اشكر كل من رد علي ودعاء لي. .
انا الان في بيتي وزوجي مسافر واروح الدوام مع سواق و اودي بنتي للروضة. . وبنتي الصغيره اخذها معاي للحضانه. . وزوجي كل يوم يتصل يقول متى بتكلمين امي وتتعتذرين وتقولين لها الحمدلله على السلامة لانها مسويه عمليه ركب. . وانا اصلا ما بي العلاقه تتحسن معاهم لاني اكرهم واتضايق منهم ومايتفع معهم اي شي ..
تبيني اعتذر لها ولاكأنها هي من اخطأ في حقي مستحيل تتنازل ومستحيل تحسن اسلوبها معي ..
ايش اسوي بزوجي مع هالموال...!!
واهلي لاحس ولا خبر ..
ابوي يرسل لي اخوي كل يوم مغرب يجيب معه اغراض لنا ويسألنا اذا محتاجين شي ويروح ..
واليوم مرسل لي رساله ابوي يقول فيه عشاء عندهم بالبيت بكرى ..
وانا مالي خلق اروح و لا ابي اشوف احد ..
هل الي اسويه صح لأني مليت و لا ابي اشوف احد علما اني اطلع لأجتماعات صديقاتي .. ولاكن اهلي ومجتمعي صرت اكرهه اروح واطلع معهم والسبب هو تعامل امي معي امامهم ولا تجعل لحياتي خصوصية امامهم فهي تقول وتتكلم عني وعن حياتي وهذا شي يضايقني .. مع اني سبق وافهمها واشرح لها واقولها من غير فايده تعصب علي وتقول ما بقى الا انتي تعلميني ...
وزوجي اهلي واهلي مع انه هو واخواته واخوه مايعرفون اهلهم ولا يزرونهم وقاطعين بأهلهم لدرجه وحده من خواته لما قالو لها هذولي عماتك سلمي عليهم قالت انا مالي عمات!!! .رغم انهم طيبين جدآ وكافين خيرهم وشرهم حتى ايام وهم صغار كانو عايشين في جده ويرفضون يرجعون مع ابوهم عند اهلهم .. والسبب امهم تمنعهم ولا فيه مشاكل لاكن سلطه منها..
.وانا عمري ما منعت بناتي من اهلهم اخليهم يروحون وقت مايبي ..
وانا يجبرني اروح لهم ما ابي .. لاتقولون عشان امورك تستقر مع زوجك سويت اشياء كثيرة لرضاه وللاسقرار حياتي معاه ولاكن ماينفع معاه ابسط شكوى من اهله يقلب الدنياء علي ..
عادي عنده يخطون علي ولازم انا اعتذر لاكن ماتقطعين علاقتك بأهلي ..
مااحس بأمان بحياتي معاه افكر في المستقبل كثير وكيف اقدر استقل بحياتي لانه ليس ضمان بالنسبة لي..
احس اني ضايعة ومافي احد جنبي ..
معلومه هذا غير تحريض امه للزواج علي..
ولا يهمني كل الي يسونه..
وصلت لمرحلة انه لازم افكر بنفسي وبناتي وبس ..
ايش اسوي برايكم

نسأل الله لك صلاح الحال ...

عارفه نفسيتك تعبانه مررره من اهلك وزوجك واهله
دقي على امه وكلميها وتحمدي لها بالسلامه امشي حبه حبه عشان تكسبين زوجك هذا كله مصلحتك ممكن تسمعين منها كلام يضايقك خليك ماكانك سامعه شي شوفي بعدها وش بيصير ممكن بعد ما ترد عليك دقي مرتين اذا ما ردت ارسلي رساله
بعدها عطيني زوجك خبر
واهلك خوذي لك صينيه حلا روحي لهم خليك عادي ماعليك من كلام احد عشان خاطر ابوك اي احد يتكلم عليك وقفيه عند حده
الله يسخر لك زوجك

__________________
كُل خيانـہ لـم تكن صدفـہ بل تم الأستعداد لها من قبل وبكل دقـہ...! 💔

لو تسمعي مني
اذا رجع زوجك اتصل و قالك بتروحي لامي
قولي له لما ترجع بروح معاك
و ما دام مسوية عملية روحي تحمديلها بالسلامة مع زوجك رجلك علي رجله
اجلسي معاه و اطلعي معاه حتي لو رموا كلمة طنشي و احتسبيه اجر زيارة مريض
و اهلك نفس الشيئ لا تقطعيهم و تجافيهم زوري و خففي الزيارة
بعدك باول حياتك و بتجني ثمرة صبرك ان طال الزمن او قصر.

