يبدو لي ماقد جربتي تكوني سعيده جداً بإنجاز شي كان صعب إجتيازك فيه وتتمني من الشخص الي يحبك يعيش فرحتك وللاسف يكسرك بشي يقهرك مره ويندم لكن هل يقدر يرجع سعادتك

مااقول الا يارب ماتجربي بشعور انكسار الفرحه ..

الرجال الي ردوا


تخيل إنه جاتك ترقيه في عملك كنت تتمناها ومتحمس تبشر زوجتك وناوي تعزمها ع حسابك في افخم فندق ودخلت عليها وتكسر فرحتك بكلام عن مشكله شبعتو وانتو تعيدو وتكرروا فيها وتنتهو بالتراضي والسبب لانها معصبه من الاولاد مثلاً فجاء الموضوع هذا في بالها وكسرت مجاديفك فيه

ممكن أعرف ردودكم ع تصرف زوجتك

متفائلة
أكون صريحة معك؟!
وثقي إني أتحدث عن موضوعك مو عن شخصك ،
من أمس أقرا موضوعك وأقول معقولة هي صادقه باللي تقوله؟!!
من أمس أقرا موضوعك وأقول يا شوك على كثر الشر اللي فيك ما عمرك فكرتي بهالطريقة الانتقامية!!
وحطيت نفسي أسوي مثلك واحتقرت نفسي كثيييييير!!
مهما كانت أوجاعي من الغير أكره الإنتقام للذات
مو مثالية مني ، ولا نيب من الناس اللي يهمها تطلع بأحسن صورة لو كذب
بس من جد ما لقيت نفسي في الكلام اللي تقولينه ولا العالم اللي يعيشه البعض
وقبل شوي قرأت آخر رد لك واكتشفت إن هذا اسلوب زوجي معي العمر كله من اخذته ، وإن ردة فعلي صرت ما أشاركه ولا أعلمه بأي شي يخصني ويفرحني
وصلى الله وبارك.

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

حياك شوك ....
أنا لما كتبت الموضوع كنت حاسه بتأنيب ضميير قوي جداً بس صدقيني لما تتأكدي إنه هالاسلوب يعدل الشخص الي تحبيه ومتأكده من الشي هذا لدرجة انه قال لو تأكدت انه درجاتك جات مرتفعه رح اسوي لك شي تحبيه عشان اعوضك عن شحطتي معاك

صدقيني اعرف زوجي لو طنشت وماحسسته مارح يجيب خبري ...

هنا تجاهلت تأنيب الضمير رغم انه لازال مستمر ...
انتظر ردك

وفي شي اخير ابغى أقوله لما تبغي أقرب الناس لقلبك يشاركك فرحتك رح تسوي ربما نفس الي سويته خاصه انه مايمشي بالنقاش الا بعد ماينقرص

لكن لما الشخص هذا مايهمك أمره اقل شي بتسويه ماتظهري فرحتك له وتكوني متقبله لردات فعل سلبيه منه ....

مجاديف تكسرها إمرأه

لا تستحق أن تكون مجاديف أبحر بها في خضم الحياة : )

ليس شرطا انه يريد تكسير مجاذيفك فربما كانت الأجواء النفسية لديه متعكرة بسبب تجهليه فجاء الخبر سارا في توقيت غير مناسب وهذه نفسيات والنفسيات الله يعلم بها فربما ترينه أمامك طيب وهو في داخله ما يؤلمه ،،،،،،،،،
أؤمن ان النفسيات لها دور كبير في ردود الفعل وكذلك أؤمن ان اختيار التوقيت المناسب له دور كبير أيضاً في القبول والرفض لأي موضوع

نفسي اعرف ما هو الدق اللي دقيقتيه في رجولته بالضبط؟

ورايي ما دام انه تسامح منك فهذي رجوله منه كان عليك تقديرها (لهذا استغربت دقك في رجولته)

وما دام اظهرتي له المسامحه فكانك اعطيتيه الامان وهو صدقك ان الموضوع منتهي
ثم غدرتي به وانتقمتي لموضوع قد اعتذر منه وابديتي قبولك لاعتذاره
فلم الانتقام بعدها؟!

اصدقك القول تصرفك لا يخلو من الحقد والانتقام هذه هي الحقيقة مهما غلفتيها بفرحتك المكسوره ( وتذكري لانه اعتذر لو انه لم يعتذر لكان لي راي اخر(

وبرايي انه اعتذر ثلاث مرات وليست مره واحده
الاولى بالاعتذار الصريح ( وقله من الرجال من يفعل)
والثاني الطلعه اللي طلعكم
والثالث اظهاره الفرح والنبساط امامك في هذه الرحله ( لو غيره مكابر طلعكم وهو ماد بوزه)

كل هذا ما شفع له وما زلتي حاقده عليه وتريدي الانتقام!!

يحق لضميرك ان يؤنبك!

ارجو الا اكون قسوت عليك
لكن عودي نفسك ما دام هذا الشخص اي كان اعتذر عن غلطه اذن حقي عاد
وان كان ما زال في النفس شيء اقوله بطريقة او باخرى بعيد عن روح الانتقام

لا تكرريها حتى لا يحقد زوج عليك مع الايام

او يصير يبطل يعتذر منك لاي غلط يرتكبه لانه عارف انك بتاخذين حقك باقرب فرصه فماله داعي الاعتذار

الحقد لا يولد إلا الرغبة في الإنتقام

ومن متى الرجل يشارك المرأه فرحها
اوحزنها
اوتعبها
هو يشاركها اللذة ةالمتعة اذا له مزاج
او الفلوس
حتى مايشاركها
يلهف ماوراها ومادونها