والله انا مثلك لي 3 شهور مملك ولا كلمتها بس من ردودكم حسّيت اني ظلمتها بعدم مكالمتها

خلونا من زعل خطيباتكم
يعني انتو ما ترغبوا تتعرفوا عليهم!!!!!
عادي

__________________

انا من ناحيتي ودي بس الي سمعته من التجارب السابقة من الشباب انه تصير مشاكل خلال المكالمات بسبب انشغال الزوج بعمله انا من ناحيتي عملي 12 ساعه يومياً واخاف افتح على نفسي باب معه يعني اليوم كلمته بكره ما اقدر أكلمها وهكذا يمكن تحس بعدم اهتمامي وتصير مشاكل

عدم تواصلك معها منطقي جدا

فترة المكالمات اذا طالت تصير مشاكل وهوشات على امور تافهه وتصير حساسيات وشرهات مالها سنه وهذا واقع لكثير من الحالات وبعضها يصل الى الطلاق لاقدر الله ..

تواصلك معها قبل الزواج بفتره طويله سيؤجج المشاعر بينكم ويعلقكم ببعض وراح يتحول الشوق اللذيذ الذي يسبق الزواج الى انتظار مزعج وشوق مؤلم

رايي لك ياغالي - وتبقى وجهة نظر شخصيه - انك تتواصل معها قبل الزواج بشهرين الى ثلاثه اذا كثرت

ابدأ بهدية جميله ومغلفه ومكتوب عليها كلمات طيبه ودعوات منك لها
اذا قدرت انك تهديها طقم ذهب بسيط وكانت عاداتكم تسمح لك انك تلبسها اياها وتجلس معها نصف ساعه فممتاز .. سو الحركه هذي قبل المكالمات

ولا تخف على مشاعر زوجتك .. راح تتفهمك بعد ما تتواصل معها وراح تشبعها غزل ومشاعر وهدايا اذا جا وقته ان شاء الله


الف مبروك يا راعي التورنيدو

زوجتك ما تبغاك تكلمها طول اليوم
صباح و مساء

قبل وبعد العمل

ومره خلال العمل عشان تحس انك في بالها
لانو البنت تفكيرها مو مثل الرجل
هي تقدر تفكر خلال عملها ب20 شيء غير العمل
اعرف صعوبه تفكيرك فيها في العمل
بس مو لازم كل يوم مره في الاسبوع خلال العمل كافيه تبين اهميتها عندك

السلام عليكم
الله يبارك فيك يااخوي راعي الحق
اما باالنسبة لا اختي غربيه وجنوبي
ما اعرف تفكير البنات بس من ناحية خبرتك هل الحريم بعد الملكه يريدون الاتصال والاحساس باالاهتمام
بما ذكرتلك سابقاً ضغط عملي لا يسمح ما اقدر ارد على اتصالاته كل شوي يعني كل ثلاث ايام او باالاسبوع مره
واخاف افتحعلىنفسي باب وتقعد تتصل الزوجة المصونة وتقعد ترسل كل يوم وانا ما اقدر الحق العمل بما عملي 12 ساعه

انا ملكتي من خمسه ايام ومستغربة ما اخذ رقمي ولا كلمني وبديت اهوجس يمكن مو مرتاح او مايبي يكمل معاي احنا المعروف عندنا من بداية الملكة يكون فيه تواصل وهذا عكس ملكتي الاولى عشان كذا متضايقة وصعبة انا اللي ابدأ اكلمه
المفروض تاخذ رقمها وتكلم عادي مو شرط يوميا وممكن بالبداية رسايل تطمن عليها وتتعرفون على بعض اكثر وبعدها مكالمات على حسب وقتك

بالنسبة لي وعن نفسي

رايه بعدم التواصل لحاله سبب اني ارفضه وما اكمل معاه

لا عن اهتمام ولا غزل ولا هذا كله

بس عن اني اعرف كيف ابدا حياتي!!!!

تفكير البنات يحبو الاهتمام خاصه انك خطيبها .
اذا خطيبي مافكر فيني ومو حاب يعرف عني شي راح تصيب البنت باحباط انها لم تنال ع اعجابك .. او انها لم تجذبك لان لو كان فعلا عجبتك كان ماصبرت هالوقت بدون ماتحكي معها ..
وتبدا الهواجيس رايحه جايه على المسيكينه وانت تقول اخاف من المشاكل .
هذا غير قريباتها او صديقاتها بيسلوها اكيد كيف خطيبك كلمك او لا بتنكسر البنبه ..
فاتمني المبادره بذلك باقرب وقت وراح تحس بفرحتها بذلك .

اما من ناحيه خوفك من المشاكل فمعك حق تحصل مشاكل ومشادات في هذي الفتره .
لاكن الحل بيدك

لاتسمح لها ان تعاتبك اذا ماتصلت .. مثلا تتشرهه عليك ليش ماكلمتني . ليش ارسل وماترد .. ليش نمت قبل تكلمني هذي الاشيا هي اساس ابمشاكل مع انها اسباب تافهه جدا
وانت بالمثل لاتحاسبها عليها ولاتفول لها ليش طلعتي وماقلتي لي ... تفتح عليك باب من الجدال مالله به عليم


دع طريقه ابتواصل بينكم من اشتاق للاخر فليحادثه او اطمئنان عن طريق الرسايل .
او ان يكون يوم في الاسبوع منشان ماتمل لان كل يوم ممل وتخلص السوالف
مثلا يوم الجمعه الخميس يوم اجازتك او فراغها ...



ييسسسسسسر الله امرك وسخر لك


واعتذر من صاحب الموضوع .. ولكن لعله يستفيد منها مستقبلا 🌷

السلام عليكم جميعاً

انا ابي اعتذر من صاحب الموضوع الي كتب الموضوع وانا دخلت عرض في مشكلتي ههههههه
اشكر كل من رد علي
اختي سديم انا اقتنعت وان شاء الله ابي ابداء في رسائل واتسب فقط وابتعد عن المكالمات لا ان اذا دقت ومارديت تزعل وانا اعرف نفسي ما أرد على الجول يومين كاملين بسبب طبيعة عملي التي تمنع تواجد الجوال (12) ساعه عمل وارجع أحط راسي نوم 8 ساعات يبقى لي بااليوم فقط 4 ساعات ارتاح فيها

اما سالفة ادق عليها واساله ليش ما قالتلي يوم طلعت من بيتاهلها احس هذا السؤال واحترامي للجميع غبي
زوجتي عند اَهلها واقعد أحقق معها بالطلعه والداخله هذا الشيء يدل على عدم الثقه او الغباء
خلها تأخذ راحتها مدام انها في بيت أهله وانا واثق فيها اهم شيء تفكني من مكالمتها اذا كانت 24 😜