لا يا أخوي فكرتك أبداً ماهي جيده

حط نفسك محلها و أتخيل إنه هي إللي منزعجه من الرائحه الكريهه و الإلتهابات منك و مستحيه تقولك
و راحت قالت لأخوها على أساس إنه "كتوم و متفهم" و هو يروح يكلم أخوك و بعدين يجي أخوك يكلمك؟

كيف احساسك؟ لك عين تطالع بأخوك ولا أخو زوجتك بعدها؟ حتى لو فعلاً "كتومين" و ما قالوا لأحد؟
كفايه إنه هم عارفين بموضوع خاص مثل كده، و أكيد أبداً ما راح ترضاها لنفسك

و بعدين ايش دخل الناس بروحة زوجتك لدكتوره؟ و ليش يعرفوا أساساً؟
شي عجيب والله

و فرضاً صار كدا, أكيد الدكتوره بتكتب تقرير عن الوضع و سبب الزياره و العلاج.
تقدر تاخذ هذا التقرير و انتهينا

يا أخي إنت كنت حريص في البدايه انك ما تجرح مشاعرها إذا إنت شخصياً فاتحتها بالموضوع (مع إنه شي جداً عادي، بس لأنك لسه عريس جديد فمستحي)

لو دخلت أطراف ثانيه بالموضوع فراح تجرحها أكثر مما تتصور و ممكن ما تنساها لك طول عمرها،
و انتوا توكم في بداية الطريق

خذها نصيحه و قاعده

كل شي بينكم يبقى بس بينكم
كل شي يصير داخل البيت يبقى داخل البيت و خاصة اللي داخل غرفة النوم