اختك بالغه عاقله و مسؤلة عن تصرفاتها
وليس لك حق الا النصيحة بالمعروف ..

المراقبة و التجسس و تحريض الاهل عليها قد تكون لها نتائج سلبية عليها وعليك و على الاهل ايضا
وتذكري ان الكل معرض للخطا ..
والدتك هى المسؤله ليس انت و لا غيرك من الاخوان
..

انتبهي ايضا على علاقتك باختك ان فسدت ما اعتقد انها راح تصلح بيوم من الايام
لا تلعبي دور الوصي و دور النبي المعصوم ..

روح الطير : امي تعرف انها الصباح تخرج تفطر مع صحباتها مع اخوي او مع السواق لأنها و واثقه فيها ماتابعها

وانا بالفعل شاكه في كلامها الولد الي في السياره شكله من نفس الجنسيه يعني مو سواق وبرضه من صور البنات الي ورتني اياهم بيتهم بسيط فما اعتقد انه عندهم سواق مااعرف لكن اكيد انه الولد قريب لهم وماانتبهت ورى اذا فعلاً في بنت ولالا
انا اعرف اختي بإذن الله ما تفكر تنجرف مع شباب لكن عجبوها البنات وطريقة تفكيرهم وحده متخرجه وتخصصها نفس تخصص اختي ماده علميه ويتناقشو فيها
والشي الي كانت تخبيه عنا انها ترسل صورها لهم باستمرار وهذا الي خايفين منه
وبرضه اخويه اخذ جوالها وهي تراسل وفتشه مافي ولا كلمة تخص قريبهم هذا او اي كلام مع الجنس الاخر
انا مااخفيك انها حتى اخواني كرهتهم خاصه اذا تكلمو عن زوجاتهم بشر تقول هذا انتم يالرجال من ورى زوجتك تسبها بس الله ينتقم لهم منكم ع انه الموضوع عادي مو سب ذكر عاده مايحبها في زوجته

احنا حالتنا الماديه متوسطه لكن بالنسبه لصديقاتها اعتقد ممكن يطمعو فينا ع حساب سمعتها هذا الي خايفين منه لانه اغلب قعداتهم ع حساب اختي

خلاص ، طالما امك عندها علم ..
و أخوك عنده اطلاع ..

فخلاص ..
كفاية كذا ..

متفائله اختش بعد التحقيق معاها والشك فيها .. كيف علاقتكم معاها . تأثرت ؟

__________________
وهل من مصير اخر ؟

فعلاً كلامها غير مقنع لكن يبدو انها ماتبغانا نمسك عليها اي شي تجاه صحبتها الجديده مع هؤلاء البنات

ومثل ماذكرت خايفين عليها منهم لانه في ردودهم ع صورها بيمدحو فيها بشكل مبالغ فيه وبيحلفو انهم بيمسحو الصور وهذا الي أغضب اخويه ونسيت ماذكرت اني خبرت اخويه الاصغر منها وغير متزوج وهي تهابه وماقدرت تقوله انها ممكن تروح مع سواقهم او قريبهم تقوله معاك او مع سواقنا
وسواقنا ماتقدر تقوله يوديهم لخوفها انه يقول لأبويه لو شاف البنات يدخنو او دخلو السياره بريحة دخان هذا الي استنتجتوه من كلامها


واعتذر اني مارديت ع اسئلتك
عندها بنتين احياناً تاخذ الصغيره الي عمرها سنتين معاها

تدينها عادي و محافظه ع الصلاه
مالاحظت عليها انه تغير التزامها

حجابها متحجبه بالكامل وماتكشف حتى وجهها طبعاً كشف الوجه مو بإرادتها لأنه هذا شي تربينا عليه
البنات الي معاها بيتلثمو وهي شفتها في الصور معاهم متنقبه

بالنسبه للزواج ذكرت انها انخطبت ورافضه الزواج واذا ألحينا عليها تقول لما يكبرو بناتي ويصلو لسن البلوغ

روح الطير : سألتها امي تعرف من هم صحباتك قالت لا ع بالها المدرسات الي معاها في المدرسه
بس قالت لأخويه وحزنته عليهم انهم لاجئات وكذا
وماكان يعرف انهم بيشيشو






فليكا؛ بعيد عن انه تهمني سمعة أختي
بعيد عن خوفي الشديد ع أختي حبيبتي

أبويه ع طيبته وع اسلوبه معانا في انه معطينا الحريه إلا أنه لو اكتشف انها تمشي مع بنات بيدخلو المقاهي عشان شيشه ودخان أقل شي بيسويه فيها مارح تغادر غرفتها الا للأكل

وحصل قبل سنوات موضوع مشابه لأحد اخواني والله تفاجئنا بردة فعل أبويه

وبعدين مو ناقصها شي مدلعها ابويه مرره

السنه هذي سافرت اسبانيا هي وبناتها ع حسابه لمدة شهر ونص مع اختي وزوجها المقيمين هناك

ليه تكافئه بالتعرف ع بنات مو من مستوى تربيتنا

وانا متأكده حتى لو عرفت اني انا السبب ورى كشف البنات لأخويه بتزعل يوم وترضى اليوم الثاني

