النصيحة الثانية في حالة انك ماتبين عيال ايضا

فاقول وش حادك عليه الا اذا تبين تعفين نفسك هذا شي ثاني

سبحان الله انا امي زوجه أولى ابوي لما تزوج الثانيه خبرها على طووووووول من الملكه

تزوج وامي كانت صااااامده وكانت تقوووم بجميع متطلباتنا لأن الرجال لاااااهي

هجرها يمكن 4 شهور بداية زواجه من الثانيه ورجع لها وبعدين رجع هجرها !!! سنييييييييين ونسى انه عنده أطفال محتاجينه يتعبون ومايوديهم للمستشفى الا الغاليه

تدق عليه يقطع التلفون بوجهها من دون ادنى حق كأن هالعيال موب عياله عيال الجيران

تبغى تقوله تعال ولدك تعبان او بنتك تعبااانه يتمللل ويقوووول تهووولووون السالفه

لكن اولاده من الثانيه شايلهم من فوق الارض لو يتعب واحد منهم جري على المستشفى واليوم الثاني يقوووولنا سالفة اخونا التعبااااااااااااان

ونتذكر كيف امنا يوم من الايااااام رايحه تررررركض في الشارع في نص الليل واخوي او اختي تعبانين من الحراره والانفلونزا

وكيف كانت رجولها تتعب وتتقطع لما كانت تمشي الى ان توصل المستشفى

وكيف كانت تركب مع اي واحد يمر بالشارع علشان يوصلها للمستشفى - ماتدري هالواحد سيء او جيد - بس لأجل عيالها يهوووون كل شيء

ويلوموني الناس ليش اتحسس من الزوجه الثانيه

ويلوموني الناس ليش في نفسي كره للمعددين في زمنا هذا

استمر الهجران والنكران والاستخفاف بالغاليه اللي تحت قدمها الجنه

سنين وسنين واخرتها الطلاق حل على البيت المتهاااااااالك

وبدأو الناس يحكووون وينهشون هالضعيفه بألسنتهم القذرة والرديئه

مافيه احد مرتاح لا زوجه اولى ولا ثانيه مادام الرجاجيل عندنا اسلوبهم - الهمجيه والانانيه -

ولكل واحد يقرا ردي اتقي الله في الحريم اللي تجمعهم وتذكر اليوم اللي تجي فيه وشقك مائل قدام جميييييييييع الخلق

قلبي معك الله يعينك ويسخرلك زوجك

تتنازلين في سبيل الاستقرار وبالنهاااااااااااااااية ؟!!


الله يعينك ويصلح حاااااااااالك

__________________

حقوقك متل حقوق الاولي وهي انا بدور ع وحدة تانية بدي اتزوجها لاني مش عايش مع الاولي ويمكن اشوف السعادة مع التانية

حقوقكي يجب ان تكون

متل حقوق

الزوجة الاولي
دون نقصان اي شئ


ليش يعني هي كاينة احسن منك

يا جماعه الخير


اتركو الحرمه تعيش حياتها الي اختارتها لا تزيدو عليها



هدوها و خلوها تحافظ على بيتهاو استقرارها

انتو بهلطريقه ما بتساعدوها تحل مشاكلها

و تاخذو اثم مساعدتها لخراب بيتها


هيه بساعه عصبيه قالت السيئات ما قالت حسناته

و هي ادرى فيه و باخلاقه منا

و حرام نحكم على نيه الرجال

شكلكم حطيتو نفسكم بمكان الزوجه الاولى


اختي استشيري موقع زواج و شيوخ احسن يدلوكي على احسن الطرق للمطالبه بحقوقك من غير ما تخربي على بيتك و نفسك

