اخيرا لقيت احد فاهمني .. طيب اختي افرضي سئلني عن سوالف اخته ؟ وكيف اعتذر بطريقه غير مباشره ؟ زوجي من النوع اللي يزعل يصير قاسي بس اول مره اشوفه مايبي تكبر المشكله ويقول لاتقولين لها شي والخ بس انا كنت كاتبه لها وصعب اتراجع .. وهو جلس يبرر ويصرف ويقول ماشفت وماعلمتني قلت اجل قال اخوي الصغير وجلس يحاول يلف الموضوع بس انا متأكده انها هي قالت له لان قلت لكم اعرف حركاتها .. واعرف اسلوبها وكأني اشوفها كيف خبرته

ريتاج مالك دخل في البنت ولا في تصرفاتها
لها أهل هم المسؤولين عنها و عن تربيتها وتوجيهها
ابعدي نفسك لتسلمي ، وتذكري دائما هي ابنتهم و هم أهلها
وأنتِ زوجة ولدهم .
ولاتضعين نفسك في موقف: فضحتني سأفضحها
تعاملي بأخلاقك ، ثم أنكِ أنتِ الناصجة العاقلة وهي المراهقة الطائشة
كيف تضعين عقلك بعقلها وتتصرفين بطيش مثلها.
ماذا ستستفيدي ان فضحتيها وسائت الامور وانقلبت ضدك وظهرتي كزوجة أخ شريرة تريد تشويه سمعة اخت زوجها ؟
لاتستغربي قد تؤول الامور لهذا الحد !
لأن كلامك عليها ليس لديكِ أي دليل عليه ، حتى لو هي قالت لكِ تستطيع بكل بساطة تنكر.

لا انتبهي لا تقولي له عن حركاته مع صديقتها خليك برا الموضوع


أما أذا سألك عن سوالف أخته قولي مثلي تصور بالسناب


ونصيحة من أخت تتمنى لك الخير أبدعي عن السناب والله أنه مشاكل في مشاكل وخلي علاقتك مع أهله رسميه ولا تدققين على حركاتها مراهقه وطايشه

انا ما اتدخل بس انصحها ومثل لما طلبت مني ان اتوسط لها عند امها بالدخول للغرفه رفضت لان مالي دخل و لو صار شي راح يقلب علي .. وعشان كذا ماعمري فكرت اقول لحد لان مالي دخل ومالي بالمشاكل واعرف انها مراهقه ولها اهل .. ومعك حق دايم زوجة الاخ يطلعونها ظالمه وغلطانه ..

اووك بقوله كذا . مشكوره خيتي ماقصرتي

الله يوفقك

في مثل عندنا في الجنوب يقول غبر ............ على قرنك
لا تتوقعين انك اذا فضحتيها ان اهل زوجك بيصدقونك لن ما عندك دليل قوي تمسكينه عليها فبكذا بينقلب السحر على الساحر فتصير بدال ما تفضحينها بيصيرون كلهم يكرهون خاصة امها لنك تقليلين من احترامك لابنتها و الشي الثاني اذا البنت راحت لا بوها تبكي و بطريقة فنية اثبتت انك كذابة فراح تكنين مكروة في البيت فعلشان كذا الباب الي يجيك منه ريح صدة و استريح و خلي علقاتك مع اهل زوجك صطحية من اليوم ورايح و لا تطقين الميانة زيادة لن الشي ان زاد عن حدة انقلب ضدة و ترى الخطوة الي بتسوينها بتظرك لن لا تلعب بالنار تحرق اصابيعك فلا تحسبين بعد الخطوة راح تبقى حياتك انتي وزوجك متهنية طول حياتك و كثر التشكيك في اخته مو في صالحك لن لو ماعلمتيه راح يكون له حجة قدام اهله انك تتكلمين في اخته و بعدها راحي قلي لا بوك الي تعرفينه لا تتوقعين اهلك بصفقون لك على الي تعرفينه لا راح يخلونك انك تندمين لنك تدخلتي في مثل هذا الموضوع فعلشان كذا هدي شياطينك قدام ما تندمين فاستخدمت معاك لغة قاسية لني قاعد اقراء وش الي يدور في راسك و بكيفك لكي من عندنا النصيحة و من عندك اتخاذ القرار

