اختي
الرجال عداب
اسمعي لنصيحة اختنا روح الطير
الزواج موحب وبس
هو مسؤلية وتضحية منشان الجانب الاخر
زوجك ضامن حبك ليه وعلشان كده بدا يثقل عليك
نصيحتي ليك شوفي نفسك واهتمي فيها
ولا تظلمين حالك

__________________

-أسأل الله أن يعوضك خيراً عن الجنين الذي فقدته، ويجعله شفيعاً لك يوم القيامة.
-الرجل أخطأ في تركه لأولاده من الزوجة الأولى، وعدم رؤيتهم. بل الواجب هو العدل. وهؤلاء أمانة في عنقه بغض النظر عن أمهم.
-زوجك اعتمد على ولده الأكبر لتحمل مسؤولية البيت الأول.
-الرجل أخطأ في عدم تواصله معك خصوصاً خلال هذه الفترة التي تكون المرأة أشد حاجة لحنانه واهتمامه.
-أفسّر تصرفه هذا بمحاولة التنصل والتخفف من السمؤوليات، وعدم حبه للارتباط.
-أرسلي له رساله بها عتب لطيف مع إيضاح حاجتك له. ثم إذا أجاب برسالة أو اتصل وضحي له ما تحتاجه المرأة النفاس خلال هذه الأيام من أغراض ومستلزمات.
إذا قال: اجعلي أهلك يحضرونها...قولي له: أنا تحت ولايتك الآن وأنت مسؤوول عني أمام الله...إذا قال: ليس عندي مال....قولي له: تصرف، فأنت الشهم الكريم...ثم قولي له: متى أنتظرك لزيارتي؟.
اخلطي هذه الحديث معه بكلمات معسولة.
-إذا أردت الشيء منه فاطلبيه بشكل شفهي، أو عن طريق رسالة هاتفية قبل الشيء بمدة. مثلاً: تريدين السوق يوم الخميس. أخبريه عن رغبتك للذهاب للسوق يوم الأحد حتى يتهيأ نفسياً وماديا لذلك.
-استخدمي ذكاء النساء في الطلب من هذا الرجل.
:::
الأخت الكريمة/ CILA أم جابر
لا بأس أن ترسلي الرد، والخيار مفتوح لك.
أسأل الله أن يصلح لها حياتها مع زوجها.
فقط تذكرونا بالدعاء.
:::
أخوكم في الله/ حاتم بن أحمد-الرياض

أختاي روح الطير وهمس2009:صراحه نبهتوني اني مهضومة الحقوق وهذا موصحيح 100بالميه الا مليون بالميه صحيييييييييح من قريت ردودكم أمس الى الان وأنا أفكروعرفة اني مهضومة الحقوق بسببي أنا وتدليعي له أخاف يطير من يديني او يروح لضرتي والسبب الاساسي كل من طالبته بحقوقي قال أنا متزوج ادور الراحه وزدت تعبي وهمومي معك فاسكت وأقول يابنت وش لك بالمشاكل أهلك أغنياء ويودونك ويجيبوك وهم يقولون لي لاثقلين عليه ويشجعوني على تدليعه وأني ادور راحه وخصوصآ الوالدة يقولون يوم خطبك وهو يقول ادور الراحه ابي حرمه تريحني تصدقون عاد أني ماأحسبه ابد ولا اعاتبه ابد ولو حاسبته يطلع ويخليني او يوديني لهلي