__________________

شوفي أنت حاولي معاه بالطيب وبلين وإذا شفتيه ما أعلن زواجك ورفض أنا عندي لك حل بس لاتسوينه إلا إذا حسيتي بأنك أنت مليتي من طريقته معاك وصار ماعاد يهمك أعلن أو ما أعلن يعني تحسين نفسك عافته وماعاد تقدري تستحملي وضعك يعني أما إعلان أوفراق
خذي عقد زواجك منه وصوريه وحطي صورته بأي مكان في شنطته أو جيب واحد من ثيابه بحيث إنه ماينكشفه وخذي رقم زوجته من جواله وخليه حتى يسافر لها
وبعد ماتتأكدي إنه وصل عندها بحفظ الله ورعايته أتصلي عليها وقولي لها بسألك عن زوجي وصل وإلا لسى طبعا بتسألك أنت مين قولي لها فكي شنطته وفتشيها وفي مكان كذا ورقه أخذيها وأقرأيها وأنت تعرفي أنا مين وسلميلي عليه وخليه يقع بشر أعماله وبعدها هتشوفي إنه بيعترف ويواجه زوجته ويتمسك فيك وإلا يتهرب ويضحي فيك والله إني ما أمقت إلا هالنوعيه من الرجال طيب ليش مغلب نفسه ومتزوج بنات الناس مو لعبه بيدينه الحين لو قدر الله وحملتي لاتقولي مانع قدرة ربنا فوق كل شئ أنت بتضمني مستقبلك مع إنسان بهاذي الشخصيه ليش زوجته لوعرفت بتذبحه يعني من حقه يتزوج مالها حق تمنعه من شئ مشروع له لاكن شكل زوجك لايحب الأولى ولايحبك هذا يحب نفسه وبس يبغى راحته بيغير جوعلا هواه عاد إذا أنتي تحسين نفسك راضيه بالحال ذا الله يوفقك لاكن عواقبه غير مضمونه أقل شئ ياخذ لك بيت عنده ويسكنك فيه ويصرف عليك ويبقى يمر عليك كل ماسنحت له الفرصه إذاكان مايبغاها تدري حتى الله يفرجها عليك ويهديه ويقوي قلبه ويعلن زواجكم قدام زوجته وأهله وبصراحه الرجل إللي مو قد المسؤليه لايتزوج ويظلم بنات الناس معه وألوم البنت إللي توافق تتزوج بهاذي الطريقه اللي مافيها أي أحساس بلأمان والإستقرار ومافيه أي ضمان لمستقبلها مع هاذا الزوج إللي ماهمه إلا نفسه ومصلحته وبس طبعاسوي كذا لومانفعت معه كل الأساليب والحيل وأتحملي نتائج هالتصرف مثل ماتحملتي مغامرتك في زواجك منه الله يعينك وينصرك عليه في إظهار الحق .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اختي الكريمة..
الوعود التي قطعها على نفسه كانت لك انت فقط بعد العقد ام شروط مع اهلك منذ كتابة العقد..
ام وعود بعد الزواج,,, طيب لو هو وعدك فترة العقد ليه سلمتي نفسك له وما نفذ وعده وكيف اهلك ما تأكدوا من وجود البيت يعني السكن قبل انك تتزوجيه..

واضح جدا من هذا الزواج انه المسيار بعينه وتزوج فقط من اجل متعته هو..
.......
اختي ممكن اعرف كم عمرك وظروفك الاخرى غير انك مطلقة وام اولاد...
يعنى حتى لو لك ظروف سيئة اكيد فيك مميزات جميلة انت غفلتي عنها..

كان الله في عونك..

اشكركم من كل قلبي على وقفتكم معي جعل ربي يوقف معكم في كل حوائجكم

انا قريت ردودكم كلها ولكن هذا ردي عموما على الجميع

صدقوني مافي شي يضمن اي رجال في الدنيا
يعني انا في البداية فكرت اني اشترط عليه يكتبلي بيت باسمي
واستشرت كثير وكلهم قالوا انو لا بيحس وقتها كانك تزوجتيه عشان ماله
اتفق معه الوالده على ان الزواج لا يتم قبل وجود سكن وطبعا كان اتفاق بالكلام فقط وليس شرط
وهو كان يماطل كثير وانا صدقت بس ما ادري انو يماطل
واكتشفت بعد الزواج انو ما يبي يكون له سكن في غير منطقته ولا شي يربطه مثل عقود بيع وشراء ولا استئجار لانه خايف من زوجته
هي تراقبه بشكل فظيييع وتعرف عنه كل شي

