ياليت تطلبي من الاداره تغير اسمك الى منبع الأفراح ،،، غيري من نفسك وحياتك ،، وافكارك ،، اعملي للماضي ديليت ،، غيري اجواء الحزن اللي عايشه فيها ،،، خذي اولادك واحضنيهم العبي معاهم وارقصي وافرحوا احجزوا وسافروا ،، خذوا استراحه والعبوا في المسبح واتسابقوا ،، وزوجك الملحد سجلي كلامه وهو يسب الله والرسول عليه السلام وبلغي عليه الهيئه وهم يضبطوا في السجن ،، كوني انانيه شوي وحبي نفسك واولادك ،، لا تشيلي هم زعل احد حتى لو ابوك ،، سوي الشي الصح واللي فيه مصلحتك انتي واولادك ،، كفايه حزن وعذاب ،، عوضي نفسك وعيالك عن سنين الحرمان ،، الي عاشوها مع اب قاسي ملحد وام ضعيفه ،، انتي موظفه استأجري شقه وعيشي مع اولادك وبعد خمس سنوات جمعي مبلغ كويس مع ولدك واشترى بيت ، ، لا تزعلي من كلامي اعتبرك مثل اختي انصحك عشان مصلحتك ،، صراحه وانا اقرأ معاناتك جاني اكتئاب كيف انتي اللي عايشه هذه الاجواء ،، العمر مره واحده عيشيه صح ،، حتى وان حصل الطلاق عادي انتي امرأه ولك متطلبات تزوجي مسيار وعيشي حياتك ،، اذا مستحيه من اهلك ومجتمعك خلي ولدك الكبير يكون ولي امرك وهو اللي يعقد لك

اذا انتي موظفه او ابوك مقتدرماديا اطلبي منه ان تعيشي بشقه او منزل مستقل قريب لاهلك خصوصا ان اولادك كبار 18 سنه رجال ماشالله ترتاحين من اهلك ومن غثا زوجك

حبيبتي إذا زوجك مايركعها اصلا مو طلاق اللي يصير بينكم فسخ عقد اثبتي عليه انه مايصلي ويفسخ العقد ع طول من رأيي أن بيت اهلك ارحم من واحد مايخاف ربي الله يفرج همك.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

عندي احساس ان زوجك مريض مرض نفسي والله اعلم

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

وربي لا جا ولاحتى اتصال وهالشي متوقع يعني واحد مافيه خير لهله ولوالدينه كيف تبيه يكون فيه خير للناس؟
والخادمه لاحاطه شي ولا سحر ومتاكده انا لاني اعرفه واعرف طبايعه من اول ماتزوجني هذا هو يتغير ولكن للاسوأ
الله يجزيك خير على الرد ومشكور

__________________

ماقدرت اتطلق اختي للاسباب اللي ذكرتها قبل
ماشاء الله عليك اختي كلماتك كلها طاقه ايجابيه وربي اني اتمنى واحاول اني اكون بهالنفسيه بس عجزت وربي كل ماحاولت تجيني ظروف وتخليني ارجع للسلبيه وللوراء نفسيتي تعبااااااااااااانه حيييل وبالنسبه للشقه استحي اطلب من ابوي وماتعودت اطلب هو يعطيني من غير مااطلبه
الله يجزيك خير ومشكوره على تكرمك بالرد علي وان شاء الله في ميزان حسناتك

__________________

نعم غني وعنده خير بس بخيييييييييييييييل حتى على نفسه

__________________

اللهم امين
جزاك الله خير اختي

__________________

اسأل الله العلي العظيم انه يفرج كربتك ويصلح لك اولادك

اختي اذا الصفات اللي قلتيها عنه صحيحه فـ المفروض انك تسجدي لله عزوجل سجود الشكر اللي خلصك منه ولكن اختي في نقطه بموضوعك استغربت منها وهي انك تقولين صابره انك تكونين على ذمته عشان ماياخذ عيالك مع العلم ان عيالك كبار واللي اعرفه من قاضي في المحكمه ان الولد يخير بعد 7سنوات واصلا اذا فيه شهود عند او دليل عليه انه بهالصفات اللي قلتيها القاضي راح يعطيك الحضانه

على العموم انتي دامك موظفه استأجري بيت بجنب بيت اهلك وماشاءالله ولد رجال وخوذي راحتك ببيتك انتي واولادك

ابشري علشانك بطلب تغيير اسمي وكلامك مثل البلسم وربي ماشاء الله عليك كلامك يريح ويعطي التفائل والايجابيه وانا احاول وربي اني اكون بروح ايجابيه ولكن الظروف اللي حولي كلها ما تساعدني بس اوعدك بحاول وابي منكم تدعون لي بظهر غيب
ومستحيل ازعل من كلامك بالعكس انتي تبن لي الخير وتبين تساعديني عشان اطلع من الي انا فيه وان شاء الله لك الاجر والثواب من رب العالمين
بالنسبه للزواج مستحييل اتزوج كرهت الزواج والرجال وماصارت عندي ثقه في اي رجل وشايله فكرة الزواج نهائيا
واحراج اتزوج وانا اربعينيه وعيالي وصلو لسن الزواج وافكر ازوجهم مو انا اللي اتزوج

__________________