السلام عليكم ورحمة الله وبركاته..

ملكة حبيبتي هل أبوه يأخذه ولا مايسأل عليه؟!

بالنسبة لغطاء وجه تعبيرا عن حزنه..

هل يخرج هذه الفترة خاصة؟!

جبر الله قلبك كما تحبين.

ولدك متعلق في يابوه مرة و مشتاق له وفاقده .. انا ضد ان الاطفال يتعلقون تعلق زائد في الاب او الام واحيانا الخادمة او الاخ او الاخت الكبيرة .. لان في النهاية لابد من الفراق باي شكل كان حتى لو كان فراق بسيط والضحية يتعب المتعلق ..
ثانيا انت شكلك كنتي تعطفين عليه كثير وكذلك ابوه .. ترى مو زين كذا الطفل يطلع حساس جدا ونفسيته تتعب بسرعه

__________________

لا ياخذه ويحبه ويسال عنه

غطاء الوجه حسيت انه مايبغى يشوف انه مو بالبيت
اعتقد مفتقد البيت

شي مو باليد
اذا ماعطفت عليه وحبيته واعطيته حنان مين راح يعطيه غيرنا

مصيره يمشي بالحياه ومصيره يشق حياته ويتعب

انا لاحظت لان جربت هذا مع اخوي يوم قبل الزواج ولان عندي اطفال
زيادة الحنان ماهي حلوة ماقول لك صيري قاسية و طقيه لا طبعا اكره الضرب واذا ضربت للاسف اندم طول عمري ومانسى اللحظة.. لكن زيادة الحنان و العطف تتعب الطفل وامه نفسيا وتخلي الطفل حساس ومو قوي .. لذلك الطفل من عمره شهور كلميه بنبره عالية شوي مو صراخ وتخويف.. احيانا بحزم مو قسوة و ارهاب وطبعا لابد من الحنان لا تبينين له تأثرك وحرصك وخوفك على كل صغيرة وكبيرة طبعا هذا مايتعارض مع الحنان لانه بيواجه في الحياة امور ومو كل الناس بيعطفون عليه. حاليا ولدك يحتاج ابوه وحاولي تخففين تعلقه تدريجيا وادعي لولدك دعاء الام مستجاب
طبعا انتي لاحظتي ان الاطفال اللي اهلهم مايحنون عليهم مرة يجون اقويا ويمكن ياكلونك رغم انهم صغار

__________________

لا اوافقك الراي

الحنان يفرق عن الدلع الزايد

الحنان يشبع الطفل ويريحة عزيزتي

الطفل الي يجيك قوي وممكن ياكلك ع قولتك عنده نقص لاتتوقعين نتيجة الحزم

الحزم في اوقات مطلوب وفي اوقات مذموم

الحياه ماتمشي ع قاعده واحده فقط
كل شي يختلف حسب الموجود ولا كل الاطفال نفس التعامل ينفع معاهم

الاطفال ابسط من كذا ياملكة..

صحيح ممكن ينتكسون نفسيا

لكن تفسيرك كبير حتى مو اي شخص كبير يفكر فيه

اي شخص صغير يغطي وجهه لما يبكي او يتضايق.. مع الوقت بيتعود

لا تحملين الامور اكثر مما تحمل.. وبدال ماتطالعينه وتتحسرين خلي الموضوع يعدي بطريقة احسن على مايتعود

ولدك صغير جدا على كلام مثل كذا.. اهم شي حالتك النفسية لا تاثر فيه! لان اذا انتي متوترة ويبان عليك طبيعي بيتوتر

الله يطمنك يارب

__________________

اختلافي عنك لا يعني اختلافي معك

طبعا فانيتي يهمني هذا قطعه من قلبي ولكن ليست لدرجة التحسر لان الموضوع لم يتعدى الاهتمام والخوف عليه