ولي قالت مايحب زوجته ولا اولاده ولا زوجته الثانيه بس هو يدور راحته وسعادته هي صااادقه تذكرت موقف حصل لي
هو مايروح لعياله كوجبه اساسيه الا يوم بالاسبوع او يومين يروح يتغدا ويغسل يديه وعلى طول يطلع ويجي لمي ينام الظهراذا صرت موجوده بالبيت واذا كنت برا دق علي قال ابمرك ودي انام معك وهذي الحركه ادري قهر لحرمته الاولى انه بس يجي يتغدى ويخرج مايجلس معهم ولا ينام معها والله العالم ان زوجته الولا كانت تقهره بالجنس مثل قصة أختنا القادم أجمل وهذا استنتاجي أنا بعد قراتي لقصتها لانه دايم التهرب من بيته الأول بس يروح ياكل ولا يودي أغراض ولاينام عندهم بالليل واذا طلعوا العيال للمدارس جاء للبيتي سوا أنا فيه او لا يجي ينام
المهم مره تغدى وجاء لمي وكنت أخر حلاوه وبيتي مرتب وريحته تفوح عطور وغرفة النوم تفتح النفس كنت مجهزه ابتكلم معه عن حق من حقوقي جاء وستقبلته عند الباب وسلمت عليه قال الله على النظافه والريحه
قلت بنفسي الحمدلله راضي اقدر اتكلم معه دخل غرفة النوم وانسدح على السرير جيت بجنبه قلت ابوفلان ودي اتكلم معك قال هاتي ماعندك يوم بديت اتكلم ودرا اني ابتكلم عن حقوق حب يضيع السالفه قال اللحين مخلي عيالي ولاجلست معهم جاي ابستانس معك وأنام معك وانتي تتنكدين علي ((وهنا مربط الفرس يدري أني ماأحب انكد عليه وأحب اريحه ويدري أن نقطة ضعفي بيته الأول))سكت وقلت خلاص مانكد عليك حصل اللي يبيه وخلاني أنام وخرج يوم قمت حسيت بضيقه مايعلمها الا الله وحسيت بالظلم وحسيت اني مهضومة الحقوق كلمت استشاريه وقلت لها على الموقف قالت
لو مايحبك ماجاء لك وترك اولاده
وممارس الجنس الا انه يرتاح معك
وزوجك باين انه تزوج يدور الراحه فريحيه
المهم يوم قلتوا لي انه اهم ماعليه نفسه تذكرت هالموقف ودي بحل كيف اريحه واخذ حقوقي ردو يارجااااال؟؟؟

أخي البليغ وفقك الله: بديت امشي على اللي قلت لي اول شي المعرف قلت للاداره تغيره ورفضوا لسبب كثرة تغير المعرفات
الجمله اللي كتبت لي بديت ارددها من أمس بنسبه لزوجي كلم علي أمس وقال لي ان الايام اللي فاتت كان يمر بظروف صعبه وانه تعبان وأنا ادري بس تبرير مو صادق لان كل مره يسوي بي كذا وبعدين يندم ويبرر بتعبه وبعدين ارسل لي رساله شوق المهم كلمني أمس 4مرات واليوم الساعه 7 ونص دق علي وقال ابجي اتقهوا معك وجاء وتقهوا ولا كان شي صار وكلمات غزل ودلع وقال أنا مشتاق لك وترا جلسك عند اهلك بس 10 ايام لاني بحاجك
طلع مني وأحس بقهر منه يزعل على كيفه يرضى على كيفه يبي يمشيني على كيفه يبي حقوقه كامله قسم بالله من طلع مني وأنا ابموت من التفكير من القهر ودي بحل ودي اوقفه عند حده بس ابي بحكمه وبذوق كيف اوصل له انه مقصر لااستغني عنك اخي البليغ واختاي روح الطير وهمس2009بديتوا معي المشوار انهوه معي الله يوفقكم

*لا أجد إلا أن أقول لكِ استمري في طلب حقوقك منه بدون إفراط أو تفريط، مع استخدام الذكاء والحكمة.
*مثلاً: مهّدي له قبل أي طلب بليلة أو ليلتين مع استخدام الكلام المعسول.
*وضّحي له بأسلوب أنثوي أنك بحاجة له، و إلى مساندته، و إلى دعمه كي تتفاخري به أمام الناس وأمام أهلك.

لم يعجبني ردك لانك لم ترد على استفساري معليش أخي البليغ لاتزعل علي بس انت بديت معي ابي تنهيهه معي
ابي رد يوقف استهتاره فيني يسوي الشي وبعدين مكان شي صار ويشوف حرمه مسالمه ماتقول شي وأنا بداخلي ناااااااااااااااااااااااااااااااااااااااار

أختي الكريمة/
ما هو المطلوب إذن بالضبط؟
حددي الأمر تماماً

عزيزتي ،،

بأتكلم بكل صراحة ، و مثل ماقلنا لك إنه لك حقوق ..
فلا ننسى إنه مانطالب حقوقنا على حساب حقوق الاخرين ..

