انصدمت منك انتي وشوك😶😵
لا جد انصدمت😦

الحين الدبل تتغير؟؟!!!
يعني تبيعين دبلتك وتشترين دبله اخرى حسب الموضه..؟؟!!
هذا اللي فهمته منكم

بس انا اللي اعرفه الدبله ما تتغير ابداااا
فهموني هل اللي فهمته منكم صح

حطي حطي صورة دبلتك يا حلوه
وشوك تحط دبلتها ونشوف دبلة مين احلى<<<<تحريش

ننتظر صورة دبلتك وذهبك يا اشراقه كله اذا بغيتي

ما أدري يا طموحة .. أحس إنك سألتي الناس الغلط.


شخصياً كان عندي دبلتين: دبلة ألماس ودبلة ذهب .. دبلتي الألماس ضاعت من سنين .. أظن سلطان كان عمره سنة وشوي أو سنتين .. واشتريت غيرها ـ من باب الالتزام الزوجي ـ بس كانت مرصعة بالزيركون .. ومليت منها بعد فترة ولا رجعت ألبسها .. وبعدها بدلتها واشتريت شي ثاني (ما أذكر شو هو بس مب دبلة)

وما رجعت اشتريت مرة ثانية.

أما دبلتي الذهب فلبستها فترة بداية زواجي لما كنت أروح الدوام .. وبعدها دخلت في عالم النسيان.

أحنّ أحياناً للبس الدبلة .. لكنه حنين داخلي ماله علاقة بأي مؤثرات خارجية.

__________________


اللهم طِيبَ الأثر .. وحُسْنَ الرحيل.

بخصوص الدبلة..
مرة ضاعت دبلتي وبغيت اخذ غيرها
وكلما دخلت محل الذهب اشوف الدبل احس ماينفع اخذ دبلة جديدة اما دبلتي الاصلية والا مالها طعم لأن الدبلة في قيمتها المعنوية .. نقش حروفنا عليها وتاريخ الملكة والاهم انه لبسني اياها ..
تقريبا 4 او 5 مرات اقرر اشتري دبلة ولما اروح المحل اختار واهون واطلع بدون ما اشتري ..
والحمدلله لقيت دبلتي بعد كم شهر من الضياع ..
مالبسها دايما لأنها واسعة على صبعي وكم مرة تطيح واذا فيه مناسبة ولبستها البس فوقها خاتم اضيج عشان يمسكها ..

هههههههههه كنت شاكه بنفسي إني غير عن باقي الإناث وبعد موضوعك هذا تأكدت 😂😂

اممم تاريخي مع الذهب سيّء !!
أول ذهب دخل بحياتي حلق او أقراط المهم كانوا هدية من أبوي الله يرحمه ويغفر له بمناسبه نجاحي طبعاً جاب لي ولخواتي ربي يجعل مثواه الجنه وينعم بنعيمها ❤
الغاليه رفضت تلبسني الا بعد ماتفتح لخواتي آذانهم ، عشان ماتكسر بخاطرهم ، المهم أنتظرت وأنتظرت فرحانه فيم لأنهم من حبيبي وكنت ابي أوري صديقاتي بالمدرسة وش جاب لي ابري بمناسبة النجاح 😍
والحمدلله فتحوا آذانيهم ولبسناهم لكن يوم لأنه الأميرات ضيعن حلقهم وأمي قررت ترفع حقي لايضيع معهم 😢 ( كبرنا وضاع مع العفش &#128560
وهدية ثانيه من عمي أهدانا أساور ذهب لكل بنت آسوارتين كبرنا عليهم وضاقن ومدري وين أختفوا بعدهم 😂
المهم بعد هذا ماعدت ألبسه ولا أطيقه يعني الذهب غير أساسي بحياتي ولا حتى بإهتمامي 😆

أنا من صغري أحب الذهب عشقته من عشق أمي له ..وها الأيام طايحه في الخواتم اللي فيهم أحجار كريمه أحبهم حييل يعني
يكون خاتم ذهب ويتوسطه حجر كريم مثلاً عقيق, فيروز, أو ياقوت...

الله يهديك ياطموحه فتحتي باب مارح يتسكر💔

جاني رغبه اكثر ابي ذهب لو شي بسييط بس 💔

بالنسبه للدبله دبلتي حق الزواج كان شكلها رهيب وجديد بالنسبه لعايلتنا والكل كان عينه عليه يعني حلو وهيكا وتكلموا عليه وبالاخير صرت كل ما البسه يطلع لي مثل الحساسيه باصبعي واشيله واجلس كم يوم من غيره ويروح واذا لبسته يرجع 💔

وراح باعه واشترى لي واحد مرررا عادي انقهرت الحمدلله هذاني لابسته اكثر من سنتين ولا صادني شي
لو خلاه ماباعه واشترى وحده ثانيه كان احسن بس الظروف 💔

في دبل اشكال والوان وفي الذهب البحريني هذا عشقي

ومثل ماقالت مريم يفرز هرمون الانوثه 😍

هههههههههههه الله يسعدك لوفتي ضحكتيني

يلا الحمدلله طلع في احد زيي مايحب الذهب

وعد اضيفيني معاك انا ولوفتي كمان مانحب الذهب

سموووورة الذهب البحريني عششششق ❤

انه عندي 3 دبل

دبله عادية جدا جدا .. احنا نسميها صبه ما فيها ولا شيء مجرد حلقة ذهبية .. احبها وايدددد وهي دبلتي الاساسية
مكتوب داخلها اسم زوجي وتاريخ ملجتنا

والدبلة الثانية فيها فص .. وصايرة مثل السوليتير بس ذهب

اما الثالثة فهي من الذهب البحريني والصياغة البحرينية اسمها الدبلة المرامية .. عجيييييبه
اذا صار لي خلق باصورهم لكم

مثلج انه طموحة ممكن اندم على كل شيء اشتريته
الا قطعة الذهب

__________________

حاجة الناس إليكم من نعم الله عليكم ، فـ لا تملوا النِعم ☁✨

بس لوماحلفتيني

انتعشي يا شوك انتعشي
تراها دنيا زاليه ومحد فيها يستاهل غير انفسنا

لقلقي ولقلقي بناتك بعزك


المهم ارموا النكد والرجال ورى ظهوركم
واقبلوا على الذهب وسيرته

وننتظر دبلتك انتي والاشراقه