عضو قديم

ما فهمت !
و ايش الشي الي راح ينفعها هي و زوجها !؟

.
.

هي و زوجها ماعرف ايش نوع العلاقة بينهم ..
بس لما جاتني .. كانت هي و بناتها عندي ..

و كانت هي و بناتها يتريقوا على زوجها و الي يصير ابوهم ..
و يسبوه و يشتموه .. و هي تقول اهم شي انه يصرف علي ..
و اختي تهرج معاها اكثر شي ..

كنت اسمع من امي الله يرحمها انه كثير السفريات .. و بس ما كنت احب اتدخل في تفاصيل حياة اي احد ..
و هي لما جات زارتني .. قالت لي زوجي مسافر و قلت اروح أتمشى اخد راحتي .. قبل لا يرجع من السفر ..

بس الي قلته .. هو الي حصل فعلا ..
و ما كملت بقية الحلم .. الي شفته بعد العلاج ..

اقصد قريبتك هذه بعد ماشافتكم مبسوطين في القروب وهي لا

وتحاول انها تعوض انها غير مرغوبة بقولها ( انها تعرضت للمعاكسه) مانفع معاكم

فقررت انها تعمل خطة دمار شامل لكم كلكم عشان تكونو كلكم في الهوا سوا ومافي احد احسن من احد

وبخصوص مكالمة الاسكايب (الفيديو) اعتقد عشان اما لعمل السحر عن طريق الصورة (وهي تعرف اسمك واسم امك) او عشان تعممها على الصيع اللي في النت او عشان توريها لوحدة عينها حارة او غير ذلك من الخطط

طيب هذه الخطط اخذت منها جهد ووقت

لذا قلت ياريتها استغلت هذا الجهد في اصلاح نفسها واصلاح زوجها كي تصبح سعيدة مثلكم

بدلاً من تدميركم كلكم كي تصبحوا اشقياء مثلها

على الاقل كان سحرت زوجها سحر عطف وانتهى الفلم بدل ماتسحر عوائل كاملة!

او كان عالجت نفسها عند طبيب نفسي.

والله اعلم

منتظر بقية الحلم

قبل سنة تقريبا او اكثر ..
شفت امي الله يرحمها في الحلم ..

و شفت اني حاطة راسي على رجولها .. و راقدة
و امي تمسح على راسي و تقرا آيات من القران ..
سألتها ( ايش تقراي !؟ )

قالت لي ( فيك سحر )
قمت و انا افكر كم يوم .. و قلت يا شيخة اضغاث احلام ..

.
.

تجاهلت الحلم ..

لحد ما شفت انه زوجي بدا يتحسن و يعمل كل شي ابغاه و زيادة ..
لكن الضيق ما زال موجود تجاهه و اشوف احلام مزعجة و تتكرر ..
و شي يقول لي ( تطلقي .. تطلقي .. تطلقي ) ..

و اشوف أموري بالعمل تنعكس !
و كل ما اقرأ القران .. احس بضيق .. و مراسلاتي للجامعات تتماطل
و كل إنسان عزيز علي .. بتصير بيني و بينه - سوء فهم - و ماني عارفة ليش !؟
علاقاتي ماعرف ايش بها فجاة كذا بتنعكس !؟

المهم ..
بعد ما رحت للشيخ و قلت له عن بعض الأعراض و قال اقرأ عليكم و ركزوا معايا
و بعد القراءة سألني ايش حسّيت و سال زوجي ..
قال لي ( انت فيك شي ) .. و سألني كم سوْال و جاوبته و حرك راْسه و قال ( ايوة فيه سحر )
و قال خدي العلاج و التزمي به

اول يوم التزمت باللي قاله .. و نمت على طهارة و قرأت البقرة
و شفت الي قلته عن قريبتنا و نفس مكانها الي كانت جالسته في بيتي

و بعدين تكملة الحلم .. شفت شي خرج من جسمي مثل النجاسة الله يعزكم
لونه كأنه اخضر .. مثل الاستفراغ او شي مشابه له ..

و امي الله يرحمها ..
كانت تغسل المكان النجس و تنظفه و تمسحه و ترمي النجاسة هذه في الحمام الله يعزكم


و بعده بأسبوعين .. صاحب زوجي واحد يفهم في القراءة و الرقية ..
جاء عندنا عالغداء و اخد غفوة .. و شاف حلم مخيف و هو في بيتنا
و ما رضي يقول لزوجي
بس قال له ( بيتكم فيه شي .. و لازم تجيب شيخ يقرا عليه )

.
.

انا ما ابغى اظلم قريبة امي ..
الله يسامحها ان كانت هي .. و ان ما كانت هي؛ الله يسامحني ..