و راح أقتبس بعض اللي لفت انتباهي .. و اعتذر إن أزعجتكك ..

1 -

اقتباس:

مهضومة الحقوق بسببي أنا وتدليعي له أخاف يطير من يديني او يروح لضرتي

حبيبتي ..

هل معنى هذا إنه تقصيره مع عائلته بسبب محاولتك لإستمالته لك ؟
ترى إذا بيظلم أولاده عشانك أو عشان نفسه ، فراح يجي يوم و يظلمك ..

ما أعرف إذا كان عندك أطفال أو لأ ؟
لكن ولدي اللي من لحمي و دمي إذا ما أشفقت عليه ، فمستحيييييييل أشفق على غيره

هذه نظرتي و يمكن تخطئ عند البعض ..

اللي فهمته هنا ، إنك تنازلتي عن حقوقك و عن كل شئ ( عشان هدف ) ..
يعني ( يتمسكن لحد ما يتمكن ) ..

ما أعرف ؟ كيف راح ننصحك الان بالمطالبة بحقوقك و إنت رضيتي به و رضيتي بالأمر هذا من البداية

إنت هدفك - مثل ما فهمت من البداية - إنك تكسبيه لطرفك و تبعديه عن زوجته ..
و إنه ما يروح لها ،، و ما كان هدفك من البداية إنك تكون لك حقوق ..

و الهدف تبعك ( تحقق ) ..
بس شكله السحر بدأ ينقلب على الساحر ، و كأنك بدأتي إنت الي توقعي و يوم شفتيه بدأ يبعد عنك
وقت مرضك و حاجتك له ( بدأ الخوف يدخل لقلبك ، إنه بيرجع لبيته الأول و لأولاده ؟ )

هذا اللي فهمته من الحكاية كلها ..

.
.

2 -

اقتباس:

أهلك أغنياء ويودونك ويجيبوك وهم يقولون لي لاثقلين عليه ويشجعوني على تدليعه وأني ادور راحه وخصوصآ الوالدة يقولون يوم خطبك وهو يقول ادور الراحه ابي حرمه تريحني

حبيبتي ..

اللي فهمته دحين إنه أهلك راضيين بالأمر و متقبلين الشئ هذا من قبل زواجكم و من يوم تقدم لك
يعني إنتوا رضيتوا بالشرط ، إنه يبغى حرمة تريحه و ما يبغى وجع راس و أمك و أهلك و إنت ،،
كلكم راضيين

طيب نحن إيش بيدنا نعمل ؟
كل الأطراف راضيين .. و فجأة تجي تقلبي على زوجك ؟

لو إنه زوجك تقدم من البداية على إنه يبغى زوجة يعيش معها مثل بقية الأزواج
ثم بدأ بالتقصير و الإهمال ،، كنا قلنا لك مثل ما قلنا في البداية ..

إنه لك حقوق و ليه ساكتة عنها ..

بس إنت و أهلك و هو من البداية راضييين بالأمر ..
و هذا سبب زواجه و إنت تعرفي الشئ هذا ، و سامحيني إذا كلامي زعلك

بس يمكن كلامنا راح يضرك أكثر مما يفيدك ؟

يعني دام أهلك راضيين و أمك كمان ، فخلاص .. إذا بيوم من الأيام تضايقوا ..
فلك الحق إنك تقولي لهم، إنتوا من البداية سكتوا و قلتوا لي أسكت و أرضى بالأمر

بس نجي دحين نحاسب زوجك على شئ إنتوا كلكم متفقين عليه ؟
ما يصيييييير ..

.
.

3 -

اقتباس:

هو مايروح لعياله كوجبه اساسيه الا يوم بالاسبوع او يومين يروح يتغدا ويغسل يديه وعلى طول يطلع ويجي لمي ينام الظهراذا صرت موجوده بالبيت واذا كنت برا دق علي قال ابمرك ودي انام معك وهذي الحركه ادري قهر لحرمته الاولى انه بس يجي يتغدى ويخرج مايجلس معهم ولا ينام معها والله العالم ان زوجته الولا كانت تقهره بالجنس

حبيبتي ..

