حسن السجايا كلامك بكاني

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

ممكن تكملين النتيجة او بقية الحوار اللي دار بينك وبين زوجك


بالنسبة للمبررات اللي عطيتي عن اخوالك اولا الله يهديهم ويغفر لهم ثانيا يعني من كلامك فهمت انك راضية تعيشين ذل وحرمان زوجك على ان تتطلقي ويتشمتون فيك لا ادري ولكنها مبررات واهية وسبحان الله كيف بتقبلين تعيشين في معاناة وضياع خوفا من كلام الناس ونظرتهم مو نفسك اولى بانها تشوف راااحتها وما يهمها شي
عزيزتي اظن ان هذه المبررات تعلقين وتدعين انها السبب في عدم قدرتك على تركه والحقيقة اللي وراها ان حبك لزوجك هو السبب الوحيد اما باقي المبررات تخفين وراءها حقيقة حبك فقط
يجب ان تكوني صريحة جدا مع نفسك كي تعرفي ماذا تقررين وخللي راحتك وسعادتك اهم من كل شي ان اخترت البقاء مع زوجك اجتهدي وحاولي تغيرين من شخصيتك ما تقولين ما اقدر وصعب ومستحيل ما في شي صعب ومستحيل اذا توفرت عندك العزيمة الحقيقية والرغبة في الحفاظ على عشك حاولي تتغيرين اولا من اجلك ثم من اجل الحفاظ على زوجك وحياتكم معا والله يقدر لك الخير اينما كان

راح استعد للسفر نهاية الاسبوع هذا
راح نتبعد وقت لاراجع نفسي وهو كذالك
راح استجمع قواي لاواجه الحياة من جديد
بسافر لاهلي وعلى العيد ان شاء الله بطلع سفرة برى المملكة لاغير الزمان والمكان
السفر جدا يريح اعصابي
راح اعيش لحالي فترة واشوف ماذا سيحصل
ربما البعد يكون فائدة لي وله بالوقت الحالي لانه اصبح لا يطيق مني كلمة
واعترف لي انه لا يطيق مني اي شى بالوقت الحالي
كما انه اصبح كلامه له جدا مزعج
وربي يكتب لي الخير حيث كان

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

خير ما اتفقتوا عليه
اﻵن ريحي أعصابك واستعدي للسفر ﻷهلك والسفر لخارج المملكة
وإياك تستحضري الهم والحزن في السفر،،

لمسة ممكن تخبربني بوجهتك وين ناوية تسافرين خارج المملكة
ﻷني إن شاء الله ناوية على سفر يمكن نتقابل

قلوب حائرة ترى هو مايتحاور
جلست اتكلم وهو ساكت
وبعدين قال دخت بعد الفطور نروح البيت نريح شوي
اتفقنا اني ااسافر لاهلي فترة لين كلن فينا ياخذ وقته بالتفكير

