مابي أزيد على كلام الأخوات والاخوان في ضرورة ان تغيري من أساليب وطرق التعامل مع الزوج .
جميل ان آخر لقاء اعتذرتي بطريقه انثويه وبصوت هادئ

الان ضروري ان تنسحبي انسحاب كاااامل و هادئ
لاطلبات ولا رسائل ولا أي أثر لك سوا عبق عطر الاعتذار الجميل الذي خلفتيه من بعدك
"نصيحة مجرب "

وغيري الواتس اب الى {توبك +وصوره} قمة بالغموض
مثلا التوبك فعلى خاصية عدم وجود توبك والصوره ضعي اي منظر طبيعي محاااااايد لا ذكريات ولا حاضر ولا ماضي .

واتركي جانبا حركات التحرش به ، مثل ابي طلبات للبنت ؟! أنا بسافر ؟! أبي مفتاح الشقه ، أبي ملابسي التوبك ماهمنى لو كان غالي وصورة بنتك وهوا مايحب هالامور

جداااا فاهمج وقاعد يطبخج على طبخه هاااااديه

وماأستعبد انه سعيد من الداخل لان فعلا قلب الطاوله عليج وبين لج خطأج على عكسج ضيعتي حقج بانفعالج وعصبيتج 👍🏻👍🏻👍🏻💯

المهم ارجو ان يكون اللي صار درس الواحد يتعلم منه

__________________
اللهم ألهمني الرشد

فعلا انتي عنيده جدا الله يهديك بس
وماتسمعي للنصايح
اذكر كلام مثابر لما قالك انتي ماتسمعي الا لنفسك وبس وذكر مثال للكهرباء على مااظن...
منفرده اتركيه بحاله مالو داعي حركات الاستفزاز بالله ماتبتي
بدل ماتحطي اشياء تشوقه لك تحطي اشياء تزيد الفجوه بينكم...
تبغيه يكرهك مثلا...
انتي تحبيه موت والله اليوم اللي تشوفي وجهه الثاني انو راح تتحطمي وتتدمري لان عواطفك هي اللي تسيرك
اتركييييه
خليه يشتاق وينسى
مالو داعي دخولك للمجلس عندو
وبعدين الصوره ونفسي عزيزه ومدري ايه
تبغيه يرجع
اتركيه الين يهدأ وبس
لاتسوي ولا شي...
الله يصلح مابينكم ويهديك...

__________________
(سيدة الموقف)
لم ننساك ونسأل الله ان تكوني أنتي وأولادك بخير

بسم الله الرحمن الرحيم
سلام عليكم

عزيزتي منفردة : كل شيء سواه معناه يحبك فعلاً
اولاً // لأن ماطلع من المكان الي انتي فيه واعطاك الخيار لو غيره طلع بدون كلمة.
ثانيا// ليه يرسل لك شيلي الاساور الي بيد البنت ويصور لك العشا الا لأن يبي يتواصل وياكِ من الشوق .
ثالثا// ليه يراسل أمك اذا تبين شيء من البيت ولو في نيته شيء ماقال لأمك هذا لأن يبي يشوفك .
رابعاً// لو كان مايحبك ليه يسدد فاتورتك كان طنشك.
خامساً // البروفايل والصورة الرمزية غيريها الزوج الي يحب زوجته يحب انها تكون قوية وتبين سعادتها له مو تحب النكد .
سادساً// هو وافق على سفرك ومارفض لأن كل منكم بحاجة لفترة نقاهة ويستحسن اذا رجعتي من السفر تستعدي للذهب للبيت ويفضل مايكون موجود وبنتك خليها عند الماما وسوي له جو رومانس ومايحتاج اعلمك بالباقي وحاولو قد ما تقدرو ماتتناقشو بالموضوع وخلي العتاب بعيد .
ربي يسعدك ويوفقك انتي وزوجك وانا كمان ادعي لي بالصلاح والهداية مع خطيبي .

قلت لكِ سابقاً ولازلت أعيدها عليك

زوجك لم يتواصل معك ولايرغب بالمواصلة المباشرة معك ... بل يرغب بالتواصل مع والدتك... وبناءً عليه.. . لابد أن تستدعيه والدتك للتفاهم معه حول نقاط متعددة ومن أهمها عدم ضربك مرة أخرى.

زوجك يريد ضمان لعدم إستمرارك على عصبيتك وتجرءك عليه مرة أخرى سواء بالتلفظ أو مد اليد .. كما تريدي أنتِ كذلك مع بعض المطالب منه

تواصلك معه المباشر أو وضع بعض الكلمات أو الصور في الواتس لن تأثر عليه حالياً

ولكن عند مناقشة والدتك له ثم حضورك للصلح... عندها سيستمع لكِ


أعانك الله

الأغراض اللي يجيبها للبنت هو يسأل ايش اجيب وايش ناقص مو انا اللي اطلب
لو بطلب كان طلبت فلوس للسفر لكن ماني طالبه ولاهو وقت طلبات ..