كم مره تتخاصم مع وحده من اخواتي لانها تتدخل في خصوصياتها ومستحيل يكملو يوم
مجرد ماتدخل اختي التانيه عليها غرفتها تروح لها جري عند الباب تحضنها
طيبه جداً جداً وهذا الي مخوفنا عليها تعتقد انه البنات مثلها وبطيبتها
بسافر انا من عندهم خلال الايام هذي وعاتبتها قبل شوي اني ماشبعت من جلستها قالت والله لأجيك في بيتك واجلس معاك قد ماتبغي واعترفت انه تعرفها ع البنات سبب وبتعيد النظر في علاقتها فيهم

اختي الكريمة : يقول الله عز وجل في كتابه الكريم.. بسم الله الرحمن الرحيم "وَجَعَلْنَا اللَّيْلَ لِبَاسًا * وَجَعَلْنَا النَّهَارَ مَعَاشًا"، وقوله تعالى: "وَهُوَ الَّذِي جَعَلَ لَكُمْ اللَّيْلَ لِتَسْكُنُوا فِيهِ وَالنَّهَارَ مُبْصِرًا
ان كانت والدتك تشاركم هذه الطريقة فهي عليها تقصير شديد .... لو كانت نومتكم وقومتكم عاديه لما تجرأت اختك على هذه التصرفات نامو معها بالعشرة او الاحدى عشر واصحو الصبح واملو حياتها وسيطرو على من داخل ومن خارج بيتكم ..... اختك ما احس انها تسوي اشياء غلط كبيرة ولكنها هفوات وانبهار بمجتمع وعادات وتقاليد جديدة وما زال امامكم الوقت لتسحبوها لكم من جديد للصواب ...... قلبها الطيب ممكن يخليها تخطأ فخليج معها او ممكن تطلعي انت معها وتشوفي ايش كاعد يصير وبعدها تحكمي

شكراً لك الفلوجه صادقه


حصل شي جديد أخويه لما فتش الجوال كامل مافتش ا السناب لكنه استطاع اخذ الباسبورد الخاص بحسابها في السناب ودخل ع الصور المحفوظه بالرقم السري وهذي خدمه جديده في السناب وسبحان الله ضغط رقم سهل وانفتحت الصور

تفاجأ انه لها صور معاهم وفديوهات لإحتفالهم في استراحه خارج المدينه واخويه متأكد إنه هذي الإستراحه يعرفها لإنه عضو في المركز الصيفي وبحثو عن استراحه للطلاب وهذي الاستراحه من ضمن الي دخلوها

المشكله مو في الإستراحه نفسها المشكله انه الاستراحه خارج المدينه يعني لو لا قدر الله حصل لهم مصيبه مااحد داري عنهم
ليه مااختاروا استراحه داخل المدينه ؟
وبعدين كلامهم معاها في الفديوهات عن امنياتهم في السفر لأسبانيا وكانو يتفرجو معاها ع الصور الي صورتها في اسبانيا
اخويه معصب مررررره يقول ابغى اعرف مين الي وداهم هناك لو يطلع قريبهم والله لأمسح فيه الأرض

انا متفاجأه واختي من يوم ماعرف اخويه تغيرت وما خرجت معاهم وتجلس معانا كثير

أختي بعطيك رأيي حسب الي بعرفو

أختك ان شاء الله ماعندها شي أكثر من الي اكتشفتوه.

لكن السؤال، ليش تخبي؟ لو قالتلكم عندي صديقات جدد كنتو بتمنعوها؟ لو قالت بنروح الاستراحة ونسهر او ننام فيها بتمنعوها؟ ما أظن.. اعتقد ان البنات سيئات لذلك مابدها تعرفو انها تطلع معاهم..

هي تستانس وياهم فقط من باب انهم منفتحات ضحوكات نشيطات فهو من باب التغيير والنشاط.. ما اظن انها حاليا تشاركهم الشيشة او اي شي ثاني، هي تستمتع برفقتهم المسلية..

لكن انتبهي من هالبنات، لاجئات يعني الدول الي جايين منها معروفة.. هدول الناس بناتهم مابيشيشوا اذا كانو محترمات وبنات عيلة.. هم ناس متدينين وأقل ما يقال عنهم محافظين.. الشيشة عندهم مو عادة مثل ما بتصور لنا بعض المسلسلات.. اما تكون عوائل بعيدة عن الدين جدا، أو من طائفة أخرى غير السنة، او بنات سيئات...

اختك ليست معصومة والطلاق لا يعني انها فعلا اصبحت تكره الرجال يمكن تكره الزواج لكن تظل الحاجة الفطرية للجنس الآخر موجودة.. يمكن يجروها للشيشخ، الخمر، المخدرات.. الله يستر

هاابنات الظاهر ماعندهم حدود ولا جدية بالحياة.. لاجئات وفاضيين للشيشة والسهرات؟!

تخافي يجروها لعاداتهم السيئة ، غيرة منهم وحسد! هاذا الشي موجود، البنات السيئات من حسدهم للعفيفات يحاولن الايقاع بهن .. او يضمنو انها ابتليت معاهم فيصبح عندهم مصدر لتمويل تفاهاتهم(اختك)..

فيه بنات كثير تقدر تصاحبهم، على الاقل تكون عيلتهم معروفة ووراهم رجال ماتخافو على اختكم من مرافقتهم.. إما تروح بيتهم او يجو عندها او استراحة بعلم الأهل،، أما هذول السارحات اقطعوها عنهم ولو بالغصب.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم