المشاركة الأصلية كتبت بواسطة قلبي شفاف

خصصت المتزوجات لأنهن الأدرى بطبيعة بنت جنسهن ومن عنده تجربة زواج ثاني من الرجال

تزوجت قبل 16 سنة وزوجتي ما قصرت معي بشيء وتهتم كثير لإسعادي وتتفنن في سبيل إرضائي وإشباع عاطفتي

وأنا رجل نهم تثيرني مناظر النساء المتبرجات بالأسواق والمستشفيات وأجد في نفسي شيء أخاف يؤثر على عفتي وصلاحي وماني قادر أقاوم

بخصوص تانيب ضميرك وورطتك وكيف تخبر زوجتك الاولى الاعضاء ماقصروا كفو ووفوا,,,وانا مش معترضه على زواجك الثاني ابدا..لكن طريقتك في الزواج غلط وهذي نتيجتك غلطك ياتتحملها ياتصحح غلطك,,

بس انا جدا مستغربه من كلامك...وودي اسال سؤال اتمنى و اتمنى تجاوبني بصراحه...الان بعد ماتزوجت الثانيه هل عفتك عن المتبرجات بالاسواق والمستشفيات هل وجدتها مثل تلك المتبرجات,,هل بعد زواجك الثاني اصبت بالعمى وماعدت تشوف الفتيات المتبرجات هل وهل وهل؟؟؟؟هل قدمت لك الثانيه شي لم تقدمه لك الاولى..لدرجة انها اعمتك عن تلك الفتيات,,
حجة الفتيات المتبرجات وانك ماتقدر تقاوم هذي اختراع من عندك ولا كان تقدر تعالج نفسك بنفسك بغض البصر عن تلك الفتن..ولان غض النظر هو الحل الوحيد لرجل مثلك..ومستحيل يكون العلاج هو الزواج باخرى لان الفتن هذي راح تلاحقك حتى لو تزوجت عشره زوجات...بس انت اساسا تفكر في التعدد وترغب في الزواج لشي في نفسك ولم تجده عند زوجتك وهذا من ابسط حقوقك,, وصاحبك عزز الفكره عندك خصوصا انه العروس موجوده ومن طرفه.
.وانت غلطت اكبر غلط انك مااعلنت زواجك للاهل ولزوجتك قبل كل الناس وانت رجل محد يقدر يردك عن الزواج حتى زوجتك ممكن تزعل بعدها شهر شهرين سنه بالكثير وبعدها ترضى لكن بتضل مجروحه وماراح تكون في عينها مثل اول لكن بعدلك بينهم واظهار حبك لها تقدر تسترجع حبها الاول وترجع المياه لمجاريها,,وتعيش بسلام,,,لكن قدر الله وماشاء فعل...وحصل الي حصل
الحيره الي انت فيها وتانيب الضمير والتفكير الي ذابحك نتيجة كل زواج يتم بالسر وعقاب لأي شخص مايقدر ثقة الطرف الثاني ويخليه عايش مخدوع فيه .

كلمت واحد من أصحابي وقال لي الحل عندي :
فيه أرملة يتيمة وليس لها إخوان ولا ترغب هي بحاجة زوج أشبه ما يكون بالصديق تشكو له همومها ويشبع عاطفتها بس ما تبغى أحد يشغلها عن أبنائها أو يسبب لأبنائها ازعاج .
تخمرت الفكرة براسي وفي فترة زوال العقل رحت لابن زوج الأرملة وكلمته لأنه المسؤول عنها وقلت أنا سامع انها ما ترغب زوج يشغلها عن عيالها وأنا ظروفي تتناسب مع ظروفها لأني ما أقدر اتزوج على زوجتي زوجة ثانية وابعد عنها يوم وليلة مو والله خوف منها بس مراعاة مشاعرها وأتمنى انها ما تدري عن زواجي
قال لي الرأي لها وبعدين أخبرني بموافقتها
الحين لي سنتين ونا معاها بعقد رسمي ومسجل بالمحكمة بس ما علمت زوجتي ولا من أهلي أحد سوى اثنين من اخواني عن حياة وموت

