سلام عليكم وصباح الخير اخوي
وراح احاول اكون منصف معك .. اولا .. انت عريس ولازلت في مرحلة انت وزوجتك تتعرفون فيها على بعض الي هي اول سنوات الزواج لاتقول لي انك خاطبها وتعرفها قبل الزواج .. بعد الزواج تنكشف شخصيات الزوجين امام بعضهما البعض ومع مرور الوقت يذوب جبل الجليد وكثير من ما كان قبل الزواج يضمحل تدريجيا وتظهر الشخصيات الحقيقيه .. بالتالي اقدر جدا غيرتك على زوجتك ووالله لو لم تكن تحبها ولو لم تكن رجل غيور كان عادي عندك الموضوع واي رجل مكانك راح يكون هذا هو موقفه ولكن الفرق يعتمد على الشخص نفسه .. انت اول مرة تمر امامك مثل هالمشكلة ويبدو انك متأثر بمايدور حولك بالمجتمع من كثير من مشاكل الخيانة والتعارف وغيرها .. ولكن لو رجل اخر مكانك تعرف وش كان المفروض يسوي ؟ المفروض يعمل مثل مايقول المصريين .. اقطع العرق وسيح دمه ولاتخلي ابليس ابدا يلعب براسك .. بكل بساطه المفروض تاخذ الرقم وتتصل على المتصل وتشوف من هو وزوجتك بجنبك وتتصل من جوالها بعد وامامها وتقول له انك زوجها وتبي تعرف ليش الاتصال .. وقتها راح يبان اذا في شيء سواء من المتصل ام من زوجتك ! ثانيا ..لاتخلي الغيرة والتفكير تاكلك وانت صامت كذا ؟ صارح زوجتك بمافي داخلك وقلها على الي صار بطريقه غير مباشرة حتى تستطيع تعرف الحقيقه ..! معك حق تغار على زوجتك ولكن الغيرة اذا تحولت الى شك تتحول الى سكين قاطع قد يقتلك ويقتل زوجتك معك ! انت واياها لازلتم تستكشفون انفسكم وصدقني لاتحاول ابدا تفتح هالباب على نفسك وترجع للماضي سواء لك او لزوجتك لانك راح تفتح لابليس باب كبير يوسوس لك بافكار ماتخطر على بال احد ! زوجتك ماخانتك ولا حتى (0٪) كل مافي الموضوع انك لازلت عريس ومشاعرك متوقدة وابليس شاطر ! |
السلام عليكم و رحمة الله,,,, صباح الخير جميعاً,,, في البداية ابغى اشكركم على جهودكم بهذا المنتدى الرائع والمفيد واسأل الله أن يجازيكم كل الخير و الاجر العظيم,,, ابغى أكتب هذا الموضوع كنوع من الفضفضة و اعتبروني اخ صغير لكم و ارشدوني,,, بالبداية هذه مقدمة بسيطة على شكل نقاط: متزوج منذ 6 اشهر. ولله الحمد رزقة بزوجة صالحة و طيبه جداً جداً و نعيش بحب متبادل. زوجتي تضحي بنفسها من أجلي و ما أدري بصراحة هذه التضحية بسبب حبها أو انه هذا طبع فيها. زوجتي يا ناس لا تتكلم لا تشتكي و لا تعاتب كل شي تشيله بقلبها و تسكت و لا يبين عليها أي شي... اذا تضايقة تروح تكتب بمذكرة صغير كل شي بقلبها و بعدها تمسح كل شي و لا تسمح لي ابداً اقراء اللي تكتبه !!! و على حسب كلمها هذا طبعها من لما كانت صغيرة و أهلها يعرفون هذا الشي و أنه و لا أي احد من خواتها او امه يعرف أذا كانت متضايقة أو لا ؟؟ أنا عملي جداً سيء و أتاخر كثيراً بالعمل و أهلها بمنطقة بعيدة عنا,,, مرة من المرات حصل سوء تفاهم بسيط بسيط بسيط و على طول بعدها بدقائق اعتذرت مني و قبلت اعتذارها و قلت اهم شي لا يتكرر هذا الموضوع و أنه أحبك و أساساً مستحيل ازعل منك. رجعت للبيت و حصلت مذكرتها قدامي و قرات اللي كتبته هذا اليوم بعد سوء التفاهم البسيط جداً و ملخص الكلام هذا : -تتمنى أنه لم تتزوج الى الان ولو انها ببيت أهلها و بدون مسؤلية البيت و التعب اللي هي فيه. (هي قالت لي هذا الكلام من قبل و تقول لانها تحبني ما كان تقدر تطلب مني تأجيل الزواج مع أن عمرها صغير فقط 19 سنة) -تحس