إذا زوجك جاء يوم القيامة و نصفه مائل ، هل راح يقول لربنا العذر هذا ؟؟؟

هل هذا سبب أو تبرير له للتقصير بحقوق أطفاله و زوجته ؟

هل الحياة الزوجية تقتصر فقططططططط - بالفراش - ؟؟؟؟
مثل ما عمل معاك ؟ يوم تعبتي في المستشفى ، صرتي خلاص ما تنفعي ؟؟؟

ما أعرف ؟
أية نظرة ينظر بها هذا الرجل للنساء و للحياة الزوجية ؟؟؟

أطفاله مين يربيهم إذا يشوفهم مرة في الأسبوع ؟؟؟
و يروح كان بس عشان ياكل و يغسل يده ( يعني أناني درجة أولى ) ..
رايح عشان ( معدته ) ..

.
.

اقتباس:

مره تغدى وجاء لمي وكنت أخر حلاوه وبيتي مرتب وريحته تفوح عطور وغرفة النوم تفتح النفس كنت مجهزه ابتكلم معه عن حق من حقوقي جاء وستقبلته عند الباب وسلمت عليه قال الله على النظافه والريحه قلت بنفسي الحمدلله راضي اقدر اتكلم معه دخل غرفة النوم وانسدح على السرير جيت بجنبه قلت ابوفلان ودي اتكلم معك قال هاتي ماعندك يوم بديت اتكلم ودرا اني ابتكلم عن حقوق حب يضيع السالفه قال اللحين مخلي عيالي ولاجلست معهم جاي ابستانس معك وأنام معك وانتي تتنكدين علي ((وهنا مربط الفرس يدري أني ماأحب انكد عليه وأحب اريحه ويدري أن نقطة ضعفي بيته الأول))

لا تعليييييييييييييييييييييييييييييييييييييييييق ..

أخاف اقول شئ أكسب اثم ..
بإختصار ، أي رجال مكانه أكييييييد بيكون مبسوط ،. بس مافي وحدة تبغى زوج بالإسم
و يجي ياخذ حاجته و يروح ،،

بس إنت رضيتي بالأمر هذا من البداية ..

و مافهمت جملتك ( نقطة ضعفك بيته الأول ؟ )

هل معناها بإنه ابتعاده عن أطفاله و تقصيره معهم ( إنت السبب فيه ؟ )

.
.

اقتباس:

كلمت استشاريه وقلت لها على الموقف قالت لو مايحبك ماجاء لك وترك اولاده وممارس الجنس الا انه يرتاح معك وزوجك باين انه تزوج يدور الراحه فريحيه

مادري لييييه ؟ ما حسيت إنه كلام يطلع من استشارية ..؟؟؟

لو ما يحبك ،ما جاء لك و ترك أولاده ؟

هل هذا الحب بقاموس الإستشارية ؟؟؟؟

.
.

لإني اللي فهمته شئ اخر ..

= لو ما يحب نفسه ، ما كان ترك أولاده و جاء لك ..
= و اللي يحب الثاني ، يدور على راحة الاخر ،، مو على راحته ( هو ) ..

.
.

و سامحيني لإني ما أقدر أتابع ..
أخاف تزعلي من كلامي

والله ثم والله ليس بسببي كم مره انصحه وقلت له أعدل ورفض قال لو لي ردت راس ماسألتك ابروح بدون سابق انذار بس أنا ماأبي كافي اللي جاني منها وأصلآ ماكنت انام معها من تزوجنا مانمت الا 4شهور فقط وهم لهم 19 سنه يقول صبري عليها عشان اولادي ولا كان اطلقهالان مايعلم اللي بيني وبينها الا الله
وتدرين مره طلبة منه الطلاق وسبب خايفه عليه قلت انت ماتبي تعدل واولادك بحاجك ارجع وعش زي اول بدون اثم أحسن لك ولي عشان انا ماشارك الاثم قال بس اسكتي والله ماطلقك لو على رقبتي اللحين انا انا نيه ولا لا
ماعندي أطفال

