الحين تعلمنا على ثلاث أشرطة أدوات
1- الصفحة الرئيسية ( إضافة شرائح و تنسيق النص ( لون و حجم و نوع الخط )
2- التصميم ( لتصميم الشرائح
3- إدراج ( إدراج صورة

الحين خلصتي شغلج و أو تبين تسكرين الحاسوب و تكملينه بعدين ، شنو تسوين ؟ حفظ
هذه آخر خطوة

شلون تحفظين ؟
عندنا نوعين من الحفظ :-
1- حفظ لأول مرة
2- حفظ عادي
لما تحفظين أول مرة البرنامج راح يسألج عن اسم الملف و المكان اللي تبين تحفظينه فيه
فوق يمين بالزاوية أداة الحفظ


اضغطي عليها و راح يطلع لج مربع



1- المكان اللي تبين تحفظين فيه ملفج ، مثلا ، أبي أحفظه بسطح المكتب ، أضغط على سطع المكتب ، و إذا مجلد موجود بسطح المكتب ، اضغطي على سطح المكتب و باليسار تطلع لج المجلدات اللي فيه
2- اسم الملف ( فن الاتكيت
3- اضغطي حفظ ، و بس ، ملفج راح ينحفظ و تقدرين تطلعين من البرنامج
اليوم اللي وراه أبي أكمل شغلي و خلصت و أبي أحفظ شنو أسوي ؟ أطق على أداة الحفظ اللي بالزاوية ، بس هالمرة ما راح يطلع لج المربع لأن ملفج له اسم و مكان ، ضغطة وحدة على أداة الحفظ تكفي
و هذه أهم شي ، تخيلي تكتبين 10 شرايح و تنسين تحفظين ، شغلج يطير

و بجذي نكون خلصنا
أي سؤال طول خلال هالأيام أنا موجودة
طبعا هذه أساسيات البوربوينت ، في وايد شغلات ثانية

اختصار :-
ادخلي البرنامج و اختاري التصميم اللي تبينه ، اكتبي اللي بكتابج و ضيفي الصور و الشرايح و نسقي أي نص تبينه ، و لا خلصتي لا تنسين الحفظ

طريقته نفس تكبير و تصغير الصور .

ماقصرتي حبيبتي
ممنونتك على اللي قدمتيه لي
بارك الله فيك ونفع بك

حبيبتي بسمه مافي مجال البنات يعلموني ابدا ابدا يسكرونها بوجهي
لأن ماعندهم وقت مظغوطين
رفضت البنت اللي معي تقول ماراح اخليك تكتبين كلمت المسؤل وقال لازم تكتبين معهم الحمدلله جت منه وسمعوووه
حبيبتي اذا احتجت شي عادي ترجعين واسألك مامعي الا ثم انتي

وعمل جدوال ماعرفها

هل كل شريحه اخلص منها اسوي حفظ
يعني كل شرييحه اخلص منها احط باي اسم في الملف

بسمه اسم الكتاب فن الاتكيت د طه دويدار
فيه رسومات وجول فيه كتابات