشي
وخلك أسد ببيتك وقوي شخصية حتى تتسنع زوجتك
::
25-08-2011, 09:04 PM
25-08-2011, 10:31 PM
25-08-2011, 10:51 PM
26-08-2011, 02:01 AM
26-08-2011, 02:05 AM
26-08-2011, 06:43 AM
|
المشاركة الأصلية كتبت بواسطة حياتي هموووم
والله أهلها أهل خير وبالذات أمها طيبه وبحكم أني أعمل موظف في الصحه والله مواعيد لأمها وواسطات لأمها وعلاجات أجيبها لها ودايم أمها تنصح بتها وشكلها عارفه إن بنتها مو مهتمه في بيتها وأنا أحس إذا جلسنا سوا أمها تنبه بنتها وتنصحها وتقول أنتبهي لبيتك وزوجك بس لاحيات لمن تنادي .... أحاول أكون حازم بس ما أعرف أتردد وأخاف من العواقب الله يعين
|
26-08-2011, 07:03 AM
|
المشاركة الأصلية كتبت بواسطة عاشق الجواهر
السلام عليكم
شف اخوي انا من زمان ما سجلت دخول لكن دخلت علشان ارد عليك واطلع انا وضعي كان مثل وضعك بالضبط الا من ناحية الجماع لأني انا اللي ما يكون لي نفس من الهم والضيق من تقصيرها قلنا عروس جديده وبندلعها ومصخوها ماراح اتفلسف عليك واحط نقاط واحلل شخصيتك لكن هذي الحرمه ان عطيتها وجه ودلعتها رقت فوق راسك وارتفع صوتها الحل اللي سويته انا طال عمرك : وبما اننا من قبايل ما تحب الطلاق كلمت ابوها وقلت له لازم يجي يتغدى عندي اليوم لازم ولازم ولازم وقلت له والله لو ما تجي تتغدى عندي قسم بالله حياتي مع بنتك ماراح تستمر قال خير ان شاء الله خلص دوامه وبدل وجا على طول لبيتنا قلطته بالمجلس وهو كله غبار والطاولات بغبارها ووسخه وشرحت لخالي كل شئ وقلت له فهمها واشرح لها وكلمها انا ماحبيت الموضوع ينحل الا من راسي لراسك وقلت له ترا مافيه غدا وهذا حالنا كل يوم وكذا وكذا وكذا وكذا ........ وزوجتي ماكانت تدري ان ابوها جاي شاف الغبار واحس كانه تفشل وقلت لها وش بتغدينا اليوم خالي ضيفنا ردت وقالت ما طبخت رح جب من المطعم وشكل لنا مشاوي وحركات حلوه وهي مبتسمه قلت خير ان شاء الله والله وطلعت وجبت الغدا تغدينا والأحوال ماتسر احد راح خالي وزوجتي انفجرت وقالت انت تتشكى عند ابوي انت وانت وانت وانت وارجع اتصل على ابوها قلت الله يطول عمرك ياخالي تعال جا ابوها قلت بنتك ماعاد ابيها الزوجه اللي ما تقوم بواجبات بيتها وتتحجج انها تعبانه من الوظيفه مابيها انا ماوافقت اتزوج موظفه الا بشرط انها ما تقصر بحقوق البيت وهذا اكبر تقصير وابوها ما قصر قال لمي اغراضك مانتي كفو بيت وزواج انتي بتفشلينا ومن ضفت اغراضها وراحت بيت اهلها اول ماترجع من الدوام بترتاح ابوها راجع من دوامه يمسكها ويصحيها ويشغلها ببيتهم مسح وكنس وطبخ وغسيل ملابس ولعن جدفها الى ما مشت على الصراط المستقيم جلست عند اهلها حدود شهرين وانا ازورهم اشوف ولدي والعب معاه ونتقهوى ونطلع اخر شئ هي اللي اتصلت وقالت ابي ارجع والحين الحمد الله حامل بالطفل الثاني وما تغيرت معاها مثل ما انا وهي اللي تغيرت بفضل الله ثم ابوها وارجع لمواضيعي اول وشوف حوالي 3 او 4 مواضيع طرحتها عن مشاكلي معاها ^_^ والله ما نفع لا كلام ولا تفاهم ولا هواش ولا تهديد ولا مسايسه مانفع الا شدة ابوها ورجع رباها من جديد وأهلها للزواج ومسؤولية بيت نصيحتي كلم ابوها وقابله واجلس معه واشرح له كل شئ وخله ياخذها ويضغطها شوي وترجع لك فله شمعه منوره وانتبه لاعزمته على الغدى وقالت المره ما طبخت لانه ماجاب اغراض اترس الثلاجه بما لذ وطاب ولا تخليها تقلب الموضوع عليك هههههههههههههه وبالتوفيق |
26-08-2011, 08:29 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
