بارك الله فيك اختي الغالية وجزاك الله خيرا على دعواتك الطيبة وحرصك ونصيحتك لي اقدرها وأثمنها واكيد ماينصحك إلا اللي يحب الخير لك صراحة لا ادري ماذا اقول لك وكيف اشكرك

يالغالية عل اهتمامك وخوفك على ابنائي بارك الله فيك
واسعدك الله في حياتك وربنا يوفقك ويقر عينك بأطفالك وزوجك
ومن تحبين واطال الله في عمرك وزادك الله خيرا ومحبة

وربنا يحقق لك كل ماتتمنين ويسهل لك كل امورك ويرزقك الحكمة والمعرفة وانار الله بصيرتك لكل خير يارب

ان يجعل كل حياتك سعادة وهناء وراحة وإستقرار اللهم آمين يارب


واعتذر يا اختي فأنا هذا طبع متأصل ومتجذر دائما اسهب في

في مشاركاتي ومن محبتي ومعزتي لإخواتي الاعضاء هنا في المنتدى

اتحدث معاهم بمثل تلك الأمور بل انسى كثير اوقات اتوسع في حديثي عن اسرتي وهذا يحدث غصب عني
حاولت اتغير ولاكن ما استطعت ان اتغير واترك هذا الطبع

والحمدالله انا احصنهم وادعوا الله لهم ان يحفظهم ويصرف عنهم كل شر وكل سوء

وإن شاء الله اني احاول قدر المستطاع تغير طريقة حديثي

واخير اختي الغالية سيدة الموقف احبك في الله واسأل الله ان يجمعني بصحبتك في الجنة مثل ماجمعنا في هذا المكان الرائع
ولك مني جزيل الشكر والإمتنان .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

هلا ام يوسف وانا وين بلاقي له عروسة احلى واجمل من بنتك ولا وين بلاقي له حماة عسل وطيوبة مثل ام يوسف يسعدني ويشرفني ازوجه بنتك بس اخاف بنتك تقول عن ولدي شايب وترفضة ههههههه حبيبتي الله يجزاك خير ويسلمك يالغالية ولك بمثل مادعوتي وحفظ الله لك اطفالك ورزقك برهم وطاعتهم يارب .
بالنسبة لبوسة الركب فهمتها وكمان مسكت اليد شفت مرة ناس يسلمون على بعض بنفس الطريقة اللي ذكرتيها يتصافحون باليدين ومن ثم كل واحد فيهم يبوس يد الثاني مرة هذا يسحب هذا ويبوس والدور بعدها يرجع لثاني فهمتها كلها بس الركبة احسها صعبة وقوية شوية اقول لك ينفع تفتحين لنا موضوع عن العادات والتقاليد في المجتمع يكون مرافق لموضوع الخزعبلات وكل واحد يسطر اللي عنده من عادات وتقاليد تقبلي تحياتي ولا تنسين الموضوع

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

هلا و الله بنت الحكمي ..

موضوع تقبيل القدمين للأم، هذه أول مرة سمعتها من زميلتي .. كانت تحكي لي عن أخوها الكبير
ماشاء الله عنده أولاد و بنات و لازم كل يوم يجلس عند رجول أمه و يبوس رجولها ..

هي ما تخليه، بس هو غصب عنها ..
ولدي جاته فترة يعمل كذا وقت كان عمره 3 سنوات و ما أخليه عشان لا يتعود ..
لإنه كان يروح و يبغى يبوس رجول الشغالة الله يعزك ..

فأنا و أبوه ما كنا نخليه .. مادري من فين متعلمها و كان نفس ولدك تقريبا يعمل ههههه
لحد ما اتوقف ..

بس دام ولدك كبير ماشاء الله و يفهم ، خلاص اتركيه براحته و هو باين إنه فاهم بس لأمه و بس
فلا تشيلي هم أبداً ..

و حلوة خرعك ، ضحكتيني عليها بجد ..

.
.

أنا أشوف للأم و الأب مافيها شي .. اتركيهم براحتهم ..

ميثى ..

سبحان الله كأنك تحكي عني .. أخيراً حسيت إني وحدة من البشر
شككتوني بحالي ..

الصراحة، الكبار في السن مرة .. أنا أبوس يدهم و راسهم ..
ما أعرف ليش ؟ افتكر أبوي و أمي كانوا يعلمونا .. بس الغريبة إني ما أشوف أحد يعملها غيري
من أهلي أقصد ؟

شكلي محافظة عالتراث ..

.
.

و أمي بالفترة الأخيرة و عمتي أخت أبوي ، أنا من حالي صرت أبوس راسهم .. و أحسهم ينبسطوا

و أبوي الله يرحمه كان كذا برضو ..
أول ما نصحى، و وقت يرجع من برة سواءً ظهر و لا ليل .. لازم كلنا نقوم و نبوس يده

.
.