بس هذا الي شفته بالحلم و هي الي زارتني و كانت زيارتها غريبة جدا ..
و من بعده رجعت اختفت فجاة .. و بعد ما فركشت القروب و النفوس تشاحنت ..

.
.

المهم هذا الي حصل ..

حسبي الله على السحره وربي ينتقم منهم

استمري ياروح على الرقيه ولا تتكلمي قدام احد من اهلك وقرايبك انك تتعالجي

ربي يفرج همك ويشفيك ويبعد عنك اذى الشيطان والسحر

المشكلة الحالية ..

فيا ( انا ) ..
بس باقدر اتحكم في حالي الحمدلله .. قدر المستطاع ..

بس تجيني ضيقة شديدة و احلام مزعجة ..

و باْذن الله راح استمر ..

باتجاهل قدر المستطاع الأشياء الي اشعر بها ..
لكن تجيني وساوس .. و الشيطان يخليني افتكر كل شي مزعج ..
افتكر كل الامور الماضية .. و مع اني عاهدت ربنا اني اقفل السيرة عشان ربنا ..

و لو تجاهلت اكثر .. اشوف احلام مزعجة ..
و أشعر بضيقة صدر و اكره وقتها بيتي و الجلوس فيه .. و رغبة في البكاء ..
هذا الي أفتكره .. و كل ما تجاهلت أكثر .. تزداد الامور سوء ..
لدرجة اني اصبح ( متكتمة على نفسي ) .. و يشعر الطرف الاخر اني متضايقة منه او فيا شي مزعجني منه ..
و ما يكون فيه شي .. بس أكون متضايقة من حالي و من الاحلام المزعجة .. و احاول اعدل مزاجي قدر المستطاع ..

افكر اقرأ البقرة عشان ارتاح و شي يمنعني .. و شي يكرهني في الصلاة و الأذكار ..
باجاهد حالي و أحط لي جدول التزم به .. باْذن الله ..

ما تختفي الأحاسيس هذه .. غير لما انفجر و اتخاصم مع زوجي و اغلط عليه و اجرحه
و بعدين أندم .. و الوم نفسي .. لانه ممكن ربي يشفيه و يبتليني لا سمح الله ...
مافي إنسان معصوم من الغلط .. ممكن لا سمح الله ربي يبتلي اي شخص في دينه ..

قالي الشيخ من ضمن الاسءلة .. بعد ما تتزاعلي مثلا مع زوجك
( تشعري بندم !؟ و تستغربي ليش حصل كذا !؟ )
قلت له ايوة ..

سألني لما يكون برة البيت تشتاقي له .. و لما يجي البيت ما تبغي تجلسي معاه !؟
قلت له ايوة هذه الأعراض الي فيا .. و ما قدر اطالع فيه ..
احس بضيق و خنق ..

سألني عن الاحلام ..

.
.

راح اجرب الي قاله الشيخ ..
بس مو متخيلة فيه احد ممكن يسبب ضرر لأشخاص !؟

اختي روح لماذا انتي مستمرة على ذكر كافة التفاصيل المتعلقة بكي؟

منتي خايفة من الحسد او العين؟

ماكفاكي اللي جرا لكي لحد الان!

يكفي انه عندك ماجستير واحنا ماعندنا

عندك عيال وماعندنا

مهتمة بزوجك وماعندنا الاهتمام بالزوج

تعالجي نفسك وماعندنا الهمة للعلاج

عندك شغالة وماعندنا

عندك اسكايب وماعندنا

والقائمة تطول

لما استمريت بالعلاج ثلاث آيام ..
اختفت الأشياء هذه .. و حتى صحباتي قالوا لي
متغيرة و فيك شي ماحنا عارفين ايش هو !؟

صحبتي الي قريبة مني .. قالت ( روح الطير رجعت دحين مثل زمان )
و هما مو عارفين عن حكاية الشيخ و لا العلاج ..

رجعت اضحك مثل زمان .. و اهتم في صلاتي و اهتم في اللي حولي ..
ما صار فيه شي يخنقني لما اطالع في زوجي او اجلس جنبه ..
ما صرت اشوف احلام مزعجة ..

بس بعد العلاج بيومين بدا يرجع .. و قالي الشيخ لا توقفي العلاج فجاة
و قالي ما سمعتي شريط الرقية بتركيز و إنصات .. و قال لي استمر كمان يومين و ارجع له

بس انشغلت مع العمل و أجلت الموضوع - شهر كامل -
كنت مضغوطة مرة مع العمل .. و راح أبدا اليوم او بكرة ..