لاوالله مو عشان شي كنت بالأول اخذ حقوقي بس وش اللي حصل انه يزاعلني ويحطني عند أهلي كم يوم ولايكلم ولايجي ولا يرسل عقاب لي
فصرت اسايسه وشي اطلبه وشي اسكت عنه
ماأنا ابي حقوقي وابي أكسبه وأكسب قلبه مو على حساب أحد
اللحين لي سنه و9شهور اول من تزوجته حاولت يعدل وكم مره اقول له بس هو رافض الفكره ويقول لو أحبها ومرتاح معها كان ماتزوجت ماأبي وجع راس وكثرة حريم
قلت يمكن يلعب علي وده يادبها صرت اراقبه من بعيد وراقب مكالمات مو تجسس اسمعه وهو يكلمه يكلمها بجفا طلباتها مايجيبها مشاويرها مايوديها النوم ماينام معها بيتي عند أهلي وأنا حامل قلت يمكن ينام عندهم لاني عند اهلي ممنوعه من المشي ولازم راحه كل من طلع ولد أختي يصلي قال شفت ابو فلان بالبيت الفجر معناها ينام بالبيت هو قال لي مدة جلستي عند اهلي نام عندهم يمكن 5مرات ويقول ياليت مانمت عندهم والله تسوي لي مشاكل ماله اول من تالي يقصد زوجته الاولى وتحرض اولادي علي هي طيب ليش ماتكسبه ليش اطيره من يدها ليش اللوم علي وعلى زوجي معنى كلامي زوجي ذو شخصيه قويه لو يبيه ماسألني راح لمهم هي ابدا مني وهي الأولى وهي ام اولاده وأنا باح بس فيه سببب مدري وشو الله أعلم

من تزوجته وهو كذا اذا مرضت يتركني عند أهلي ولايسأل مو جديد

ماقال انا ابتزوج بنتكم مسيار ولاقال بس ابيها تريحني
لا هو قال أنا ابتزوج بنتكم من اللي سمعته عنها عاقله وثقيله وتخاف الله ابيها تريحني من عنا 18 سنه عذاب
وتتصير هي الكل بالكل النوم الأكل الشرب الحب ابرتاح اخر عمري معها وهذيك اللي هي زوجته الأولى منتهي منها ولاولا اولادي مايبون خوالهم كان اطلقهاوخيرها يوم تزوجني قال تبين تعيشين معي بدون صرف وبدون جنس الله يحيييك اجلسي مع اولادك ولا تبين اطلقك هي اختارت الجلوس

فيه اسباب كثيره على كلامه شي قاله لهلي يوم خطبني وشي قاله لي بعد الزواج اول ليله وشي يقول ماأقدر ابوح فيه

علقي وخوذي راحتك حبيبتي
أنا قلت ودي اتكلم بس هو دايم يضيع السالفه


يدري اذا قال ابروح لمهم ضاق صدري بس والله ماقول له لاتروح اقول له الله يحفظك لان أنا طبعي غيوره وشرطي بعد طلاقي زوج بدون زوجه او زوج منتهي من زوجته برغبته هو وهو يدري عن شرطي

اقسم بالله لست أنا هو يريد هذا ولا عمري تكلمت معه
والله هذا كلامها يوم قلت اني مقهوره قالت احمدي ربك لو مايحبك ماجا يبسطك

يدري أن راحتي بالجنس لاني درجه اولى بالجنس وهو يقول اجي عشان ابسطك انتي (لاول مره اصرح بهذا اني جنسيه عشان بس تفهميني ولا تظلميني وتظلمين زوجي))
لن اسامحك لو غادرتي متصفحي لاني انا جيت استشير مو ازعل من الحق وانتم خواني وتمونون

قبل مانهبل انا ماتحمل افكركثير المختصر ودي يحبني ويعطيني حقوقي بدون ماأخسره بدون مايزعل بدون ماأظلم أحد اولاده زوجته والله بشهادة الجميع أنا طيبه بس غيوره درجه اولى وش الحل