أخت صباح أقولك إياها وكااااااش
مالك داعي في الموقفين كلها
وإن كان وضعك زي كذا على طول الله يعينك ويعينه

يابنت الحلال ابعدي عن دروب (( العيب في أهلك ))
الناس محترمين معاك خلاص خليك محترمه وبلاش الدق اللي من تحت لتحت
ويمكن يكون مو قصدك بس هو فهم إنه قصدك وإلا بتطلعينهم ناس ما يستحون
ومو بالإجبار يعزمون ويجيبون ويشيلون ويحطون في أهلك
سواء بينكم قرابه أو لا كل ناس ولهم حريتهم الخاصة ويمكن كان عندهم ظروف والله أعلم

وبطاقة الصراف واللي وراه اسمحيلي أنا أقرأ وأقول ياااربي ليش كذا تكثر نق وتلف وتدور
قال مافي حنني قلبه بالطيب والكلمه الحلوه .. أصر قولي اللي تشوفه
وإذا ما رحتي اليوم بتروحين بكره إن شاء الله

والجفاء أسوأ شي يدخل بين الزوجين وإذا طوول اندمر كل شي
انتبهي لنفسك
وألحين تقولين يطلق ويتزوج و...و.... وفلسفة الحريم ذي
لكن والله لو يسويها ............ ما يحتاج أكمل..


وماله داعي زعلتي من شي تروحين تخربينها في شي ثاني وما تحضرين معه ويروح مع أهله بدونك
كأنك تعلمين النااااس تفرجوا يا عالم بيننا ممممشكلة
تعلمي وعلمي زوجك الزعل داخل أسوار المنزل فقط
وإذا خرج قدام الناس شي فحياتك مهددة صدقيني

الاخت العقد الفريد
الظاهر انك ماقرأتي غير هالموضوع
الله يسامحك

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.

صباح ايش اخبارك لسة متزاعلين انت وزوجك

تصالحنا من قبل بس كنت انتظر الاخت تكمل كلامها عشان اكتب اللي صار بما انها لم تكتب شي
سأذكر ماحصل
بعد ماشفت الموضوع طال ولاله نيه يكلمني قمت قلتله ابغاك في شي جلسنا
وجبت ورقتين صغيره
وكتبت على ورقهالمطلوب منك لتسعدني وكتبت في الورقه الثانيه المطلوب مني لاسعدك
وقلتله اكتب كل شي يضايقك فيني وكل شي لو سويته يسعدك ويبعد النكد والمشاكل عنا بحيث لوزعلت مره ثانيه على شي وانت ماكتبته مالك حق تزعل وانت ماخبرتني عنه وانا كمان بكتب كل شي
ورقتي كتبت فيها:
1- مصروف شهري بمقدار(...)
يشملني انا والاولاد مابين ترفيه مطاعم تسوق بسيط هدايا للاهل والاقارب تماشي
2- حنان عطف ورحمه
(ومنها ترحمني لوجيت من تمشيه او سفرمثلا نشتري عشا ولو بسيط من برى ) لانه ارهاق اول مااوصل البيت اروح للمطبخ اطبخ لك عشا
3- تمشيه كل اسبوعين
على الاقل ماتزيد الفتره عن اسبوعين ( ملزم وليس اختياري ) لعايلتنا مع بعض
4- ابغى اسمع كلمات شوق وحب واحضان
لاني احتاج اشباع عاطفي منك
ماتداوم وتسافر على اهلك طوالي كانك عزوبي وتتركني عند اهلي كعادتك نزورهم كل ماشتقنالهم وتركد في بيتك
5- (بحيث تكون الزياره مره او مرتين في الشهر فقط لاهالينا )
لانهم بعيدين عن مدينتنا
5- حساسيتك الزايده

اما ورقته هو :
كتب فيها
1- اسلوبك معي في الكلام غلط
سالته كيف ؟
مو تعامليني مثل اي واحد من اخوانك يكون لين
2- تحضرين معي في كل الاعياد
قلتله انا كل عيد احضر معك بس العيد ذا كنت ابكي ولاابغى الناس يشوفوني بالحاله ذي
المهم قلا طيب وابشر
قلت كمل قال هذا كل اللي يزعجني فيك بس
قلت بس ذا ؟؟ انت مو تقول انتي تجيبي التنكيد وحياتي كلها نكد و..و..الخ .. وماتركت ولا كلمه ماقلتها في الاخير بس النقطتين ذي
*قلتله فكر خذ وقتك وخذ راحتك يمكن فيه شي باقي ماذكرته وجلسنا فتره نتكلم ورجعت سالته قال كل شي عاجبني فيك بس هذا
قلت انا بحاول بكل اللي اقدر عليه عشان اغير اسلوبي معك اذا مزعجك وانت تحاول باللي تقدر عليه ماتكون حساس بزياده وتزعل على اي شي
قال الطبع يغلب التطبع
قلت العلم بالتعلم والحلم بالتحلم
قال بحاول اخفف حساسيتي
قلتله اذا تذكرت شي ثاني بعدين اكتبه ومر كذا يوم ماكتب شي غيرها
وهذا كل شي صار تخاصمنا شوي وزعل بس حاولت اهديه الين ماكتبنا كل شي وتصالحنا وعلقت الورقتين على السرير عشان ماننسى ونتعدل مع الوقت ان شاء الله
اول يومين كنا مش قد كذا يعني ساكتين مانتكلم كثير بعدها شوي شوي الين مارجعنا مثل قبل والحمد لله *

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.

الاخت الفاضله
قلوب حايره
ربي يسعدك شكرا على سؤالك عني دايما واسفه على التاخير

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.

فرحت لك كثيير الله يديم عليكم الصلح يااااارب

اللهم آمين شكرا لك

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.

ماشاء الله تبارك الله والله حتى انا فرحت لك وكثيــــــر بعد

__________________

محتاجه ان يوجد لديكي صبر و حكمه للتعامل مع زوجك يا اختى

ربي يسعدك
شكرا لك

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.