أمي الله يرحمها ، بس إذا جينا نحن من برة ..

هلا و غلا بـ ( ميرة ) ..
لسى الإسم في بالي و عاجبني ..

الحمد لله أموري طيبة و متذبذبة الأوضاع قليلاً ..
و يارب تتعدل الأمور .. بس موت أمي هزني كثير و لازم يجي يوم و أفضفض لكم عاللي صارلي بعدها ..
بس بعد ما تتصلح الأمور ..

.
.

سبحان الله كل دولة و كل مجتمع تختلف عادته عن البقية ,,

افتكر ولدي وقت كنا بالغربة، زوجي قاله يبوس يد جارنا العجوز و زوجته ( انجليز طبعاً ) ..
جارنا ما خلى ولدي يبوس يده ، و اعتبر إنها ( مهانة للطفل ) نفس نظرة أخوي الكبير ..
لا يخلي أحد يبوس يده و لا هو يخلي أولاده يبوسوا يد أحد ..

.
.

بس لاحظي إنهم في الخارج ، ما عندهم ترابط ( أسري ) مثل اللي عندنا ..
لدرجة دار العجزة كأنه ( فندق ) و عادي إنه الواحد يرسل أمه لدار العجزة .. مو مثلنا

ماشاء الله تبارك الله .. ربي يخليهم لك و يحفظهم يارب ..

طيب علمينا إيش السر .. عشان أربي أولادي بنفس طريقتك بنت الحكمي ..
من جد اتكلم .. لإنهم لسى صغار و هذا الوقت اللي أربي فيهم اللي أبغاهم يتعلموه في الكبر ..

بجد .. ربي يحفظهم لك و يفرحك بهم ..

عزيزتي ياسمين ..

معاك حق برضو و وجهة نظرك هي نفس وجهة نظر أخوي ..
لكن الأطفال لو ما علمناهم ، راح يخجلوا في الكبر إنهم يبادروا بها ..

بس لو إنه المحبة تنشرى ..

أمي و أبوي كنت دايم أقبل يدينهم و ما أحس له علاقة بالمحبة ..
لكن بالإحترام و احترام وجودهم و معزتهم ..

و كل مجتمع و له نظرته ^_^

و أنا خلاص استسلمت كمان ..

و مو شرط أعمامه و عماته و أخواله و خالاته ..

يعني أخوي ثالث ثانوي و ولدي يبوس يده ..
لا لا لا خلاص مو لازم ..

بعدين لاحظت على أحد أخواني ، يمد يده مثل أهل أبوي ..
بطريقة كأنه يقول لك ( غصب عنك تبوس يدي ) ..

قلت قبل شوي .. كل دولة و كل مجتمع ( له عاداته و تقاليده ) ..

بس حكاية الركب ..
فكرتيني بالسلطان سليمان القانوني ..
في مسلسل حريم السلطان ..

وقت ينزلوا يبوسوا ( طرف ثوبه ) ..
و هذه عادة كانت عندهم للسلاطين .. ^_^

هلا ياروح وتسلمين على دعواتك يالغالية بالنسبة لسر والله يا اختي هو لاسر ولاشئ ولاكن عليك بالدعاء لأبنائك بعد كل صلاة تصلينها وتدعين لهم انا دعائي لأبنائي بعد كل صلاة اول شئ احمد الله واشكره واثني عليه وادعي بدعاء (اللهم إهدي اولادي واصلحهم واكتب لهم النجاح في حياتهم وعافهم واعف عنهم وأجعلهم من عبادك الصالحين الأخيار وارزقني برهم وطاعتهم في الحياة وبعد الممات اللهم آمين) هذا الدعاء اللي ادعو به وكمان التربية انا اتعامل معاهم بمبدأ ان لا اكون قاسية فأكسر ولا لينة فاعصر خير الأمور الوسط ومن منظوري الشخصي ارى ان التربية والتوجيه يكون من سن الخامسة فما فوق لأن الطفل في هذا الوقت يستوعب وأي معلومة او توجيه يترسخ في ذهنه واي موقف سيئ او جميل تختزنه ذاكرته في هذا السن نعم في السن اللي اصغر من كذا نبتدي نعلمهم الأشياء البسيطة مثل البسملة عند الأكل وقول الحمدالله في حال الشبع وتشميت العاطس والأكل والشرب باليد اليمين يعني نعلمهم اشياء تتناسب مع اعمارهم وفي الخامسة نحببهم في الأشياء اللي نحن نريد من ابنائنا ان يتبعوها طبعا لوبغيتي ولدك تعلمينه على شئ معين وعلمتيه وفهمتيه عليه اتبعي معاه السلوك الجميل المحبب واثني عليه وامدحيه واغدقي عليه من عاطفتك إذا عمل شئ طيب وجميل تظاهري بإنك فرحانه ومبسوطة منه وضميه وبوسيه واسمعيه عبارات المديح والثناء عليه حتى يترسخ الشئ هذا في عقله اهم شئ في التربية الإبتعاد عن القسوة واسلوب الأمر والنهي بطريقة فجة يعني عدم إجبار طفلك على فعل هو لايرغب به بالقوة والغصب كمان التربية الأب والأم فيها يكونون طرفين مهمين فيجب ان تكون الكفة متوازنه يعني تتعاملون بنفس الأسلوب مع الإبن مو واحد يربي وواحد يفسد التربية مثلا انتي تعطين طفلك معلومه وابوه يجي يناقض او يخالف تلك المعلومه تصير إزدواجية في التربية والطفل يصبح تفكيره مشتت ويحتار بينكم