فترى الموضوع الي انت بتتكلمين فيه في اخت زوجك يمس شرف و علاقة محرمة سوى مع بنت و لا ولد فان تجاوب معاك ابو زوجك و قفل على بناته و الغى السنابات فانتي بديتي حرب مع ام زوجك و اخواته مالها نهاية

الله يعين ، هو فعلا منتشر هذي الأمور ، في المدارس و حتى في الجامعات للأسف الشديد ، اشوف انك تحاول تنهي الموضوع مع زوجك بالاعتذار و الصلح ، وجيد انك نصحتيها ، لكن اشوف ان هذه الأمور ما ينسكت عليها ، وهنا ليس بنية الفضح يعني تروح تخبري اخوها ، لكن من باب التنبيه وحفظ هذه الفتاه ، حاول تجلسي مع أمها او احد من اخوتها ، و تنبهيهم ، بطريقه لبقه ، يعني ما تروحين تقولين ( شوف بنتكم شو عامله ) لا ، احكي لهم بأسلوب ، انها جاءت لك وأخبرتك و اخبريهم ، انها مثل اختي الصغيره واخاف عليها او مثلا أبدا من هذي صديقتها شو اسمها ، أراها متعلقه بها بشكل غير طبيعي ، انتبهوا عليها لان هي جت مره قالت لي كذا وكذا ، وعادي يا اختي بيني لها انك متضايقه و غير راضيه عن هذه التصرفات ، وكان يجب من البداية انك تفعل ذلك .

انا علاقتي سطحيه مع كل اهله بس هالبنت جتني فتره طيحت الميانه لانها بحاجه الى نصح و توجيه لان صغيره .. وهم عيلتهم كبيره ولو تكلمت راح يتهموني ان اظلم بنتهم حتى لو عندي دليل وحتى لو يحبوني راح يقلبون علي والشي الاهم انهم متسلطين وامه وابوه الكلمه كلمتهم لاقالوا زوجي طلقها .. يطلقني حتى لو متفاهمين وبيننا عيال وكذا .. وانا توني ماكملت سنه وحامل مو حلوه اتطلق وانا حامل .. و علاقتي مع اهله صافييييه خاصه ابوه حيل يحبني .. عشان كذا مستحيل افضحها ومن فترة بعدت عنها لما تجي تسولف لي احاول اختصر او اتهرب ... يعني ماعاد لي دخل فيها حتى لو ايش ماتسوي مصيرها تنفضح لحالها .. حسبي الله عليها .. يعني انا موضوعي مو البنت .. موضوعي زوجي اللي تاركني من امس .. يصعب علي الاعتذار اذا كنت ماني غلطانه .. ومنها بعطيه درس مايسمع كلام خواته ويتهجم علي .. لان مثل ماقلت لكم سبب طلاقه الاول خواته - حسب كلام الناس - وعشان كذا مابيه يسويلي مشاكل بسببهم .. الحين من امس ماتكلمنا واخاف بس نتصالح يقول وش شايفه على اختي ؟ ويجلس يحقق معي

المستجدات .. كلمت وحده من خواته وقلت تسئلها وش قالت له بالضبط قالت تقول هو اللي شاف .. مع ان قلت لكم زوجي كان مو موجود حسب وقت فتح السناب كان هو مصور المكان اللي متواجد فيه بعيد عننا .. المهم امس لما كنا نتناقش قاللي لو انتي ذكيه كان ركزتي بالوقت متى هي فتحت وانا وين كنت والخ وبعدها هو قال ان اخوه الصغير اللي قال له والحين اخته تقول هو شاف .. و بناء على كلامها حللت براسي وعرفت انه هو موصيها ان اذا سئلت تقول هو شاف ... المهم قلت لاخته الثانيه تعتذر لي منها وان تكلمت امس بوقت عصبيه و سواء هي علمت او لا . انا مسامحتها و والخ ... الحين سؤالي ارسل لزوجي ولا انتظره هو يرسل لي ؟؟ لاتقولون اعتذري لان والله انا ماغلطت بشي وكل ردة فعلي وكلامي كان ع حسب عصبيتي وقهري وانا أي شي اقوله بوقت قهر ما اندم عليه لان يكون طالع من قلب ..