نعم افعل مثله وخاصة اننا تونا متزوجين ( اتكلم عن وضعكم ) وهذا اول حمل لزوجتي

وش فهمني فرق الهرمونات والوحام والحمل ؟!

لاعندي رحم ولاعندي دورة ولاعندي هرمونات متقلبة

فمستحيل اني استوعب هذه الامور انه حقيقة وليست دلع منها!!!

اذا تكرر هذا الامر ثلاث اربع مرات ( الحمل الرابع) وقتها اقتنع وخاصة اني ساكون كبرت ونضجت

وش فهمني معنى " انجرحت " ؟!

انا لما اعايرها واهددها بالزواج والايام السوداء ( اللي صدقيني مدري ايش هي ، بس اقول سودا من باب التخويف)
مقصدي اني ابعد عنها الدلع واحمسها

انا احبها واخيراً وجدت ضالتي فيها وخاصة اني طلقت الاولى

اذن الطبخ ليس مهم عندي

ولكن المشكلة تكمن في عدم تصديقي واقتناعي انها من جد ماتقدر تطبخ بسبب ظروف مختلفة مرت بها!

زوجتي رائعه وابغاها تكون كاملة مكملة

ومهما قالت لي او بررت لي فلن اصدقها

او بالاصح سوف لن استوعب كلامها

مالم اسمع نفس شكواها من اصدقائي

او اذا قرأت عن زوجات يعانون من نفس المشكلة ( التجريح والتهديد واثره الخطير على زوجتي اللي انني مش حاسس فيه)

وبعدين تعالو هنا

كيف تريدوني اقتنع

وثلاثة ارباع الكلام اللي كتبته هنا ماكنت ادري عنه ( احساسها - موضوع زيادة كمية الرز البرياني - موضوع الموس - بكاؤها الصامت - وووووو) كيف بالله اعرف كل هذا؟!

انا رجال مش حرمة

وهذه اول زوجة تستمر معي لمدة سبع شهور

فبالله كيف افهم نفسيتها وانا تركيبتي مختلفه عنها

وافسر كل تصرفاتها بمعنى مختلف عن تفسيرها هي لهذه التصرفات

بعدين تعالو هنا

مين ا ل غ ب ي اللي صدق اني راح ابدأ تجربة زواج جديدة وعيد نفس المعاناة من جديد!

هو تهديد لها عشان اشجعها تصير حرمة سنعه مثل امي

وسلامتكم

__________________

اشكر كل من رد علي .. التهديد انعكس سلبي علي يعني كنت متحمسه ومجمعة مواقع طبخ و اخترت الاصناف اللي بطبقها وكل شي بس من هددني يتزوج ومن بدا يجرحني ويهددني بالايام السوده .. وقتها عناد فيه مادخلت المطبخ وحذفت كل اللي مجهزته فقدت حماسي والله ..
و بالنسبة لجواب اخي لماذا نتزوج ...
فعلا الزوج يجهل هذه الامور .. ببداية حملي كنت اقول له هرمونات وكان فيني الم اسفل البطن وكان يقول عادي اشتغلي والخ .. مايسمع النصيحه الا من اهله اذا امه قالت انتبه لزوجتك لاتستخدم المنظفات اللي ريحتها قويه والخ يجي يمنعني عنهم .. وبسبب الالم اللي جاني اهملت البيت يومين وحتى هو منعته من الجماع لأن الم لايطاق ومع هذا جلس يلوم علي وقمت اشتغلت ونظفت وحملت شغلات ثقيله ونزلت الدرج والخ وبعدها تجهزت له ولبيت رغبته بالجماع بس مامضى ساعات الا جاني نزيف و اسعفني وطلعت المشيمة نازله و مهدده بالاجهاض بسبب الجماع وشغل البيت وقتها جلست الوم عليه غصب عني قلت له لو صار له شي ماسامحك قال وانا وششش عرفني بمشاكل الحمل حسبتك تدلعين ومتكاسله تشتغلين والخ ... الواحد يكتشف زوجته ومشاكل حملها من الحمل الاول لان الثالث والرابع ماراح يرحمها وبيقول ليه اول مره تحملين ؟؟ هذا انتوا يالرجال تقلبون مية مره وتبون الحرمه تخدمكم وتجرحون فيها بدون ماتحسون بمشاعرها ؟؟؟ اللي جد يحب زوجته لازم يراعي ظروفها النفسيه والصحيه ولازم يقدر دمعتها ولازم يعطف عليها .. اللي مايقدر على هالشي نصيحه لايتزوج ويعذب بنت الناس معه .. نسيتوا وصية نبينا عليه الصلاة والسلام لكم ؟؟ ((((((((( رفقا بالقوارير )))))))))
____________________________
____________________________