__________________

الله يكون في عونك
حط في بالك مافي شي يدوم ولا أحد بدايم ومستحيل تعيشين حياة مضمونة نهائي
ما أقول هالشي من باب التشائم على العكس علشان تنظرين للأبعاد والسنين الجاية

علاقتك بأمك وخواتك و أهل زوجك متجه لمسار مجهول يخوّف
انت لا تفكرين بوضعك الحالي وانا وبناتي وببعد ، حاولي تكسبين زوجك والاحظ الحاحه
عليك من ناحية الاعتذار ما راح ينتهي ابد ، لا تضغطين الموقف وينفجر بمشكلة أعمق
انت في غنى عنها وخصوصا الآن وانت بنفسية تعبانة.

ابدي بالاعتذار وتحمدي لها بالسلامه على عمليتها
وبعده انت حددي وارسمي علاقتك معهم من جديد
دامك عارفه ان اسلوبهم كذا وماراح يتغير ، خففي زياراتك ، تجاهلي تلميحاتهم ، لا تسمحين
لهم يغلطون عليك.
اوقف عند اشياء وغض الطرف عن بعضها

لو زوجك شخصيته غير او ظروفك غير، كان بقولك ما انت مضطرة ابد بس انت في منطقة حساسة جدا.

بالنسبة لأمك ، اعرف انه ابتلاء وعليك بالصبر وحاولي تكسبينها ، ولابد يجي في البيت
من البنات او الشباب شخص يأثر فيها وتسمع وتأخذ برايه، استغلي هالنقطه ان وجدت.
مدري وش مضمون الكلام اللي تردده قدام الناس ، بس انت انفيه بهدوء او تجاهليه
وفي أثناء زيارتك لهم، لا تشكين لها بالعكس امدحي وانه صارت تغيرات في حياتك
لين ما تلقى شي تحكي فيه يضايقك. اذا مضايقك شي احكي لشخص يفهمك ويحفظ همك
لا تردين عزيمة ابوك ، روحي وانت مستعدة لبداية جديدة

الله يفرج همك ويسخر لك زوجك

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

يابنت الحلال أحيانا المريض ينجبر يشرب دوا شديد المرارة لأجل الشفاء والشافي الله،،

كذلك في حياتنا أحيانا ننجبر على تجرع المُر بفعل بعض الأمور من أجل صلاح الحال..

اسمعي كلام موت النخيل.. وأضيف عليه لا تشكين أهل زوجك لزوجك،ترى ماراح يسمع فيهم..

اختي حاولي ماتعلمين اهلك بمشاكلك مع زوجك لجيتيهم او بيني لهم انك مبسوطه عشاان تسكت امك عنك يمكن هي تتضايق ماتبيك تطلقين والاغلب كذا بس ردت فعل امك كذا حاولي تحسنين علاقتك بالهل زًوجك من اجل مصلحتك حاولي تحتوين زوجك انا اشوف اذا مقضي لك وموفر لك بيت ينصبر عليه وش تسًوين انا انصحك وانا بهم مايعلم فيه الا الله
الله يسعدك ويبدل احوالك للاحسن

__________________
استغفر الله واتوب اليه..دعواتكم لي

الله يعينج و يفرج همج ويصبرج

بقولج كلام ومااقصد أبدا انج قصرتي او سويتي أشياء غلط .
شوفي حبيبتي

أحيانا تواجهنا مشاكل مع الناس و نحاول بكل الطرق انها تنحل لكن ما تنحل .
نحاول نفهم ازواجنا وجه نظرنا .. لكن ما توصلهم او توصلهم لكن ما في شي يتغير
نواجه مشاكل مع اهالينا .. أهل ازواجنا .. صديقاتنا
و وننتظر يفهمون غلطهم و يتغيرون

