اخواتي انا الشيخ قالي المسك الاسود او الابيض بس الاسود احسن نتيجته
انا خذيت الابيض
هو مو بودره لا ..زي العطر عادي
والاسود والابيض تلقونهم عند حقين العطو ر والعود وهالاشياء وان مالقيتو

اشترو اي عطر يحتوي عليهم
وعطرو ادهنو كل جسمكم

الشيخ قال انه هالنوع منهم يكره يكره الاسود اكثر

واسفه على التاخير بالاجابه


--------------------

اختي ليل
صدقيني زوجك كويس ..وانسان صبور واحسن بكثير من غيره


انا انصحك تكلمينه بوضوح عن مرضك وتقولين له عطني بس بس 6 شهور الى سنه اصبر علي
وبعدها ان ماتغير الوضع سو الي ببالك

عاد انتي بهالوقت والمهله سوي كل الي قلت لك وراجعي شيخ سنع
وادهني نفسك بزيت مقري عليه وداومي دوامي تكفين

انا اختي زي كذا بعد صار لها .. ولمده 3 اسابيع كل يوم مرتين
تدهن وراح ولله الحمد مع انه بهالاسابيع اشتد وزاد وزاد وتعذبت وبالاخير راح الحمدلله..
عالجي ودوامي تكفين داومي وخليك قويه شخصيه وعندك اصرار وعزم وقوه وثقه عشان تهزمينه
ولاتتضايقين واقري ..واحس بس لو تسوين الي قلت لك بردي السابق كلهم لشهرين
ر اح تتعافين باذن الله ..ولاتخلين بقلبك اي مكان لليأس مهما ازداد الالم وطولت المده ..,
بس خليك قويه لاتخافين منه خليك فيك قوه واستقرار نفسي و..مؤمنه بربي وشفائه ومصره وذات عزيمه ولاتقطعين العلاج ابد ولا يوم اذا قطعتي راحت الفايده سوي الي عليك وشوفي النتائج

وصح نسيت شي
غير مويه زمزم فيه مويه سدر من الشيخ اذا سبحتي اغسلي فيها وبعده زمزم
(ادري تقولين كثير الاشياء الي بسويها بس معليش لازم اذا تبين العلاج
واذا تعودتي اول اسبوع بتحسين وضع طبيعي وماتتثاقلين)

اقري كلامي بردي السابق وتكفين تكفين طبقي
ايه صح كلام اختي الي قبلي اذا قدرتو ..اذا قدرتو غيري بيتك ..انا وانا اسوي العلاج نقلنا(صدفه مو بنيه)
وجا معي للبيت الجديد بس خف وخف وخف مع العلاج والحمدلله ارتحت الحمدلله,

والله يوفقك يااختي.. ولاتنسين اهم شي دعاء ربي بنيه صادقه والمداومه عالدعاء
الله ييسر ك امورك انتي وزوجك

توي اقرا من الاعضاء الحجامه

اذا لها الفايده ومعروف عنها ازاله هالشي
ياختي ليه الانتظار والحلول كلها موجوده

سويها بعد مع الحلول الثانيه
بس ها عند ناس ثقه ومعقمين





وعلى فكره
مهما سويتي علاج وماكانت
نفسك قويه من جوا ومؤمنه بربي ومؤمنه بكلامه
وعندك اصرار وعزيمه ..ماراح يفيد لازم قوه وايمان واصرار

لانه النفسيه لها الـدور كبير وتراه يحاربك بضعف نفسك مهما عالجتي
ترا نص العلاج قوتك من داخل وايمانك واصرارك ..
لاتخلينه يسيطر عليك ابد..سيطرته لما تخافين وتضعفين وتيأسين

الله يسر لك

اختي الغالية / نونو انا

الله يسعدك في حياتك ويجعل الجنة مسكنك في آخرتك

انا والله مااستسلمت لمرضي ابدا لكن لما شفت زوجي يفكر بالزواج خلااااااااااص

حسيت انه مالي قيمة بحياته

لكن إن شاء الله هو صارحني قبل يومين وقال انا بس قلتها كلمة لأني متضايق

وإن شاء الله انك تتعافين ونعيش سوا يارب

والله حسيت بالراحة والعزيمة حتى اكمل علاجي واشفى تماما بإذن المولى عزوجل

اختي الحبيبة انا الآن اشرب ماء زمزم كل يوم مقري عليه (ذوبت ورقة مكتوب فيها الفاتحة بالزعفران)

ومداومة عليها ... وقبل شهرين كنت اتخدم الحبة السوداء ...

وقبل شهر بالضبط استخدمت السدر واغسل جسمي به

وإن شاء الله بروح خلال هاليومين لشيخ معروف دلونا ناس عليه

ولا راح استسلم بإذن الله

وادعيلي يارب يتمم الشفاء قريبا

(وللعلم ترى انا غيرت بيتي الأول اللي تزوجت وسكنت فيه وانا الآن ببيت ثاني لي تقريبا خمس سنوات)

جزاك الله خيرا ياعسل على اهتمامك واثابك الله على حسن ردك وتعاملك بكل الخير


تحياتي

شفاك الله وعافاك وفرج همك أخيتي ..
حافظي على جميع الأوراد والأذكار وقراءة القرآن وبالذات سورة البقرة وحبذا لو تقرئينها يوميا ..
نصيحتي لزوجك أن يكف عن الحرام ومشاهدة الغواني والراقصات بالنت -كما ذكرتِ - واجعليه يستعين بالله معك ويصبر لأن هذا الابتلاء ابتلاكما الله به أنتما معاً ، ولست أنت المبتلاة فقط لذا فلتقويا صلتكما بالله ولتصبرا وتحتسبا ، والفرج قريب بإذن الله الواحد الأحد .