و عليكم السلام و رحمة الله
اليوم كنتي ببالي و قلت بنفسي هذه وين غطست
كيفك يا شيخة سمو
الله يبارك فيك

حاليا تحت البطانية و اسمع لصوت الرعد و المطر
اسال الله يحقق اماني كل واحدة فيكن

مساء الرضا والسعادة يا سكاكر.


عساكن جميعاً بخير.

__________________


اللهم طِيبَ الأثر .. وحُسْنَ الرحيل.

يا مرحبا يالغاليين .. نورتوا الكوفي 💖

نورك اشراقة و ام سلطان 💓

الصيف كان قاتل .. وخلّص على كل زرعاتي.

من حوالي ثلاث شهور الحيضان ومدخل البيت الخارجي الأمامي والخلفي بائسين وما فيهم حياة.




الحمدلله الجو بدأ يتحسن .. والنسمات اللطيفة هلّت .. ورحت اليوم واشتريت زريعات جديدة .. وستدب الحياة حوالين بيتي من جديد.


مبدئياً خذت فل وياسمين وهبسكس.


بس في شغلات ما أقدر أسويها بروحي .. فهالمرة يبالي مزارع عشان يعيد تسميد الحيضان وتجهيز التربة.
.
.
.
الجديد..

عندي حوض في الجهة الخلفية من البيت .. في السنتين الماضيات زرعت فيه كزبرة وبقدونس وجرجير ونعناع.

اللي حصل إن المحصول من هالخضرة كان كثير على استخدامي الاعتيادي .. مع إني كنت أعطي أمي منه.

فاليوم كنا نرمس أنا وزوجي عن هالموضوع .. وقلت له ملاحظتي بخصوص كثرة الخضرة اللي زرعناها سابقاً قياساً باحتياجنا الفعلي .. فاقترح عليّ إننا نزرع نص الحوض .. والنص الثاني نبني عليه قفص دجاج.

اقتراح الدجاج هذا أنا طرحته عليه من كم شهر ورفض .. بدون إبداء الأسباب. .. وأنا كبّرت عقلي وما جادلت وقلت السالفة مب مستاهلة أعمل منها قضية.

ونسيت السالفة مع الوقت .. لكن سبحان الله الظاهر لي نصيب أربي دجاج.

__________________


اللهم طِيبَ الأثر .. وحُسْنَ الرحيل.

نفس الشعور ❤

الله يشهد شكثر فاقدتج .. على قلة دخولي لكن توحشني ايام المنائر معاج انتي وميمو
💕❤ عسى الله يهدي بالكم و يريحكم ويقضي حاجتكم وين ما كنتوا

__________________

حاجة الناس إليكم من نعم الله عليكم ، فـ لا تملوا النِعم ☁✨

مهره كيف ينضج الزرع وقت البرد
عندي احواض فيها ورد
وقت الشتا اوراقها تتغير للون الاحمر
وتذبل
البرد عندنا مره شديد

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

ما أدري والله يا توتي.

بردنا طيب وولد حلال .. يعني مب شديد. .. فما جربت أزرع في البرد القارس.

لكن إجمالاً حاولي تعملين بحث عن النبتة اللي تبين تزرعينها .. أكيد بتحصلين معلومات تفيدج.



ما تشوفين شر حبيبتي.

__________________


اللهم طِيبَ الأثر .. وحُسْنَ الرحيل.

مهور من الحين تقول لك
الزرع الشيئ و الدجاج شيئ ثاني خالص
خصوصا اذا كان قريب من البيت او النوافد
كارثة بيئية في الصيف
امي عندها دجاج و بعيد عن البيت في الحديقة و مع ذلك ما سلمنا من الروائح و الحشرات
و لا تقولي انًظف له ما ينفع معاه نظافة كذا خلقة معفن

__________________

مممممممممم.

تبين الصراحة .. الفكرة يتني جذي فجأة بدون ما أفكر في توابعها بالتفصيل.

متوقعة ومستعدة لسالفة التنظيف .. بس صراحة ما أعرف إلى أي مدى الدجاج يوسخون.

بس أكيد المسألة تعتمد على عدد الدجاجات اللي في القفص .. صح؟ .. يعني ثلاث أو أربع دجاجات غير عن تسع أو عشر ..... أنا جذي متخيلة.


زوجي اقترح دجاجتين وديك .. وأنا اقترحت ثلاث دجاجات وديك. <------ يعني فرق!

الشاهد إن العدد بيكون قليل .. فهل في ظنج بتكون عندي نفس المشكلة اللي عند الوالدة؟!!

__________________


اللهم طِيبَ الأثر .. وحُسْنَ الرحيل.