بالنسبة للمبررات لو اجزم انه سحر مااراح افك زوجي لانه بكذا بتكون كل تصرفاته معي مو طبيعية
وماقلت الشى هذا عشان ابغى اختبئ وراك مبرراتي انا فعلا احبه رغم كل الي قاعد يصير لاززلت احبه
الحب شى خارج عن ارادتي كذالك لا استطيع التحكم فيه والا كان وقفت هالحب من زمان من فينا يبغى يتعب قلبه
ولا اقولك انه مو غلطان بتصرفاته معي بس قالي وقال لاهلي انه ماعاد صار يتقبل مني اي شى
انا اليوم صحيت من النوم اول ماشفته على جواله قلت ماتتعب من الجوال وانا حاطة ببالي اني ماراح اكلمه نهائيا عن جواله
ومع هذا ماصبرت في اشياء اسويها مقدر اضبط نفسي فيها
هل تتوقعي ياقلوب حائرة انه ماودي اسوي زيك واتغلى ويجي زوجي برضوه واقعد في بيت اهلي لين اجيبه
نفسي بهالشى بس لا تنسين اني زوجة ثانية ومافرقت معه يراضيني عنده البديل
والحمدلله يقدر يطلقني بالمحكمة مو شرط اكون معه لاني كنت شايلة هالهم على بالي القاضي يطلب جيتي
ماحب ادخل محاكم
واذا صار الطلاق فالله راح يرضيني بكل الاشياء ويهون علي
لكن صدقيني ياقلوب خوالي مجرمين وانا ماكتبت القصة عشان استعطفكم بس حبيت احط النقاط لي قد تكون سبب
وويل لمن اشارت له الاصابع ولو بالخير
واقسم بالله لو ااتاكد انه في عمل لي لا ابيع الي وراي ولي قدامه اهم شى افتك من الي انا فيه
وعلى فكرة يا حائرة انا قد انسحرت قبل زواجي
خطبتني وحدة لودها وبعد رفضي اقسموا انهم ماراح يتركوني بحالي
وجلست سنة كاملة مسحورة المشايخ يجون يقرون علي يشردون زي الوحش واكسر كل لي حولي
واجلس بالظلام ويحطون الاكل عند باب غرفتي اشوته برجلي وقعدت سنة بدون صلاة ولا حتى احب اتروش
ولا امشط شعري اقوم بالليل افر البيت كله بظلام واحيانا يمسكوني ابي اطلع برى للشارع
لين جا الفرج ومسكني شيخ صرعني صرع يوم فتحت عيوني لقيت ان كل من حولي يبكون
قلت خير وشفيه هذا الي اذكره
وصارو يحكون لي السالفة سنة لم اشعر بلحظة اني فعلا كنت انا هي لي سوت هالامور
انفك السحر ورجعت لحالتي الطبيعة وكان شي لم يكن
انا والله ثم والله اني كنت اشوف فديوهات للصرع باليوتيوب اقول هالعالم خبال
يمثلون علينا واضحك عليهم ولا كنت اصدق ابد
لانه بعادتي ماصدق شى الا لمن اشوفه ,,لكن حسبي الله على كل ظالم وظالمة وان وصلني اي اذى فالله اراد ذالك

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

حبيتي باقي ماقررت بس يابتكون باريس ولا تركيا لان تركيا عجبتني كثير
وبعد في وحدة من صديقاتي بتسافر باريس شوبنق وقلت فرصة نكون مع بعض
بس مدري محتارة بين البلدين وبعد تركيا اروبا بس بطابع الاسلام وهذا الي جذبني اكثر
واحيانا اقول جنوب افريقا يقلون تجنن
المهم ابي اروح اي مكان احسه جديد علي واغير جو واخذ معي اختي

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

مثل ماقلت لمسة باريس للتسوق أما سباحة فما فيها شي ملفت
وتركيا جميلة جدا
لكن اﻷجمل سويسرا والنمسا،،إذا تقدرين روحي،،
الله الله على الجمال الساحر فيها ،،،جنة الله في اﻷرض وإن شاء الله تنسين أحزانك وهمومك،،وتجددين حيويتك.

سويسرا درست فيها ستنين
وكنت عايشة بمنطقة اسمها لوسون تبعد عن لوزان بعشرين كيلو قريبة تجنن
وطبيعتها حلوة صراحة وبعد الدراسة رحت كثير لها لازم اذا نزلت بباريس اروح لسويسرا بالقطار واستمتع بالمناظر الخلابة
النمسا باقي مارحت وفعلا سمتعت انها جميلة ورخيصة بالنسبة لاروبا
انتي وين رايحة؟

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

وجهتنا سويسرا إن شاء الله تعالى
وفعلا زي ماقلت النمسا جميلة جدا وأرخص

ياحبيبتي يالمسة
الله يكتب لك اللي فيه الخير يارب
ياليت تقرئين البقرة يوميا
وتستغفرين الله الالاف المرات
والله انها لتنفرج صدقيني