ولما جا دخلت عليه بدون ترتيب او تفكير مو لاني عنيده لاني سمعت كلام قلبي

وجا بعدها وامي نايمه واخويا مو موجود
وقال لي في احد من الاولاد قلت لا بس لحظه افتح لك
وفتحت ودخلت
بعدها دق الباب قال انا حطيت الألعاب ورايح قلت طيب


فكرة اني احتفل فيه بعد رجعتي من السفر مستحيلة .. مهما كان انا كمان انغلط علي ومو لهذي الدرجه أهين نفسي


اني استأذن منه ما أتوقع يرد عليا علشان كذا ما ابغى أحرج نفسي معاه خلااااص انا سويت اكثر من اللي عليا وكله بدافع الحب والشوق لكن اكثر من كذا مقدر


فعلا هو يبغى التواصل مع امي
قلت لامي ترى يجي كثير يستناك تفتحي معاه الموضوع
قالت اول مرا جا قلت له بناديها لك تعتذر لك وتتفاهموا
قال لها انا مرا زعلان عليها
قالت له بمزح تراضيك بطقم ذهب واللي تبغاه بس اتكلموا
ضحك وقال لا مو وقته
تقول ان فتحت الموضوع معاه كأني اقوله تعال خذها

وهي من اول قالت له الضرب خط احمر عندنا . قال لها الأنثى هي اللي تجيب لنفسها الضرب ...
حتى امي قالت لي بيقول ماعرفتي تربي بنتك بس قالها بطريقه ثانيه ..

الان اهلي ضدي .. وكل الامور لصالحه ..
وكالعادة نسيوا سبب زعلي وتمسكوا بأغلاطي


الرسمي ..
مُنفرِدة ايش المطلوب منها الان بهذا الموقف ؟


بغير الصوره والكلام

__________________

طيب و ليه ما قلتي له هالكلام
انك مضغوطة و انه شد شعرك. ..الخ
ليش بينتي له ان الغلط راكبك من رأسك
مو بس أهلك ضدك. حتى انتي ضد نفسك
و قلبتي الموضوع و بكل بساطة لصالحه!
يا بنت الحلال اقنعي امك انه هو من دفعك لذلك و اشرحي ما حدث تماما
لعله اذا جاء ليتفاهم معاه. يستوعب

وكفاية اعتذار

__________________

كنت بقول الكلام اللي عندي والعتب بعد ما افهمه اني عرفت خطأي
لو بدأت بالعتب واللوم وانت وانت ما كان راح يسمعني اصلا

مو ناويه اخرج من بيت اهلي قبل ما اتكلم طبعا واقول كل شي بقلبي ويتعهد ما يمد يده
لكن زي ما قلت لك كنت بمسكه بالاعتذار

تدري !
الفتره اللي فاتت قال لي
والله لو يخلص حليبك بالشهر السادس راح تتعاقبي..
قلت له ليه هو بكيفي ؟
قال لانك تقولي بفطم البنت بالسادس .. لكن يكون بعلمك لو تركت الرضاعه الطبيعي راح تتعاقبي
قلت يا سلام هذا تهديد ولا ايش ؟
قال ايوا تهديد
قلت والله من دواعي سروري انها ما ترضع مني
قال هيا نشوف
قلت ايش العقاب
قال خليها لوقتها

باقي اسبوع وتدخل بنتي السادس .
والله أفكر اطنشه بجد وجد وجد واعيش عند امي
وهو اما يعدل أسلوبه ولا ترى تعبت وانا اسايس واجامل واتحايل


يضرب الحب شو بيذل

__________________

شوفي ماعنده اسلوب ويبغى لبنتك الخير والله لو تقري عن فوايد الطبيعي خاصة لعمر السنتين تعذرينه
هذي لاتحاسبيه عليه بالعكس تحسب لصالحه وهامته بنته واعرف غيره كذا
ولعلمك الصناعي و رضاعة الموية تقلل جددددا وممكن تنشف الحليب لان تضعف من قوة امتصاص الطفل هذي معلومات موثقة
وكل ام عندها القدرة على الارضاع اذا اجتهدت و اجتنبت الاشياء اللي تنشف الحليب اللي من ضمنها حبوب المنع وتناولت المدرات
ولعلمك ايضا الرضاعة الصناعية تقلل مناعة الرضاعة الطبيعي حتى لو رضعه واحدة فقط في اليوم
وايضا الطبيعيه تجعل الطفل هادئ المزاج
لذلك في هذا الموضوع بالذات لاتلوميه

