ايه انا حاسه اني احرجته صراحه
بس انا أقصد احراجه معهم عشان يحس ويقدر انه تاركني عند اهلي وهم مو ملزومين بمشاويري
ان طالت فترة غيابه
وانا اعرف تمامآ انه احراج ومو حلوه ولكن ابيه يقدر اني زوجته ويطلب من اخواني ياخذوني
عشان يشيل همي ومايخليني فترات طويله
انا لي مغزى بهاالتصرف صراحه
وان شاء الله يكون وصلت الفكره له..
للعلم الولد الله يحفظه مايردني ابد ومايرضى علي واخواني لو الوالد وافق ماتفرق معاهم
يعني ماراح يستحون ويعملون مشاويري بدﻵ عن الوالد
موقفهم قوي جدآ ورافضين اي طلبات او مشاوير تخصني للأسف كأني عدوه لهم
والله كان لهم اجر كبير انا مابيدي شي هذا اللي الله كاتبه لي ويارب تتعدل احوالي
الله كريم

انا مثلك اقول اني انحرج اطلبهم ولكنه يقولي مافيها شي اخوانك
ﻻنه هو مع اخواته ماشاء الله تبارك الرحمن يخدمهم بعيونه
يعتبر انه اﻻخت غاليه وحرام اﻻخ يقسى عليها هذي طريقته
زوجي مضطر طبعآ يسافر ويتركني عند اهلي على فترات واحيان يطول بجيته
وللعلم انا مررره ماأطلع اهلي بصوره مو حلوه مستحيل
دايم احسسه اني مبسوطه وهو يحترم اخواني ويمدحهم دائماً
لكن عشان طول هالمره ابيه يشيل هم مره ثانيه
ﻻن بصراحه هالمره اخواني قسو علي بشكل غريب ومشكله انا حامل وصايره نفسيتي متقلبه
اتحسس كثير من اي كلمه او نظره
الله يعين ..دعواتكم

زوجي مسافر كل هالمده وانا مقدره وضعه
لما يكون موجود مايقصر أبداً ولله الحمد
وطول ماهو موجود يخلص كل اموري قبل ﻻيمشي
وانا رافضه اسافر معاه لاسباب ماودي اذكرها
وللعلم اهلي انا ساتره عيوبهم عنه بكثر مااقدر وهو اساسآ مايتدخل باهلي أبداً
وكل الناس فيهم عيوب وهو انسان فاهم وعاقل الحمدلله
اللهم لك الحمد والشكر
.... بكل صراحه انا مصدومه من موقف اخواني
انا اختهم وهم يدورون فعل الخير مع الناس بكل الطرق
طيب وانا مو أولى من الغريب لهم أجر من الله
لدرجة يقاطعوني عشان ماأطلب منهم وﻻ شي!!
من فرج على مسلم فرج الله عنه كربه من كرب يوم القيامه
ضيقوا علي بشكل مزعج ومهين

ياعمري انا ذكرت ان الوالده مؤيده لموقف اخواني وشايله يدها بالتدخل والصلح
وسالفة التاكسي بالنسبه لعائلتنا شي كبير ومانرضاه ابد أبد

ياغاليه انا على ذمة زوجي نعم
وما اتجرأ اركب تاكسي لوحدي حتى لو مع عيالي
واصﻻ لساني مستحيل ينطق لزوجي بهاالطلب
وكﻻمك صحيح اني ام عيال ومااحد له كلمه علي
ولكن احترام رغبات اهلي امر واجب علي لبرهم
ماابي اقهرهم بسبب زي كذا
اهلي طول ماانا في بيتهم علي اني احترم أفكارهم واتعايش مع طريقتهم
حتى يجي زوجي بالسﻻمه
والوالد والوالده يقولون لي طول ماانتي عندنا وزوجك مو موجود
إذننا مهم في كل خطوه اتخذها
حتى لو بروح لبيت اختي ازورها
ﻻزم يوافقون
هذا نظام اهلي وانا احترمه الله يصبرني
مع اني اشوف هالطريقه فيها مبالغه وإلغاء لخصوصيتي تمامآ ..
الحمدلله على كل حال.
الله يفرجها علي وعلى كل من ضاقت به السبل

تودديلهم واحسني لهم
واعملي المعروف وادعي بصلاح حالهم
وحالك في سجودك وقبل السلام من الصلاة

الحبيبة بائعة الورد ...
<<< أسمك جميل على فكرة : ))
أولاً لأهون عليك مادام حملك سليم ولله الحمد ، لن يفوتك سوى الكشف الروتيني ..
( قياس وزن ، ضغط ، حرارة ) إهتمي براحتك كثيراً وبأكلك ولا تتوتري كثيراً من هذة المسألة ..
لعلمك الجنين يحس فيؤثر ذلك علية حتى العصبية تؤثر أيضاً ..
لذآ حاسبي على مزاجك وراحتك فأنت تستحقينها ..
وتواصلي مع الدكتورة بالهاتف ، واخبريها ان لديك ظروف تمنعك عن الحضور ..
واستشيريها في أي أمر يزعجك او اي عارض ..

الله يهدي إخوتك ويسخرهم لك ويحنن قلوبهم عليك ، ولا تطول غيبة زوجك إن شاء الله .

__________________
سبحان الله وبحمدة .. عدد خلقة .. ورضا نفسة .. وزنة عرشة ..ومداد كلماتة

ماأقدر اسوي معاهم اي شي خﻻص أعلنوا مقاطعتي
مالي غير الدعاء
الله يصلح حالي مع اهلي وزوجي
للعلم حتى اتصاﻻت زوجي ماعاد يردون عليها اخبرني زوجي انه اتصل وﻻردوا عليه
مستغرب.قلت له مدري وغيرت الموضوع
يعني يبون يحسسون زوجي ان جلستي ثقيله عليهم
لكن لما يجي من السفر يتعاملون معاه بكل ذووق قدامه

هﻻ عذوبة المطر الله يحلي ايامك
الله يتقبل دعائك الطيب ويجزيك الجنه
اشكرك

الأفضل سكن الزوجة مع زوجها .. هو من يراعيها
ويقوم على شؤونها وأبنائها ... لذلك كان هذا في الإسلام
ليأخذ كل طرف حقه ويعيش بسلام ..
لكن الله وحده يعلم بظروفك .. وأتمنى لك صلاح الحال
في القريب العاجل وأكرر وأوصيك بهم.. أحسني إليهم
والله في عونك..