كلام غريب
حتى لو ما يعرف الآلام الحمل. هو بشر في النهاية و يعطف
قلنا فيه اختلاف بين الرجل و المرأة بيكي مو لهالدرجة😷
على العموم اختي
اللي حصل خطاك السوء منه
لعله تنبيه له للرفق بك (أكثر)
و صارحيه بنفورك من رائحة الطبخ. لكنك مستمرة
فلعله يتوقف عن تهديداته و يتفهم الوضع

__________________

انا احس الرجال كلهم بدون قلوب احس حجره مكان القلب .. الحمدلله الذي خلقني انثى مع ان الانثى تتعب اكثر سواء بليلة الدخله و ايام الدوره والحمل والوحام والولاده وشغل البيت ومسؤوليات كبيره ومع هذا الحمدلله الذي جعل فينا العطف والرحمه والحنان والصبر

عزيزتي هل انتي جالسة تبحثين عن حل ام للفضفضة وتنفيس عن الغضب فقط ؟

__________________
سبحان الله وبحمده ، سبحان الله العظيم

الاثنين .. افضفض و ابحث عن حل .. الى الان مانتكلم وماني عارفه وش اسوي اروح لبيت اهلي ولا اجلس ونضل هاجرين بعض .. اجلس معاه و نتكلم ولا لا .. اطلب الطلاق ولا مشكله تافهه ماتسوى ! تعبت من كثر التفكير و الى الان مالقيت الحل المناسب

وصلت الى قناعة ان الزوج لم تلده امك كي يحس بك يبقى غريب لماذا عندما تكون المرأة ابنة نخاف عليها من الهواء الطائر ويفهم في الحمل والهرمونات والتعب اللهم احفظ لي ابي من كل شر وخذ من عمري واعطه عندما نفست في بيت اهلي كان ياخذ الصغير عنده في الليل كي ارتاح ويحضر لي كل يوم السمك لانه مدر للحليب حسب اعتقاده

كل ماطبختي قولي له انا طبخت طبخه لذيييذه تفوق مطاعم 7 نجوم
المهم اشتغلي على مدح طبخك على كل طبخه تطبخينها
لان الايحاء الايجابي ينتقل لزوجك .


وما عليك من كلامه
حتى لو جدع هرجه عليك لاتتحسسين وضحي له ثقتك بنفسك وبطبخك مثلا قولي له يوووه من قالك انه اصلا كذا وكذا
هو ناقص بهاراته لانو اصلا الطبخه كذا
وشغلي الاستعباط بعض الاحيان

يعني لا تقلبينها نكد وكلام جد

السلام عليكم ورحمة الله وبركاته..
برافو ريماس لازم تتعودي عزيزتي عالإيحاءت الإيجابية وهذا سينقل لزوجك، مهما تحدث بسلبية اقل بي حديثه إيجابي
والحمل مؤثر على نفسيتك فلا تصعدي ردات فعلك فوق ما هي متصاعدة بينكما الآن..
كوني واثقة بالأشياء التي أعطاك بها الله..
اجعلي حديثه السلبي يصعدك للأعلى ولا لحسابك ذاتك حينها تكون فقدت إحترامك لنفسك..
جميلة جدا العقبات التي نتعرض لها عزيزتي فلولاها لما سي تعلم الإنسان..
لا تم تمارسي التنفس العميق عشان تسترخي مع لا إله إلا الله سيجعلك أكثر سكينة..
استمتعي بإحساس الأمومة الذي تعيشيه الآن نعمة جميلة جميلة دافئة فلا تسمحي لأحد يحرمك من الإستمتاع بهذه اللحظات..

طالما يسمع كلام امه اشرحي لها الوضع واتركيها تفهمه