السلام عليكم
بخصوص موضوع تصوير الرجال أتمنى تتأكد منه والمفروض سائلها لحظتها وقول لها ايش هالصور؟
يمكن مصوره المكان اللي انتم فيه للذكرى وبالصدفه صورت رجال
لو فرضنا حسن النيه بموضوع الرجاال وانحلت المشكله الاساسيه اللي ( المفروض ما تغتفر من ناحيتك ) بعدها نجي لمشاكلك البسيطه ونناقشها
توقعي لمشكلتك ان زوجتك مو متقبلتك يا لشكلك او لطبعك وكلها أمور ممكن حلها ان شاءالله
لو كان السبب شكلك ( مو معناها انك قبيح ) بس انت مو الرسمه اللي في بالها الحل بالغ بكشختك و سو رياضه واتعب على بناء جسمك
سفرها دوله اوروبيه حياه جديده وطلعات غريبه حتى الكئيب يستمتع بغرابة الرحلات وينبهر
لو كان لطبعك حاول تتغير وخفف دمك لان الوضع اللي انتم فيه مكهرب ودمه ثقيل ولا تحسسها انك في مشكله كأن تطلب منها شي وهي ما تسويه بالعربي لا تعطيها فرصه انها تقصر معاك يعني خف نفسك من الطلبات وجيب خدامه لان ان حسستها بغلطها في هالمرحله والحاله اللي انتم فيها راح تشعر بالذنب وما راح تطول معاك يعني تنطر شهر وتروح لبيت أهلها وتطلب الطلاق
وحاول تبين لها انك مرغوب ( بطريقه غير مباشره ) يعني اشعل غيرتها ان حست انك راح تروح منها صدقني راح تتولع فيك
والحل بسيط نوع في توبيكات الواتس اب او حط شعر كل يوم في الانستجرام او التويتر كل يوم تحط لك بيتين صدقني تأثير الشعر مدمر ويذوب الحديد والشعر كله نسخ ولصق
استعجل ما عندك وقت متوقع زوجتك تمشي الأمور هالشهرين وبعدها تطلب الطلاق
والله اعلم