أنا الحين مرتبط بالزوجة الأرملة وأحس ان عاطفتي تجاهها مثل الأولى واحس اني صرت في حياتها شيء ونفست لها كرب كثيرة وتعلقوا عيالها الأيتام بي ويشتاقون لحضوري وابنها الصغير يحتضني كثير ويحس اني اشبعه عاطفيا بديل عن والده

اليوم مستحيل افارقها بس أعيش هم زوجتي الأولى وأبكي كثييييييير للوضع وهواجسي تزداد أحاول أعوضها وقدم لها الكثير كتكفير عن خطأي حتى زوجتي الثانية تقول إنها تحس بالذنب تجاه الأولى بس ظروفها أجبرتها وعشان كذا ما تحاسبني عن أي شيء آقدمه لزوجتي الأولى بل تشجعني على ذلك
أحلم باليوم اللي تكون زوجتي تدري فيه وترضى عني وأحيانا أقول مرت علينا سنتين خليني أمشيها باقي العمر خصوصاً إن احتمالية أنها تعرف ضعيف لأسباب

صدقني بينكشف امرك عند زوجتك طال الزمن او قصر...ان ماعرفت بزواجك الان وانت حي ترزق راح تعرف بعدين لاصرت تحت التراب,,

أرجوكم لا تؤنبوني ولا تعاتبوني يكفيني ما فيني

شرايكم استمر على إخفاء الزواج عن الأولى أو أعلمها ولو بغيت أعلمها كيف ؟
أنا عاطفي وماني قادر أتحمل دمعة تنزل من عينها
اتمنى من أخواتي المتزوجات يعطوني رأي بعيداً عن العواطف ولا يؤنبوني تراني معترف بالذنب وفيني ما يكفيني من التأنيب

المشاركة الأصلية كتبت بواسطة مهره

سأمسك نفسي عن تأنيبك كما طلبت.


ليس أمامك إلا أن تخبرها .. من حقها ألا تعيش مخدوعة.

وأياً كان رد فعلها .. فعليك أن تتحمل النتائج.





تقول إنك أخبرت اثنين من إخوانك بأمر زواجك لأن الدنيا حياة وممات .... تخيل إذاً أن تموت وتعرف زوجتك بعدها بأمر زواجك .... كيف تتخيل شعورها؟!!!

المشاركة الأصلية كتبت بواسطة noora

قرات موضوعك مرتين .. وللامانة اتفق مع مهرة ...

لايوجد حل اخر غير المصارحة ,, كل ما طولت في اخفاءك للموضوع كل ماكانت صدمتها اقوى
وردة فعلها اكبر .. فالازم تصارحها باسرع وقت ..

واعتقد ان زوجتك الاولى عاقلة ماراح تهدم بيتها .. و انما هذه صدمة كبييرة كبير كبيرة خاصة
وانك اخفيت الموضوع لمدة سنتين ...
تحمل ردة فعلها و اصبر اصبر اصبر و ان شاء الله بنهاية المطاف تهدأ و ربي يعينها و يصبرها

المشاركة الأصلية كتبت بواسطة صَبا*

المشاركة الأصلية كتبت بواسطة نــور الإيـمـان

المشاركة الأصلية كتبت بواسطة تصبر ياقلبي

انا بالاخير بنجلللط من الرجال
بجد دام الاولى مو مقصرة معاك كيف تقول انا بحاجه لمدري ايش؟؟

والله مدري وش اقولك لكن صارحها وزين اذا ما طلبت الطلاق ومن عذررررها لكن اذا بينكم عيال تقعد عشان عيالها لكمن مدري عن ردت فعلها

الله يعييييييييييين بس