سؤالي لاي احد فيكم تخيل لو انك كنت وحده مطلقه صغيره وجميله ولكن عندك اطفال
تقدملك واحد مدحوا في اخلاقه واعماله وتصرفاته كانه ملك منزل من السماء
وفي نفس الوقت هو كان يوعدك بحياة كريمه وعز
تم الاتفاق واحضر شهود معه ووعد اهلك ان بيجي يوم يعلن الزواج ولكن حلو ان الواحد يتمتع بداية الزواج بدون مشاكل
جا يوم الملكه وتحدد الزواج وكل شي تم بهدوء
السكن يحلف انه يدور ولكن مالقى ومازال البحث مستمر
وش تسوي لو صرت مكاني؟؟؟؟
عادي تزوجته وبديت انصدم في الواقع المرير
الرجال خايف من زوجته ويحسب لها الف حساب
حقوقي كلها ضايعه ولما اطلب منه شي يحلف انه بيسويه في القريب العاجل
اهلي محتارين لانهم يشوفون شي ويسمعون منه كلااام عسل

الي نصحوني قبل اني ما اوافق والله كنت متردده واذا قررت ارفضه شي يردني واستخير وارجع اوافق
يمكن لانه نصيبي


مميزاته: حنون وطيب واخلاقه عاليه
عيوبه: وعوده كلها في الهوا والكلام الي يقوله ماادري هو صحيح او لا واهم عيب فيه انه خواااف ويحسب الف حساب لزوجته كانها امه مو زوجته

انا مميزاتي:جميله بشهادة الجميع صغيره في العمر رشيقه مثقفه اهتم فيه وادلعه واعطيه كل الي يبيه وافكر برضاه وسعادته ومابقى كتب ما قريتها ولا مواضيع عن الزواج والحركات الزوجيه وماطبقتها له وماقصرت معه ابد ابد
عيوبي: حبيته

"يضرب الحب شو بيزل"
انا ما ادري ادور علاج لنفسي واغير تفكيري واكرهه مثلن واقسى على قلبي عشان ااخذ الي ابيه؟
ولا ادور علاج لخوفه من زوجته واساعده انو تقوى شخصيته شوي عشان يعطيني ويعطيها حقوقها بدون ظلم؟

فكرة اني انجب اطفال منه حلوه لانه يمكن يحس اني زوجته مو مجرد عشيقته او وحده ماله دخل فيها

بس فكرة اني احط العقد في شنطته وادق على زوجته قووييييييه يمكن فيها موت وحياة
وما ابي اغلط معاه بشي عشان مايمسكها علي او يكرهني

الله يعين ويفرجها علي وعليكم هذا وضعي كله كتبته لكم بين يديكم والله ماقصرتوا الله يفرج عنكم مثل ما انتو حسستوني ان لي اخوه و احد اشكيله

صدقت بكل كلمة قلتها

انا انحصر تفكيري الان في شي واحد وهو حقوقي وصرت ما افكر بشي ثاني ابد بس لان ضروف الحياه تجبرني
يعني كل ما اصحى من النوم واتذكر اني في بيت اهلي وانا متزوجه انقهر
كل ما ادق عليه والقى الجوال مقفل عشان ما تدري زوجته انقهر
كل ما اروح بشتري شي واتذكر ان ما عندي فلوس ولازم اخذ من اهلي انقهر
كل ما احد يسالني متى بيجي؟؟ انقهر

ان شاءالله انه يحبني ويتعلق فيني يمكن امور كثيره تتغير
والمشكله اني ما ابي اتطلق والله مرارة الزواج ارحم بمليون مره من الم وعذاب المطلقه