بالوحدة كثيراً كثيراً تفتقد أهلها و صاحبتها. (مع أني اخليها تزور أهلها مرة بالشهر و تجلس يومين عندهم و بالاسابيع الثاني نروح زيارات لناس معارفي بنفس مدينتي و هي بالجامعة مو راضية تكون أي علاقة صداقة) لحد هنا كلمها عادي و شي متوقع لاكن بعد هذا الكلام صارت تقول كلامي مو صحيح مثلاً زوجتي تقول أحس أنه مالي قيمة بالبيت و ما احد يهتم برأي. (يا ناس والله مو مقصر بأي شي لا من الناحية العاطفية و لا الكلام الحلو و لا المادية) و تقول عندي آمال و أشياء كثير نفسي اسويها بس ما راح اتأمل كثير علشان ما انصدم. (أنا ليل و نهار لما أتكلم معاها اسألها شنو تتمنين بالحياة شنو تبين و هي ما عمرها قالت شي تقول ما فيه شي ببالي عادي اهم شي أكون معاك) فيه أشياء كثير كنت أسويها ببيت أهلي و ابسط فيهم واللحين نسيتهم كلهم و لا راح اقدر اسويهم مرة ثانية واساساً ما عاد أعرف شلون أسويهم !!! ( ما أدري شنو هالاشياء) و تكلمت عن كلمة عادية قلتها لها قبل فترة و جلست تكتب مبرراتها و ليش سوت كذا و أنه ما عمرها سمعت هالكلمة من قبل عند أهلها و أنه خلاص مستحيل تطلب مني أي شي علشان ما تسمع هالكلامة مرة ثانية. (الكلمة عادية جداً قلت يا قلبي انتبهي تراك اسرفتي شوي بالموضوع الفلاني تكفين انتبهي شوي "من الناحية المادية") أنا ودي اناقشها بهذا الكلام اللي كتبته بس مستحيل لانها وقتها راح تعرف اني قراءة مذكرتها و بنفس الوقت ما راح تنطق بأي حرف. يا ناس أنا ابغى اسعدها لانها مو مقصرة معاي بأي شي بدون ما اطلب منها أي شي تسوي كل شي بدون ما اطلب همها الوحيد سعادتي و رضاي عنها و انا ابغى اعاملها بالمثل... شلون تقول فيه أشياء تتمنها بس ما تبغى تتأمل كثير ؟ أنا راح احقق بأذن الله كل شي لها بس هي تتكلم و تقول ابغى كذا !!! و كيف تقول ما لها أهمية بالبيت و هي أهم شي عندي !؟ و أنا أوضح وأقول لها هالكلام كل يوم حتى قبل هذا اليوم !!! يا ناس أنا قلبي طيب لما اشوف واحد ضعيف بالشارع و انا ما اعرف يتقطع قلبي عليه !!! كيف لما احس زوجتي و اللي مو مقصرة بأي أي شي معاي احس انها ضعيفة و محتاجة أشياء كثير و أنا مو قادر أساعدها ؟؟ أنا حتى الشغل مو قادر اركز معها من هذا اليوم... ساعدوني أرشدوني الله يرضى عليكم. وأي شخص عنده أي استفسار يتفضل على شأن أحس فيه ناس معاي... و السلام عليكم و رحمة الله و بركاته. |
اخوي لا تجرد المفاهيم من مضامينها..
الخيانة شيء.. والغيرة شيء ..والشك شيء آخر تماما.. |
ممكن اعرف هالمضامين طيب من وجهة نظرك ؟
ان الغيرة شعور طبيعي ومعروف عن البشر والازواج بشكل خاص .. الانسان الغيور جدا او الغيورة جدا قد تتحول الغيرة الى شك احيانا والشك مع الوقت يتحول الى وساوس واوهام مثل التفكير بالخيانة وغيرها |
لا تستطيع ان تغار من شخص غير موجود او شيء لم يحدث!!! هنا يسمى شك..
كونه شكاك "وليس غيور" تلك ليست مشكلتها اخي الكريم.. لان الشك بالتاكيد مبني على تراكمات سابقة او ماشابه.. اذا كانت لديه مشكلة فعليه ان يعالجها بنفسه وليس عن طريقها بان يتاكد بممارسته دور الجلاد ويراقب تحركاتها بشكل مرضي حتى يتاكد بانها عفيفة! حتى الساذجة تعرف ان ذلك شك وليس غيرة الخيانة تكون مع سبق الاصرار والترصد ويكون بها طرف ثالث باي شكل من الاشكال اتمنى اكون وصلت لك اللي اقصده |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|