خلاص يا استاذ فهلوي طابت النفس عن الزواج ومستحمل اعيش بدون ذرية لأجلها '

لكن كيف ارجعها وهي مقفلة جميع طرق الرجعة في وجهي واذكر مرة ارسلت لها رسالة طويلة عريضة كلام جميل مني واريدها ولا حياة لي من دونك ثم سألت ايش يضمني انك اذا رجعتني بيتك ما راح تتزوج قلت لها اذا جاتك بس شكوك ولو شك بسيط اني بتزوج لكي الحق وقتها تسوين الي تبين تدري ايش قالت للاسف و انا اسف اني بذكر الكلمة قالت ( كل تراب ) خلاص النفس طابت منك ومن اشكالك !! واعطتني حظر بعدها

محتاج طريقة يمكن ترجع المياه لمجاريها '
والله افكر فيها صحيح يمكن ربي يرزقها بزوج بس برضه يمكن ما يرزقها وتجلس طول العمر وحيدة '
لا والله اجلسها عندي حبيبتي وعسى ما جبت عيال ولا تجلس لوحدها في النهاية ما اقدر اتخلى عنها زي ما وقفت معها في السابق بجلس واقف معها طولت العمر

مالومها
شعور ان زوجها وحبيبها سيكون مع اخرى
شعور قاسي
الله يشفيها ويرزقها بالذريه

__________________
سبحان الله والحمدالله

السلام عليكم
اخي الفاضل
دخلت موضوعك واحببت الرد عليك
كثر الله من امثالك وجزاك الله خير
ونعم الرجل ووفيت وكفيت مع زوجتك
الله جعلها عقيم ماباليد حيله هذه ارادة الله في خلقه
اخر وحده تشجع التعدد هي انا لكن وضعك مختلف وهنا الله سمح لك بالزواج باكثر من وحده ولك كامل الحق بان تكون اب ان اراد الله لك ذالك
الي صدر منها طبيعي حست انها راح تفقد رجل اعطاها كل شي لاتلومها
حاول تجير خاطرها واقنعها انه مافي امراه تاخذ مكانها والكلام الطيب له اثر وانت ماقصرت
من حقك ان تتزوج ومن حقك الانجاب
واسال الله ان يسخر لك الزوجه الصالحه والذريه لي تبر بك فحياتك وتسعدك بعد مماتك انه ع كل شي قدير

احترامي لك اخي الفاضل

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

الله يرزقك بالذريه الصالحه
واحد من اقاربنا من بعيد
رفض يتزوج على زوجته لدرجة انه تلح عليه أمه طيبه بس تبي تشوف عيال عيالها
وفي الاخير قال هذي حياتي وانا راضي وخلاهم يقفلون الموضوع ومايفتحونه قدامه العقم من زوجته وهي رافضه العلاج
وصل عمرها 35 سنه تزوجت وعمرها 16
قمة الوفاء في هذا الزوج هو بصراحه يحبها لدرجة العشق ماشاء الله لاقوة الا بالله

يضْرب الحب شو بيذل ...

هكذا يقولون ...

لا بأس ... أنت تحبها حب عظيم، وهذا واضح جدا ...

وليس هناك أجمل من الحب ::::::

اللي مثلك لو تزوج سوف يظلم الزوجة الثانية ... فيما أظن ...

لكن اقترح عليك تغيير أسلوبك حتى تعلود المياه إلى مجاريها ....

الله يزيدهم حب وعشق ولا يحرمهم من بعض يا الم الحنين
لكن كما قلت رجل عن رجل يختلف فمنهم قمة في الوفاء مثل قريبك ومنهم لا يمت للوفاء بصلة مثلي '

مهما كنت تحبها
ما رح تحبها اكثر من عيالك
مستحييييل تلقى حرمه تحرض على الزواج الثاني
لكن لاحظ هنا الاغلبية يحثك
وانا اولهم الضنا غااااااالي
اتركها وبيجي يوم وتهدا
لكن سنين عمرك ما رح ترجع
و12 سنة ما هيب شويه
امي دايما تقول لي " عيال الشباب للتباب وعيال الشيبه للخيبه "

لا بالعكس محشوم والدليل انك تخاف على مشاعرها وهذا من حقك
بس في نفس الوقت هي كذا بتنجرح كثير وماراح يبرأ جرحها
الله يربط على قلبها

اذا كان صحيح هذا قرارك فإنت خسرت الاثنين .. الزوجة والذرية .. توكل علي الله وتزوج وربي يرزقك ويصلح حالها وترجع لك ويشفيها وتجيب منك عيال ..
بس لا تذل نفسك اكثر .. تطيح بين رجولها وتترجاها وهي تقول لك كل تراب؟ بصراحة انا دايما اسمع اذا الزوجة عقيم تدوس علي قلبها ومشاعرها وتقول لزوجها تزوج، من حبها له ماتبي تظلمه وتحرمه من حلم الابوة .. اما لو اعترضت الزواج تكون انانية ..