والله كلامك مقنع ومنطقي .. هاذا اللي اانا افكر فيه .. رغم اهلي ( امي وابوي ) مره زعلانين ومو عاجبهم هالكلام ويبوني اتركها ... بحكم انها افشت كل اسرارنا الزوجيه وادخلت اهلها بااادق التفاصيل
العجيب في الامر ان خالها يرسل لي اليوم الصباح يقولي قولها صباح الخير ولا تعاتب !! لكن معصي الوضع يبغاله جديه وحزم زيادة على ذالك .. جات للبيت وقت ماكنت عند خالها واخذت ملابس واغراض لها وطلعت !!!! حسيت انهم متفقين ومرتبين لها الشي !!!! االلي راح اسويه بنتظر اخوها لين يجي واتكلم معاه في الموضوع سبحان الله .. ماعاد هي فارقه معي عالاخر ان صلحت لنفسها وان خربت فلقد جنت عبى نفسها براقش |
ما ودي اكتب هالرد لكن والله غصب عني
المفروض اللي يرسل الرساله اخوها مو خالها انا ما ادري وش دخل خالها بالسالفه واخوها واهلها موجودين ما ودي اشتتك لكن مشكلتك تقع بين ( زوجتك وخالها وامها ) المفروض يستبعد خالها ويكون اخوها مادخلوه في خصوصياتك الا انهم يفصحون له كل شيء ورأيهم مشترك وأنت اصلا ماطلبت منه يتدخل هم حاطينه الكل بالكل اخصره وخلي تفاهمك لا يتعدى اخوها لان الخال المصون مطاوع اخته وبنت اخته وممكن يكون رأيه بـــــ صراحه فقع مرارتي يوم يملي عليك الشروط لا طنشت خالها وخليت التفاهم مع اخوها افضل لك لانك بتقطع اساس المشكله هذا رأيي الله يسهل امرك |
السلام عليكم
اشوف مشكلتك جدا بسيطه ومستغرب من ردود الاخوان اللي ممكن تدمر بيتك وبالنهاية انت وزوجتك الخسرانين ومحد درى عنك زوجتك مبين عليها فيها خير وعلى كلامك بدأت تتقبل البيت وتحس ان مملكتها وتغسل ملابسك واطبخت لك وزوجتك غير ماديه عالرغم انها استقالت الا انها عافه نفسها عنك ( شوف الموضوع من زاويه ايجابيه ) بخصوص كوي الملابس زين منها انها تغسل كان المفروض توافق على الكوي غير مكلف نهائيا اشوية ريالات واغلب الناس تكوي بره لان جوده الكوي افضل من البيت ومنها تريح زوجتك فالمفروض تأخذ وتعطي معها يعني خلها تكسب بعض الأمور وحسسها بالاهتمام مثال يعني هي تغسل وتكوي بالمغسله وان فلست اطلب منها تكوي بالبيت مسالة أيام وراح تقدرك الطبخ مره عليها ومره من مطعم لين تتعود عالطبخ ولين توصل الخدامه وهكذا من ناحية الفلوس اللي بالبطاقه واضح ما تنفع مع زوجتك لاسباب منها عزة نفسها وما تعرف كم تأخذ من المبلغ ومنها كذلك مبين ما تعرف تتصرف وتبي رجال شايل البيت ويحسسها بالأمان يعني لازم انت تروح تشيل البيت من نفسك وغير كذى عطها مصرف لها بيدها كون خالها او اخوها تدخل بالموضوع هذا ما يهمنا كثير المهم ان واحد من محارمها وخلاص لا تدخل نفسك بمتاهات كل بيت وله اسراره الا ان كان الخال ما منه فايده هنا تروح لاخوها المصرف اللي طلبته 1000 ريال مبلغ جدا بسيط واقل من بسيط خصوصا انها كانت موظفه وكان المفروض تدفع لها من غير ما تطلب وتسليم باليد روحتها لاهلها ونامت اكثر من المده المتفق عليها غلط تقدر تمشيه خصوصا في بداية الزواج والمفروض أصلا ما تخليها تغلط هالغلط دامها قالت تبي تنام أسبوع عند أهلها خلها تنام أسبوع لان عندك ملل وما تعودت على بيتها تحتاج سنوات لين تلهى بالعيال ومثل ما قلت انت هي بدات تتقبل بيتها مع مرور الوقت يعني ماهي متعلقه تعلق مرضي باهلها مسأله وقت وتثقل وتقل روحاتها لاهلها وان راحت لاهلها تعيشون اثنينكم حياة الحريه كم يوم وهالشي صحي وممتع ويبعد الملل والرضاوه مبلغها بسيط وهذا عرف اجتماعي سائد لا تخالف الناس ومجتمعك وتقعد لحالك منت صغير تمر السنين وباكر تندم على حالك بعد كل هالمحاولات ان ما انصلحت الزوجه انت بطريق وهي بطريق فاجئهم وتعال بطريقه جديده واقبل بالصلح وبشروطهم وشوف شنو راح يصير معاك وانت تغير للاحسن من غير ما تعلم زوجتك بخطتك وراح تشوف الفرق والله اعلم |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|