صباح الخير ع الجميييع .. قبل كم يوم زوجي باع سيارته بمبلغ طيب ولله الحمد .. وانا افكر اطلب منه مبلغ بسيط يكون خاص فيا .. طبعا جبتها امس له بمزحه ولاحظت من كلامه انه رافض وقالي ماحتطولي ولا ريال من فلوس السياره ( مع العلم انه راح يدي امه مبلغ معين منها ) طبعا انا ما اعترض على دا الشي بالعكس دي امه و من حقه يديها الي تبغاه منه ولا قلتله حتى ليش تديها او ما تديها .. بس قلتله قد ماحتدي امك المفروض تعطيني انا برضو زوجتك .. امك موظفه وماشاء الله راتبها حتى احسن من راتبي يعني بالمقابل انا وهي موظفات .. نفسي اصر ع الموضوع دا بس والله مالي خلق وجع راس ومشاكل ابغاها بطيب نفس .. يعني ماشاء الله وضعنا المادي جيد وبالرغم من دا من يوم توظفت وانا بساعده في البيت ولا عندي اعتراض لهذا وراضيه .. لكن بدأت اشوف الان انه بيرفع يده من جميع التزاماتي .. لدرجة فرح اختي الشهر الجي كل التزامات الفرح خلاها عليا .. وطبعا الموضوع دا مكلف علينا احنا الحريم وخاصتا انه فرح اختي ( فستان وكعب والصالون والطقم ووو )كلفني 5000 رغم انه هو الزوج المفروض يتكفل بهذه الامور وانا ممكن كزوجه اساعده ..انا سكت .. والان طبعا انا حامل مصاريف البيبي كلها خلاها علي قالي 7 الاف للبيبي قلت طيب .. واكيد على رمضان قلتله لازم شغاله لاني موظفه وحكون في الشهور الاخيره قالي اوك نص راتبها عليكي قلت ماشي زي كدا اساعده عادي .. الان يقولي نبغى نسافر وادفعي 11 الف وانا حدفع 4 الاف .. هنا انا ترددت لدرجة حتى لما نروح مطعم يقولي الفاتوره عليكي ولا نص انا ونص انتي .. وخاصتا ماما قالتلي لاتكوني على اي شي بتدفعي راح يتعود وكل شي خاص فيكي بيكون عليكي حاسه اني مخنووووقه راتبي كله بيروح عليه وعلى المصاريف ابغى اهتم بنفسي مثل ماكنت زمان اروح الصاونات واهتم ع حالي بالذات مع الحمل الوحده تحتاج تهتم .. يعني ايش دا الحمد لله محنا عايشين بفقر وراتبه كويس وماسك منصب قيادي بشركه ومهما كانت التزاماته وصبرت معاه المفروض يعوضني لو جاته الي مبلغ .. فعشان كدا قلت لازم اصر ع مبلغ يديني هو اشوف حالي مع الحمل او بعد الولاده ابدا مايصير كدا .. ماعندي اعتراض ع المساعده مثل موضوع نص راتب لشغاله اوقات نروح مطعم من عندي اقوله انا عازمتك .. مثلا لو فرح اخت يديني مبلغ ولو ماكفى انا اكمل الباقي .. مثلا لابيبي يديين مبلغ ولول مكفت انا اكمل كدا عادي .. بس كل التزاماتي والتزامات البيبي عليا كثييير عليا والله .. وراتبي ترا شي بسيط جدا .. وهو بيصرف على امه كمان شهريا ولا عندي مشكله بس احس المفروض يوزن الامور ويعدل بالمقابل انا وهي كلنا موظفات احس من حقي اطلبه ويديني لو الشي البسيط ارفه عن نفسي واشتري حاجاتي الناقصه .. |
والحل اختي مهره ؟؟؟
هدفي هو انه يشيل مصاريفي الاساسيه ومصاريف كسوة البيبي الي بالطريق فقط .. بس لما عرفت انه في فلوس السياره ويقولي فوق هدا انت قضي لنفسك و لولدك ؟؟ جــدا غلط صح ولا نظرتي للأمور خاطئه ؟؟ |
ايش الي عزي نفسك ؟؟ ليش انا اطلب من واحد غريب ؟؟؟ لا طبعا للاسف كلامك غير مقنع
تفكير الزوجات معلق فقط على جيب الرجل ؟؟؟ طيب ليش الازواج تفكيرهم معلق على راتب الموظفه وانها لازم تساعده لو احتاج ؟؟؟ ليش مانقول لازم الرجال يعز نفسه ومايطلب المساعده من زوجته ؟؟؟ هو تكرمه وهو يكرمها لانه كل واحد شريك الثاني بالحياه .. مافي شي اسمو يعز نفسه عن فلوسي واعز نفسي عن فلوسه الموضوع شراكه انا زوجي على عيني وراسي واساعده طالما انا موظفه وما اخليه يحتاج لاحد من برا .. بالمقابل هو واجب عليه يمسك مصاريفي الاساسيه .. يعني اعز نفسي واصرف على نفسي وولدي ؟؟ وتكاليف فرح اختي هو يحق له يدفع وليس انا .. يحق له يحددلي مبلغ معين ويقولي على هدا المبلغ قضي للفرح .. ماراح اهاجمه ولا اكله بقشوره .. لكن انا مايحق لي ان اصرف تكاليف فرح اختي من جيبي .. تكلم بمنطق |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|