لكن ما بيتغيرون الا بطريقة وحده وهي مفتاح الحل و باذن الله سبب لراحتج النفسية .
الطريقة

انتي اللي تغيرين تعاملج

الاسلوب اللي مشيتي عليه ما جاب نتيجة .. خلاص غيريه .
وبيكون صعب شوي لانج مب متعودة بالاضافة لانج اطبقين أسلوب ممكن ما تكونين مقتنعه فيه 100% .

رأيي والله أعلم ...
تعاملي في حياتج على انج صاحبة القرار .. مااقصد عناد وضرابه ..لا
عجبتني طلعتج من بيت اوبج و تفكيرج بنفسج و بناتج

بالنسبة لأهل زوجج ...
أمه اتصلي فيها تحمديلها بالسلامة و خليج مرحة مب كانج تتكلمين بالغصب و بنفس الوقت رسمية .
خل لهجتج بالكلام توضح انج سعيدة .
ان حاولت تستفزج وتذكر مواقف و تهين ... قوليلها كلام يصكر الموضوع ويبين انه مب مأثر فيج الكلام او ماخذ من تفكيرج .. مثلا : حصل خير .. سهلة .. ربي ييسر .. مافي بيت يخلى من المشاكل ...الخ
او لو زودتها فجأة اقطعي كلامها و قوليلها بنتي خاطرها تكلمج كانت تسأل عنج و عطي بنتج السماعه .

هذا لو فتحت مواضيع اما انتي لاتفتحين شي و لا تناقشين .. لانه ما في نتيجة غير انج تكبرين الجروح .

زوجج ..
لما يرجع من السفر . خليج عادية معاه ووضحيله من تصرفاتج انج مرتاحة بحساتج ومب شاله هم .
وقوليله .. اوه كلمت امك و بنتك تسحب التلفون الا تكلم جدتها .. قولي السالفة بتلقائية . و اذا قال اعتذرتي .. قولي تراني كلمتها والحمدلله الامور طيبة . و الحمدلله صحتها تمام
ان زودها وتم على راسج .. قوليله اش فيك الامور تمام وشو رايك ناخذ هدية ونروح لها .

لاتعطيه جواب واضح . انج مااعتذرتي . لفي ودوري
فهمتي شو اقصد انتي صاحبة القرار
خذي حقج وسوي اللي تبينه بأسلوب يضمن حقوقج .

أهلج

شوفي ما في أحن عليج منهم وان قسوا
تحملي يااختي
سوي شي او خذيلج شي من برع .. و لبسي وكشخي وادخلي عندهم بثقة ونفسية حلوة وان كانت مصطنعه .
و خليهم يفهمون من كلامج او هيئتج انج مرتاحة في بيتج .
و اتبعي اسلوب الجواب المختصر المبهم .
لاتخلين حد يعرف تفاصيل حياتج .
امج مثلا سبت او عايرت بطلعتج من البيت .. قولي ترا كل اغراضي هناك فاريح لي .
او اي شي تسكتين السالفة .
حبيبتي حتى لو تضحكين من برع قلبج وتقولين الحمدلله بناتي مالين علي حياتي او فديتها فلانه طول الوقت تسأل عن أبوها ما هانت علي .

اهم شي لا تعطين معلومات .. حاولي ما تتأثرين .. لا تناقشين .. لا تجادلين ..
لانج ما بتطلعين بنتيجة غير نفسية مدمرة .

و لا تمين مبوزة و داقه حزن .. خلج وسط يااقلبي
فالبداية مثلي الدور لكن باذن الله مع الوقت تتقنينه وترتاحين من التدخلات .
و من الدق بالكلام . و بيصير تفكيرج ايجابي و شوي شوي تنسين هالمشاكل .

اهتمي بنفسج و بناتج . اهتمي بتفاصيل كنتي غايبة عنها
حطي لج ورد من القران .. سوي حمام زيت لج وللبنات .. العبي معاهم و ابتكروا اشيا حلوة من تسريحات او لبس لون موحد .. اطبخي شي جديد .. ..الخ

اخر شي يا في بالي
هو انه تشغلين سورة البقرة في البيت و ترقين نفسج و زوجج و البنات . و فيه طريقة كتبها رجل الرجال بتلاقينها في قسم العلاقات الاجتماعية

هذا اللي عندي
واتمنى لو حد عنده رد معارض يكتبه .. مابا الحرمة تتورط بردي .

مجروحة هل وظيفتك مريحتك ماديًا ؟
سبحان الله الوظيفة بالنسبة للشخص استقرار وأمان ، ياكثر اللي اعرفهم بعد ما يتوظفون يرتاحون ويرضون ع حياتهم ويعيشون بشكل طبيعي ..

الحمدلله ربي رزقك الصحة ورزقك الوظيفة ورزقك الذرية الطبيعية .. الحمدلله اشكري ربي على هذي النعمة .. ولابد من المنغصات هذي الدنيا .

ولو أنا بمكانك بصراحة بدق .. ولاا يهمني
اول كنت اكل بنفسي واضيق خلقي واكتم ويضيق صدري .. بس الحين مطنننننشة ولا يهموني الناس

وعادي بكلمها جوال واقعد اكش ع السماعة براحتي واكشر براحتي 😂 هي كلها دقيقة حمدلله ع سلامتك ماتشوفين شر ..
ولو انا منك بدخل بعيونهم بروح مغربية واخذ معي بوكيه ورد او صينية تشوكلت واكشخ واكشخ بناتي واروح لهم ..
اكيد بيكون عندها ضيوف ومستحيل تقط لك كلمة روحي نص ساعة وتلييوقي معها واطلعي وارسلي لزوجك رسالة انو عشانك اغلى شخص عندي اخذت اكبر بوكيه ورحت ازور اهلك انا وبناتي ورضاك اهم شيء عندي وبلا بلا بلا

واهلك بعد سايسيهم ، تقولين امك تنشر حياتك خلاص بطلي تتكلمين
بطلي تنامين عندهم .. روحي زيارة خفيفة مغربية او عشاء وارجعي بدري ..
اضغطي ع نفسك لانهم اهلك ورضاهم عليك اهم من رضا اهل زوجك عليك

خلي حياتك كلها مسايسة ..

وعارفة انه مب هذا اللي تبين تسمعينه بس هذا الحل برأيي لانك جربتي تتصادمين مع زوجك ومع اهله ومع اهلك ولا استفدتي .. فجربي المسايس والذكاء الاجتماعي

اذا أم زوجك عندها واتس اب ارسلي لها وتحمدي لها بالسلامه أو اتصلي عليها ..هي كلها دقيقه وخلاص, والزيارات لأهل زوجك خليها دايماً مع زوجك اتزوروهم وتجلسي معاه وتخرجي معاه اذا انتي ويا زوجك مااحد راح يقدر يتكلم عليك وهو موجود.
وأهلك روحي العزيمه وانتي كاشخه ومجهزة بناتك وملبستهم ملابس حلوة وخلك واثقة وتضحكي ولا تجيبي طاري حياتك عندهم لا بخير ولا شر أبداً واذا سألوك قولي الحمدلله وغيري الموضوع.
حاولي انك ماتكثري زيارات لهم وخليك غامضة لاتجيبي طاري زوجك او حياتك لا لأهل زوجك ولا لأهلك.
اطلعي لصديقاتك أكثر واننشغلي بهواياتك في البيت ودائماً شغلي القرآن لتهدئة النفوس ..
زوجك الحين بعد هالمشاكل عرفتي ان مالك سند غيره لك ولبناتك مع اني ماافضل تقولي له أبداً عن اللي سووه أهلك. عشان كذا سايسيه في الكلام وطيعي أوامره وحاولي يكون مرتاح في بيته..ايضاً حاولي تتدخري من الراتب واشتري لك أي شيء ملك سواء ارض او شقة تكون امان لك ماتدري وش يصير في المستقبل..