انا وحمي الى ان ادخل الشهر الرابع

وليس كراهييه لزوجي

وانما النفسيه تصير تعبانه

وغثيان حتى اني اطلع من بيتي ابي التغيير

ونفس الشئ كارهه دنيتي كلها


وزوجي من ضمن دنيتي او بالاصح هو دنيتي

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

الأخت فوفو رعاك الله وبارك فيك, ربما الوحم يستمر مع كل فترة حمل سواء الأول أو العاشر وهذا الكلام صحيح

شكراً لمشاركتك ومداخلتك القيمة

الأخت Assraar بارك الله فيك ووحمك خسارة للمنتدى ولكن إن شاء الله لن يتكرر وستستمر إبداعاتك

شاكراً للجميع

أهلاً وسهلاً مشرفتنا القديرة إنه لمن دواعي سروري أن تشاركيني في موضوعي ولو كنت أعلم لفرشت صفحات الموضوع

بالورود, بارك الله فيك وحفظ الله زوجك وأقر عينه بك وأقر عينك به ويسر أمركما

في حملي الاول كرهت الاكل وكرهت زوجي وكرهت العطورات ، بس الحين ابحملي الثاني غير صرت احب زوجي أكثر واحب العطورات لكن كلش ما أدخل المطبخ بس تعب وغثيان وترجيع الله يعين ، الحين انا في الشهر الرابع وللحين اشعر بهذي الأعراض

__________________

صحيح ولكن دخلت الموضوع لقيته يتكلم عن الوحم في فتره الحمل فجاوبت على نفس الموضوع


ولكن ردي لمرحله بعد الولاده (النفاس) بااجيب عنها

انا بعد الولاده جاتني حاله نفسيه سيئه لاني حسيت ان ابو اولادي بعد عني وحسيت انه كرهني
وكبر هالاحساس معي وفعلا ما اهتم فيني جاني شعور باني غير مرغوب فيه
ولم احضى باهتمامه بل العكس بعد عني ومايهتم الا في ولدي مابدلني مشاعر حلوه مع اني كنت احتاجها لم اسمع كلمات حب حسيت انه مايبغاني الا لشي واحد؟؟؟؟ولمى ماقدر له خلاص انتي مش مهمه؟؟

اتصلت عليه مره كلمته قلت له احتاج منك كلمات حلوه رد عليه برد لم انساه

(انا قرفت منك بعد الولاده)بكيت وتجننت من هالكلمه ويسال اساله تنرفز التشققات الي بجسمك ماعاد تروح

قلته هذي ضريبه الاطفال وحتى الدكتوره قالت له وشرحت له
اصبحت نفسيتي سيئه جدا الاكل لم ارغب فيه لدرجه ان وزني نزل بسرعه شديده ورجع جسمي زي قبل ما احمل
لدرجه الوالده تسمي علي كل ماجاني احد وماتخليني البس الا واسع تقول لو احد شافك بيجنن مسرع رجع جسمها وكانت حاسه ان فيه شي بس حاولت مااشرحلها وازيد همها كفايه الي شافته من حركاته
ولدي ارضعه ويرجع كل شي ارضعه لان نفسيتي كانت زفت واضطريت اعطيه حليب صناعي لانه اصبح يرجع وديته عند الدكتوره قالت لي ريحي اعصابك ولاترضعيه وانتي تعبانه او معصبه احتجته في هذي الفتره كثيييييييييييييييير ولم اجده ؟

وبعد النفاس اكتشفت الخيانه وزادت النفسيه سوء وبعد كم شهر الا وانا حامل وكانت نفسيتي ازفت من اول

يعني حملي الثاني كنت ابكي كثير وعصبيه مرررررررررررره وكرهت الدنيا كلها الاطفال
والسبب اهماله لي والنفاس اصعب من الاول وبعدها تغيرت حياتي
والنتيجه انه طلع طفل عصبي ونكدي شوي بس غالي على قلبي اسال الله ان يردهم لحظني عاجل غير اجل
وان يجعلهم من خيره الناس وحسبي الله على من حرمني اياهم

قلبت علينا المواجع

بس اهم شي الفائده تعود وخصوصي على الرجال في كيفيه التعامل مع هذه الفترات من حياتهم

__________________

أم السوسه كثير حزني كلامك الله يرد لك أولادك
وصدق أصعب شي لما يكون زوجك عنك بعيد ومو حاس فيك لاني ماعمري حسيت بحاجتي زوجي مثل ماحسيت ببداية حملي وبفترة نفاسي بس المشكله أن رجالنا مايحسون بالشي هذا ويفكرونه دلع الله يعيننا ويصبرنا

__________________
اللهم أحفظ لي زوجي وأولادي من كل شر

ام الاموره

مشكوره على الدعاء وكل ماذكرتيني لاتنسيني من الدعاء

الله يعوضنا خير زيصلح لنا ذريتنا ويجعلهم من خيره الناس يارب

__________________

استمر معاي الوحم سته شهور تقريبا من ناحية الروائح بس ماكرهت اخونا في الله الا ايام بسيطه جدا .... واستمر الى اخر الحمل معاي وانا اكره السياره وما اتحمل اطلع فيها ولا خمس دقايق ...خلاص يضيق نفسي وانكتم وادوخ واتعب...من ناحية الاكل كنت مدمنه على الليمون والملح بشكل استغرب منه الان والحمد لله المعده سلمت وماصار لي شي ..وادمنت الحلويات بشكل غريب والعصيرات المثلجه والآيس كريم..وكل شي توقف بعد ا لحمل ورجعت طبيعيه تماما... من الحالات الغريبه اللي سمعت عنها ... خالة امي كانت تتوحم على ( تفل او حثل ) القهوه ...بعد ما تغلي القهوه يبقى البن في اسفل ابريق القهوه كانت تجمعه وتاكله ولا ترتاح الا اذا سوت كذا...

وحاله ثانيه حماتي اشتهت ورق عنب وعملت قدر كبير بالمره واطاحت اكل فيه...من بعد الحمل كرهت ورق العنب والى اليوم لها تقريبا 12 سنه ماتاكل ورق عنب ابدا الا في النادر جدا
وحماتي الثانيه كانت تكره زوجها وتشم ريحته وتعرف انه جاي وهو لسا ما دخل البيت ...ولا اعترفت له بهذا الشي ابدا طول حملها علشان لا يكرهها او يزعل منها ... وهذا شي سبب لها تعب كبير جدا صحيا...

__________________
[/IMG]

زوجة تحب زوجها

وفقك الله أختي الكريمة وشاكراً لك مداخلتك القيمة وإضافتك الطيبة

أمة البديع

وفقك الله وبارك فيك وجعل أيامك كلها سعادة وسرور

الأخت ام السوسة

ليتني لم اسألك فقد تقطع قلبي من الألم, ولكن الصابرين لهم أجر كريم عند رب العزة والجلال,وربي يعوضك خير