حاليا انا عندي ولدين واحد الحين رايح ثالث متوسط والثاني رايح ثاني متوسط انا وهما مثل الأصدقاء نسولف مع بعض وامزح معاهم واتواصل معاهم بالواتس وبالرسائل رغم إنا في بيت واحد لاكن نتحاور كأصدقاء وليس كأم وابنائها وكمان لو رأيت فيهم شئ يكدر خاطري او اسلوب مايعجبني ارسل لهم رساله على الواتس وكأنها غير موجهة لهم شخصيا ارسلها وكأنها موعظة او قصة او عبارات مؤثرة هم على طول يفهمونها وكمان ما اوجه النقد لهم شخصيا مثلا انت فيك وفيك لا اقول ايش رأيكم باللي يسوي كذا ويقول كذا انا صراحة اللي يحمل هاذي الصفة يزعجني طبعا المقصود يفهمها طبعا إذا كانت السالفة عبارة عن مشكلة كثيرة التكرار اجلس معاهم واناقشهم بكل هدوء والحمدالله كل الأمور طيبة معاهم اهم شئ انك تعامل ابنائك بكل إحترام وتقدير وتحسسهم بقيمتهم واهميتهم عندك هذا إذا بغيتهم هم يحترمونك ويحبونك ويستمعون لكلامك لاتفرض عليهم رأيك بالقوة والغصب لأنه يمكن من خوفهم منك يسمعونك ويطيعونك ونفوسهم غير راضية وغير مقتنعة بكلامك وبمجرد من ان يكبرون ويتحررون ويبتعدون عنك يصيرون ماعاد يهتمون بأمرك اذا بغيت تكسب شخص لابد من ان تحترمه وتحاوره وتناقشه بكل هدوء ماتفرض رأيك فرض عليه اليوم في الوقت الحاضر والجيل الجديد ماعاد صار ينفع في تربيتهم إلا الحوار والنقاش بكل هدوء اما التعامل بالصراخ والضرب والتعنيف ماراح يجيب نتيجة بالعكس إما يخرج لك إبن إنطوائي مهزوز الثقة ويحس بالنقص والخوف ومايقدر يتخذ قراراته بنفسه او يكون قاسي وعنيف ومايتفاهم إلابالقوة والبطش والصراخ

لاكن احسن شئ انك تتعامل بطريقة وسطية الطفل إذا تربى ونشأ وترعرع في بيئة دينية متوازنه ومتفاهمة ومترابطة تربيته بتكون سهلة بإذن تعالى وماراح تتعبين معاه إذا الطفل هذا عاش في بيئة تملؤها طاعة الله عز وجل ويملؤها الحب والتفاهم والمودة والرحمة والإحترام والتقدير والقدوة الحسنة لها دور كبير جدا جدا في التربية الطفل كالصفحة البيضاء نستطيع كتابة مانريد عليها سوى سلبي ام إيجابي .


عاد الله يعينك ياروح فتحت لك محاضرة عن التربية
هههههههههه لاكن ركزي على الدعاء والله انه الدعاء اهم شئ من كل هالكلام وربنا يحفظ لك زوجك واطفالك ويصلحهم ويهديهم ويقر عينك فيهم يارب

همسة في أذنك يالغالية لاتخافين ولا تشيلين هم اولادك انتي كنتي إبنة بارة بأمك ان شاء الله وماتت وهي راضية عنك بإذن الله وأولادك ماراح يختلفوا عنك ابدا بإذن الله وراح يكونون ابناء بررة بإذن الله ولاتنسين كلامي هذا إذا الله امد في اعمارنا إن شاء الله تعالى .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله