مسداني ---

فيه حلول ما نقدر عليها لاسباب كثيرة
زوجي تزوجته غصب عني لو كان اتقي خلق الله و ما بينا
توافق فكري و نفسي و قبول مستحيل نعيش بسلام و سعادة

أنا لو حاولت كسبه بعذب نفسي زيادة ، ابغي الفكه و تقولي لي اعلقه
فيني ، شخص موب مالي عيني و لا عقلي و لا قلبي كله على بعضه ما يسوى
اقوم اعلقه فيني و تذلل له واطلب رضاه --

ياختي ما يحسسني بانسانيتي واني مازلت على قيد الحياة الا تمردي و كرهي له
قلت له مليون مرة يتولد الناس روح بحالك و خلني اروح بحالي و ما كثر الله الا البنات
تزوج اللي تبيها و الله يوفقكم اعتقني لوجه الله لكن لا حياة لمت تنادي --

أنا لو جيت ابني احلام مثل ما تقولي زوجه صالحه و ابناء متعلمين و ادرس بزوجي
أكون عبيطة !! تدري ليش --

لان المعطيات عندي واضحة وضوح الشمس وكل جهد اقوم فيه راح يكون هباءً منثورا
ليش ؟! لان لا بيئة تساعد / لا افراد / لا قدرات / لا جينات وراثية ..

بيئة لا تعرف قيمة للعلم و التطور و الانفتاح و لا تملك قدوة
افراد يحاربون التعليم باقصي ما يملكون من إهمال و تحقير و نبذ للعلم و المتعلمين
قدرات معدومة لا تتعدي غرايز يحركها الله بقدرته فيهم
لا يملكون جينات و راثية تساعدهم ..

يعني تخيلي جبت أطفال ، هذا ابوهم ، كيف راح اربيهم
تتوقعي يسمح لي ابوهم بإخراجهم اعضاء فاعلين بالمجتمع
دون تدخل ، ولا راح يحقر فيهم و يقطع تعليمهم و يزوج البنات صغار

فضلا عن انهم راح يحملون جينات والدهم و جدتهم الوراثية و ابتلي فيهم
و ياحسرة عمري عليهم --
و بيئتهم من عمات وابناء عمات راح يكون لهم اكبر الأثر عليهم --

اما الفراغ العاطفي فجاء من فراغ حياتي عموما و ليس من اجل رغبة بزوج او حبيب
فانا أبعد ما اكون عن هذا --

انا ارغب بشهادة تكون جواز لدخول العالم التعليمي و الاجتماعي
و العملي يعني التثقيف الذاتي مايفيد شو فائدة الثقافة وانا مدفونه بالبيت

شكرًا لمرورك --

و نسيت اقول لك يا مس أنا ما اغار من صديقتي
أنا اغبطها جدا الله يوفقها --
اشوف غيها نفسي و طموحي و أحلامي اللي راحت إدراج الرياح
الله لا يسامح اللي كان السبب

و اسمحي لي اقول انك غريبة !!
اشوف حطيتي أني أنا الغلطانه و قمتي تمتدحي زوجي واخلاقه
يعني أنا مو إنسانة لي حق بالحياة !!
اتوقع انك من الفكر القايل بأفضلية الذكر على الأنثي
و وجوب تسخيرها لرغباته و قتل كل اكل لها بالحياة
لان اكبر امل هو ( زوج ) بغض النظر عن كل الامور !!

ابغض هذا الفكر جدا جدا --

من قال عزيزتي أنني كذا
لكن أنتي الحين عندك حل
زوجك و مو راضي يطلقك أبد أبد , و أمه مو بيدك تعدلينها

قولي لي بالله
مالحل
,,
يعني بتبقي طول عمرك تولولين و تتشاجرين معه

و بعدين؟

أنت قولي لي مانهاية هذا!!
,,,
المضحك أن البعض هنا اتهمني بالعنصرية لأني أشوف المرأة حالها حال الرجل في الشر و الخير
و انتي تقولين كذا

__________________

البنات شنو عليك حملة
اتوقع انتي من البنات اللي ربع درجة كانت تورم عيونهم
شوفي ..
انا ماني بقايلة مثلهم ..
لكن انتي من البداية انغصبتي و هذا شي لا يطاق
خلي عنك الحين العناد و البكا و العلم و القراطيس
و ركزي ع انك تعدلين حياتك مع زوجك ..
حاولي .. ادعي الله يسخره لك
يا وخيتي ترا ربي الهمك التوفيق في دراستك
و بعدين ابتلاك في هالزوج ..
يبيك ترجعين له .. الجأي لله سهام الليل لا تخطئ
انتي حارت بك السبل و تاهت الطرق و تهتي مع
مكالمات ولقاءات انتي بقرارة نفسك مو راضيه عنها
خلي عنك هالتفاهات و استغفري عشان تمحين هالذنب اولا
ثانيا حاولي و الحي ع الله بالدعاء ..
لا تتهاوني بالملك والغني والقادر والمعطي
اسأليه التوفيق و الاستقرار ..
ما تدرين يمكن لجوئك لله يغير حياتك كلها
يصير زوجك ذا الجاهل اللي ما يعرف يقرا و يكتب
احب من نفسك إليك ..
و اذا طرقتي ابواب الملك و شفتي انك ظالمة عمرك
و حياتك معاه .. ساعتها لا يكلف الله نفسا الا وسعها
و تذكري ان الله لا يغير ما بقوم حتي يغيرو ما بانفسهم
تواضعي للضعيف .. حسسيه انه اطلق واحد و انه متعلم
من غير شهادات .. انفخيه
و شوفي كيف بيرفعك و بيضبط أمورك كلها اذا شعر انك تحبينه
ع فكرة ..
زوجك مميز .. كثير يتمنون هالمواصفات و انا وحدة منهم
لا تزعلين من كلامي ..
موفقه و ربي معاك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

S10--

و الله لو كان الرجاجيل اللي عندي على قولتك يستحقون
اكون تحت شورهم ما قصرت --
لكن الرجاجيل اللي عندي ابتدأ من ابوي و انتهاءً بزوجي ما يشرفون
عار بحياتي للأسف ابتلا الله بلاني فيهم --

وبعدين وش سالفة اعلم زوجي ! اذا امه وأبوه ما علموا أنا اعلمه
هو مو معطيني فرصه ابني نفسي و اعلمها ،، عاد بيخليني اعلمه

و معك حق أنا احلم بالحرية العلمية و العملية ، طول عمري
و بإذن الله يجي يوم و اعيش الحرية لو بس الاجتماعية
او أموت افضل من مستنقع الجهل و التعصب --

يا جرح ---

ياليت نفرق بين الغرور و الطموح !!
شكرًا لك ..

والله ماقسينآ عليهآ الا خوف على مصلحتهآ و عليهآ من درب الشيطان

مانبي تفرح الشيطآن والا بكره تكبر براسهآ وتهرب والا تعمل مصيبه

انتي جيتي تبين نساعدك و نفيدك او نعزز لافكار في رآسك وتبين اللي يؤيدك عليهآ
صرآحه هذآ آللي لمسته بردة فعلك ع التعليقآت

كثير بنات انجبروا و ع قولة المثل مالك الا خشمك لو هو اعوج اصلحوا ازواجهم ومو شرط تجيبي اولاد اطلعي من البيت اللي ساكنين فيه اعملوا اتفاق على تقريب و جهات النظر .. يعني لو زوجك يشرب خمر او يحشش او يخون او يضربك شبتقولين ؟؟ والله انتي في نعمه يابنت النآس خوفي انك ترفسينهآ


واذا على الوظيفه امرهآ سهل بس انتي قرري اللي بترسين عليه و بعدهآ تنحل

__________________
عندمـآ أنتهيـت من بنآء سـفينـتي ،،، جــف البحــر

عذرا على الاخطاء الإملائية لا ني داخله من الايفون
و اكتب بسرعه /---
عاد انتم أفهموا الكلمة ( الخطا) من سياق الجملة --

انتي اقرب لزوجك من امه و خواته

للاسف انتي جاهل و لا انتي فاهمه الزوج و مكانته في الاسلام و تحبين نفسك


و ياليت تحترمين ابوك في وجودنآ لان العار هو اللي انتي تقولينه و اللي قاعده تعيشينه

انا انسحب من الموضوع و أبرئ لله مما كتبته

__________________
عندمـآ أنتهيـت من بنآء سـفينـتي ،،، جــف البحــر

شوفوا انتم ياالي قاعدين تمدحون بزوجي
واني احمدالله عليه و انه ما يخون و لا يشرب
و اللي تقول انها معجبة بصفاته ---

بقولكم شي ممكن ما تصدقونه لكن و الله من جد
احلى شي بزوجي و اكثر صفة مريحتني فيه انه ( مدمن منشطات و بلاوي ثانية )
بتقولون كيف ؟

أنا من تزوجته صرت اعرف المنشطات وأنواعها و تأثيراتها و مدة مفعولها
و سعرها بعد و من وين يجيبها -- و اعرف متي ناوي يأخذها و من شكله
اعرف اي نوع استخدم اقسم بالله --

فاسعد الأوقات عندي يوم يجي موب صاحي وخاصة لو كان أخذ نوع معين
ارتاح وأستأنس واحس أني حره مع انه موجود
لكنه بعالم ثاني و يقفل على نفسه غرفته و أمشي كلمتي عليه
كم يوم و بعدها يخمد كم يوم متواصله و يصحي و هو ثائر
افكر احيانا اشتري له كميه وكل ما خلص مفعول الحبة اعطيه ثانية

احب ايام الأعياد لان هي الايام اللي كل واحد فينا يعيش براحته
هو يذلف ويجي موب صاحي وانا اعيش مثل ما ابي --

اختي هاجر وفقك الله
لاحظت من طرحك اصرارك على الطلاق
ولو فرضنا حدث ماترديدين فهل ستعودين
لبيت اباك ولربما اجبرك مرة اخرى
على الزواج برجل اآخر اسوأ من زوجك
نصيحة /
انظري لايجابيات زوجك وتقربي منه
فانا اعرف امراة حصلت على شهادة الدكتوراه بمساعدة زوجها
الذي لايحمل سوى شهادة الثانويه
همسه /لاتجعلي طموحك يفوق امكاناتك
تقبلي مروري