هو اخطأ وإنتي أخطأتي ايضا واللي صار صار

أكيد إنتي الان محتاجة لحل إِيش تسوين الايام الجاية

انا أقول ارسلي له رسالة اذكري فيها انه ليس من حق اي احد ان يسبك او يقذفك ولو كان اقرب الناس لك وغير مسموح هذا الشيئ أبدا وأنك قد مللتي من هذا الأسلوب الصبياني الغير مسؤول وان نفسيتك تعبت ومن الصعب ان تسامحيه

صحيح انك استفزيتيه لما دافعتي عن صاحب المحل لكن هو لازم يتربى ويبطل قذف على الداخلة والطالعة ولازم يسترجل ويترك شغل المبزرة .. المفروض من اول مره قذفك فيها دخلتي طرف ثالث يتفاهم معاه ويحسسه قد إِيش هو متهور وغير متزن

ريماس ... كنت ابغى اوقفه عند حده لاني تعبت كل يوم على هذي الحاله ماتهنى إذا طلعت مكان ..

موهبه .. الرجال مو واضح عليه حركات فصعب نظلمه ..

الواثقه ... شكرا لك ... صحيح انا غلطت لكن صعب اعتذر له الان بعد الكم الهائل من الشتائم ... وبالنسبه لسؤالك .. حبيت الفستان الاول وسعره معقول وكنت ابغاه وطلعنا بولا شي .. اقدر اقول ايه بس بنسبه بسيطه ..
مزهريه .. ان شاء الله سأرسل الرسايل لكن ليس الان ...

__________________
-

فأجبر خَاطري .. بفيّض نعَمك ❤ ....

اقرئي كل يوم سورة البقرة و كدلك سورة يو سف و راح تشوف النتائج،كلو بيهدأ انشالله.ما تكبري الموضوع براسك عادي،هادي محبة.

وعليكم السلام حبيبتي
من وجهة نظري ومن منطلق ان زوجي غيور ايضا ، صراحه انتي اخطأتي وزوجك معاه حق في البائع بس هو حب يعاقبه بطريقته لو زوجي هو اللي قاله مقاس زوجتك هاهاهاي يمكن يعلقه من رقبته صراحه هذا بجيح جدا وماقد حصلي على كثر نزلاتي للسوق ان احد يقيم مقاسي يمكنهم مدربين على انهم مايتدخلون بخصوصية العميل ولو انا احد لمح لي انو يعرف مقاسي انا نفسي مابرضى انو قزقزني لما عرف المقاس ، اما الناحيه الثانيه انك تناقشين زوجك وتخاصمينه بسبب احد ثاني انا لا يمكككككككن اخاصم زوجي لاجل احد ثاني فكيف لو كان هالاحد لا يعرفنا ولا نعرفه مهما اخطاء زوجي بحق العالم بكيفه مو انا اللي اقيم سلوكه وانا ماحب احد بهالعالم كثره فمستحيل اجلس اخاصمه لاجل علان وفلان حتى لو من باب الانسانيه مالي شغل فيه هو حر بنفسه وانا الزم ماعلي زوجي ومشاعره يمكن انو يفهم دفاعي عنهم شيء ثاني ف ابعد عن الشر وغني له طيب تخيلي انك مسافره وفي بائعه اجنبيه تتميلح لزوجك وانتي عشان تغيضيها جمعتي من هالاغراض وبعد ماتعبتيها قلتي خلاص مابي وطلعتي وهزأك زوجك على فعلتك ومادري كيف بالله ماراح تنقهرين ويفور دمك ليش تدافع عنها ومن هي بالنسبه لك ولاب لاب لاب ايوا بالضبط اسقطي الموقف عليك عشان تتخيلي ردات فعل زوجك ونصيحه مني انو تكلمينه انك انجرحتي منه ومن كلامه وتوضحين وجهة نظرك وانك لربما اخطأتي بالشرح وان هالبياع وغيره مايعنون لي شيء لو اجتمعو رجال الارض كلهم هم في كفه وزوجي حبيبي في كفه وارجعي بيتك الموضوع سخيف يبي له تعهدات بس انو معاد يغلط عليك ورضاوه على السب وانتهينا وحطي ببالك معاد تدافعين عن اي رجل بالعالم زوجك الزم ماعليك وبس ❤

__________________
أستغفر الله العظيم واتوب اليه

ثاني مره روحي السوق مع أختك
بصراحه ماأحب الرجال اذا دخل معي السوق
يايكون يبصبص على النسوان
والا يدقق في اتفهه الاشياء مثل حركة فلان وعلان
والا اطلع من السوق مااقتنعت يكون فوق رأسي

__________________
استغفر الله وأتوب إليه

سبحان الله انا عكسك من اجمل لحظاتي لما اكون مع زوجي بالسوق
احبه هو يوديني وانبسط كثير بوجوده لاني فاقده هالشيء معه يمكن بالسنه اطلع مرتين معاه
الباقي مع امي 😭😭💔💔💔💔💔💔💔

__________________
أستغفر الله العظيم واتوب اليه

سموره انتي رجعتي بردودك تأكدي
انك قلتي كذا لانك تضايقتي من اسلوبه
حبيبتي هذا زوجك مو ولدك
مالها داعي تقولين له اخطأت بحق فلان
خصوصا اذا فلان مايعينك ابدا
فهمتي علي؟
تصرفك هذا جدا مستفز للشخص الغضبان
لازم تقتنعي بهالشي وتتفهمي موقفه
وتدركي ان تصرفك خاطئ
لاتبرري لنفسك حبيبتي
انا وانا مالي علاقه انقهرت
فمابالك بزوجك إللي كان معصب وقتها


النقطة الاهم الان
ان زوجك غلط عليك غلط كبير
لانه اهانك وتلفظ عليك
انتي تفاهمي معه على هالنقطة
بحزم وجدية


سبحان الله
كل المشاكل (الجديه) بهالقسم
اساسها الاول: عدم الاحترام
واعتقد هو السبب الاول لفشل الزواج
بعد تجربتي ووقوفي على مشاكل غيري


سموره اشتغلي على الاحترام بينك وبين زوجك
علاقتكم تحتااااااجه بشده

مايخليني اطلع مع اختي ولا مع اي احد .. واذا طلعت مع اخواني يقلبها نكد وتحقيق ...

