أخي الفاضل عندي إحساس قوي إن هاذا الموضو ع خاص بزوجتك الثانية ولا كيف بعض الزوجات لاتتوافق وتندمج مع أسرتها الجديدة لأنها باقي لساتها عروس جديدة وما أخذت عليهم بس لاتشيل هم كلها مسألة وقت وترجع تتعامل معاهم بأحسن مايكون بالنسبة لتعامل بعض الزوجات مع أهالي أزواجهم بهاذي الطريقة
أتوقع لكل فعل توجد ردة فعل يمكن أم زوجها أو أخت زوجها من النو ع إللي مايعجبهم العجب وتلاقيهم يوزوزون على رأس ولدهم بالكلام إما في زوجته أو مدح في فلانة وعلانة
فلانة حلوة وسنعة وياليت كان باقي عندي أخ أو إبن وأزوجه إياها بنت جمال وكمال وماناقصها شئ والتلميح أبلغ من التصريح طيب زوجة ولدهم إذا كانت عارفه أساليبهم بتفرح بجيتهم يعني أنا لي جارة عندها نموذ ج من هالنوعيات أم زوجها ساكنة معاها بالبيت حرمة كبيرة بالسن المهم تشتكي من أم زوجها وتقول أنا ماعمري قصرت معاها بشئ شايلتها شيل بس هيه بكلامها دائما تصغرني قدام زوجي وتشتكي تقول يا أختي تعبت معاها كل ماجت عندي حرمة مسيرة لبيتي وبعد ماتروح الحرمة تقوم أم زوجي توصفها لولدها من ساسها لراسها وكيف شكل لبسها وحركاتها و إيش قالت سوا الحرمة متزوجة أو باقي ماتزوجت وتجلس تزن على راس ولدها تبيه يتزو ج رغم إنه قد تزو ج بنت خالته أخت أمه عنده حرمتين وهية إللي خطبت له بنت أختها وبعد ما تزوج ببنت أختها راحت أمه تسكن عندها في بيتها قامت بنت أختها طردتها من البيت وما قبلتها تسكن عندها ورجعت سكنت عند زوجته الأولى إللي بصراحة شايلتها على كفوف الراحة بالرغم من إنها ماتقربها وكمان أم زوجها كانت سبب بطلاق أختها من زوجها لأنها كانت لها أخت متزوجه من أخو زوجها قامت هاذي الأم وحلفت على ولدها إلا يطلقها ولا تحرم ولدها مدى الحياة وقام الولد وطلقها وعندها ولد عمره 16 سنة وكان معلقها من قبل والسبب أمه يعني هاذي الأم أساءت لزوجة ولدها وسعت في طلاق زوجة ولدها الثاني
إللي هية هاذي المطلقة أخت زوجة ولدها الأول شوف كيف هاذي الزوجة كانت أم زوجها سببا بزواجه عليها وسببا بطلاق أختها من أخو زوجها ومازالت تقوم بحقها رغم ماتفعله بحقها تلك الأم يعني هناك أمهات أزواج يكونوا هما سبب مايحدث لهم من معاملة سيئة
وبعض زوجات الأبناء مايتحملون فتصير لهم ردات فعل ومن أول ردت فعل تصير بينهم يحدث تصادم وكل ما تقابلوا مع بعض يتذكروا هاذا الصدام ويتجدد الصراع في ما بينهم فتجدهم كلن تبغى تثأر لنفسها من الأخرى بأي طريقة وبعدها تتزايد الصراعات ومع الوقت قد تكبر الرقعة أو تصغر
على حسب الأخلاق والتربية .

ونسيت أقول لك ألف مبروك على الزواج الثاني ومنك المال ومنها العيال وحاول تدمجها مع أهلك علشان تاخذ عليهم وياخذون عليها وبالتوفيق إن شاء الله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اخي الفاضل ماكل الزوجات تعبس اذا زاروها اهل زوجها
بل فيه من الزوجات من تفرح بزيارتهم وتحترمهم وتقدرهم
وتعاملهم مثل معاملتها لااهلها وتعامل ام الزوج مثل والدتها
((انا ضد التعميم على كل النساء بل كل يتعامل بأخلاقه وتربيته))

__________________
اللهم اجعل خير عمري آخره و خير عملي خواتمه و خير أيامي يوم ألقاك فيه