__________________

سبحان الله لما ظننت انه زوجك يحبك ومتمسك فيك اردت اهانته وجرح كرامته واصريتي على انو يطلب السماح رغم انك اخطات ايضا في حقه بحجة اخذ حقك و عصبتي على من خالفك الراي لانك كنت تنتظري يجي يترجاك ويطلب العفو منك فاستغليتي حبه لك ضده
اما الان فقد انقلب السحر على الساحر لم تتوقعي ردة فعله هذه وين الكرامة اللي كنت تتكلمي عليها وينو حقك، لو كان صح ما تنازلتي الان ولكن هدفك كان هو اذلال زوجك ودلع ليس في محله حتى يلخذ درس ويصير خاتم غي اصبعك يخاف منك فها انت الان تدفعين كرامتك ثمن فعلك ولن تجدي حلا الا ان يحن قلبه عليك فترجيه لعله يسامحك
اسفة اختي على قسوتي لكن هذه الحقيقة وهذا هو حال كثير منا نحن النساء ربي يصلح حالك ويحنن قلب زوجك عليك حتى يسامحك .
موقفه هذا ماكنت ارجوه حتى تتعدلي ولو ما سوى هيك كنت في كل خلاف بينكم كنت راح تذليه وتخليه يترجاك ويترجاك حتى ترجعيله لكن هيك اتحداك انك تعيديها

انا ابغى اذل زوجي وابغاه خاتم بأصباعي ؟! ليش وعلشان ايش

على فكره زوجي ما يحتاج احاول اخليه خاتم بأصباعي .. لانه مايرد لي طلب والحمدلله .. صح انه معقد حبتين لكن مع الايام جالس يلين ..
بدليل اول ما نزل تطبيق سناب شات رفض اني احمله .. وحملته وقلت له اجرب بس .. وإذا ماناسبك الوضع احذفه ..
الان صار يديني حسابات رجال يقول ضيفيهم اتفرجي .. وصار يتكلم بصوته ويقول لي اشعار ويخليني اتكلم بصوتي واصور ... وهذا كله وكان رافضه لكن بالطيب وبالسياسة يجي

لكن انا مو كل مرا بجامل واسايس ..
لو بس تختفي عصبيتي وانفعالاتي كان من جد صار خاتم بأصباعي ع قولك ..

واي دلع وهو مجنني الفتره اللي فاتت ويتدخل بالكبيرة والصغيرة ... والله شي لايُطاق ..


الان ندمانه لان الكل يقول لي دام أخذتي حقك ايش تبغينا نسوي لك ؟
يقولوا لي دام ضربك وضربتيه ورجع ردها لك وتكلمتي عليه كان اكتفيتي بهذا الشي ... لكن خربتها بكلمة انت مو رجال وج... ويقول انه جارنا سمعني .. هو ما يكذب لكن انا ما أتوقع سمعني ..


طيب انا عرفت غلطي وكنا متساويين بالغلط .. ليه ما يخف علي ..


ع فكره كتبت له بسافر مع امي ممكن ؟
قال امرك عندك

مت قهر من جملته .. ليته رفض علشان احس اني اهمه...
واليوم رسل خمسميه وكاتب لامي هذا مصروف البنت ..

تتوقعوا بيطلقني ؟؟؟



اعتذرت كثير ماااااااني قد البعد يا ناس .. ربي غفر للي قتل 99 نفس .. يعني الانسان ما يغلط ..

حتى هو ياما جرحني وبكاني..
انا لو يخيروني بين رجال الدنيا كلها وبينه ما اختار الا هو .. لكن هو له شهور مو الانسان اللي اعرفه .. احسه بس بيرفع ضغطي ويزعلني وبس .. جالس يختبر صبري وانا مو حمل اختبار.. انا هالفتره احتاجه عون لي مو يبهذلني ويحاول يستفزني بشتى الطرق ..



طيب انا فيني كل الأشياء الوحشه بالدنيا .. لكن ان رجعت ما راح ارجع زي زمان لو ايش ..
راح اقنع نفسي انه يكفيني اني اشوفه واسمع صوته وهالشي كافي علي


قلت له لما جا وكلمته ان الدنيا مو حلوه من غيرك وانت تعرف انه رضاك بالدنيا عندي .. بس ما كان يسمع الا صوت نفسه ..



حكاية انه اخذ مفتاح البيت ورافض يديني إياه
وحكاية انه رسل مصروف البنت وما رسل لي فلوس الفستان
وكلمته لما قال امرك عندك
حسيت انه بايع وانه ماعاد يرجع لي ..

بعد ما قال امرك عندك كتبت له
انا اعتذرت وترجيت وتعهدت ايش المطلوب مني اسوي اكثر من كذا ..اذا ما تبغاني خلاص قول وانا اروح اخذ اغراضي .. وكتبت له انه واللي يرحم أغلا انسان عندك رد .. انت ماتحب اني اسافر وانام ببيت احد .. اذا مازلت زوجتك اللي يهمك امرها قول وانا ما اسوي الشي اللي ما تبغاه ..بس كلمني ..






بدأت اكره نفسي بسبب ضعفي قدام قلبي


مدري ليش احس الشماته بين سطور البعض .. لكن ماعاد تفرق

__________________