كنافه ... مو اول مره يسويها ... تخيلي مره طلعنا انا واخته وهو المول وهو جلس يلعب بنتي .. واخته قالت له بنروح دورة المياه ونرجع .. قالنا لا تتاخروا...ورحنا واحنا راجعين اخته قالت خلينا ندخل هالمحل فيه اشيا حلوه .. قلت لها لا خلينا نرجع عشان اخوك مايعصب ... قالت وهو وش دراه ندخل بسرعه نشوف ونرجع.. دخلنا واحنا طالعين من المحل شفناه بوجهنا ... اول شي اتهمني اني اعانده واني انا اللي قلت لاخته ندخل .. وثاني شي ماصدق اخته لما حلفت ان هي اللي عرضت علي ندخل ويقول انها تدافع عني ... وثالث شي يقول اللي تدور بالاسواق من غير محرم هذي ماعندها اهل يربونها ... وبعد كل هذا يقول ليش اخترتي هذا المحل بالذات اكيد شفتي احد او متواعده !! .. وكل ما اجي اتكلم يسكتني .. هالشي صار برمضان .. تغاضيت عن الموضوع ولا سويت مشكله ...ورجعنا البيت ونسينا الموضوع ...

وقبل ايام ... دق على جوالي رقم غريب " وانا ما ارد على ارقام غريبة بطلبه " دق اول مره مارديت ورجعت حطيت الجوال عند بنتي ورحت اشوف شغلي .. ودق مره ثانيه وبنتي ردت .. جيت باخذ الجوال شفت المكالمات ... وبعد ساعه اتصل زوجي معصب كيف تردين على ارقام غريبة.. طلع هو اللي دق من رقم الشركه لان جواله ماكان فيه بطاريه ... كنت ابغى احاول افهمه وقفل بوجهي ... ولما رجع وابي اقوله ان بنتي هي اللي ردت يقول خلاص قفلي عالسالفه مابي تبريرات .. واسكت اقول ماله داعي اسوي مشكله دامه بيتقفل ونرجع طبيعي ...

المشاكل من هالنوع والله مابالغ لو اقولكم انه شبه يومي ... حتى اذا شاف اني اتابع مسلسل او فيلم واندمجت فيه ... تصير مشكله
بس لمتى ؟

وموقف قبل امس فجر اللي بداخلي ومليت من ذا كله ... صح اني أخطأت لما بررت للرجال بس لاني طفشت كل مره نطلع يسوي فيها مشكله ...

__________________
-

فأجبر خَاطري .. بفيّض نعَمك ❤ ....

حبيبتي الله يعينك
فعلا موضوع متعب

ليتك ناقشتيه من البداية
بدل ماتشيلي بقلبك وتكتمي
لانه صار متعود.. ويشوف تصرفاته شي طبيعي

احيانا سكوتنا على الامور الغلط
تعطي الطرف الثاني احساس بالقبول
وتشعره انك متكيفه مع تصرفاته
وتعطيه ثقه اكبر يتمادى ويستمر
لانه حس ان هذا دوره وواجبه
وتقبلك هو يتوقع انه تأكيد لهالمعنى
ويعطيه ثقه انو له حق يغضب عليك
وانك ساكته لانك عارفه ومقره بغلطك


والمشكله بعض ردات الفعل المتأخره
تنفهم غلط من الطرف الثاني
يقول: ايش غيرها! يمكن احد محرضها!
يمكن ناويه تعمل شي! تتحداني!
وخذي لك من هالتفسيرات الغريبه
لانه يكون سلوك غير معتاد بالنسبه لك
وهذا عيب رده الفعل المتأخره
ببساطه: ليه توها تتكلم!!!


اذا تناقشتي معه
فضفضي عن موقف رمضان وغيره
حتى يعرف ان القصه مضايقتك من زمااان
وان سلوكه هذا يطعن بثقتكم واستقراركم
ويسبب بينكم نكد ومشاكل بكل مشوار
وان شاء الله يتفهم

بغض النظر عن الموقف الاخير
سلوك زوجك جدا سيء في ها الناحية
لازم تحطين له حد و يوقف كلام جارح
اهلك ماربوك ليه دخلتي المحل هذا بالذات مواعدة أحد هذا كلام غير مقبول

تخيلي كان ردك انا ماخترت هذا المحل اختك اختارته يمكن اختك مواعدة أحد مو انا
والله ينجن كيف تقولين كذا على اختي ؟
فعلشان كذا عيب يقول هالكلام إذا هو مايقبل هالكلام على أهله
نصيحتي حلي المشكله هالمرة والمرات الجاية مالك دخل وش يقول أو وش يسوي مع الناس لو يكسر المحل خليه بيشتكون عليه ويعوض راعي المحل ويتأدب أو ينسجن
لكن معاك راح يستمر بالغلط لأنه مافيه رادع
ارجعي له وقولي له هالمرة ماراح انسى الموضوع كلمة جديدة تشك فيني والله مااعديها ومااسمح لأحد يشكك باخلاقياتي وتربيتي