انا النهاردة روحت للدكتورة عشان اعرف نتيجة التحليل اللى عملته المهم التحليل لسه موصلش لعيادتها و سألتها على وجع بحلمة الصدر قالتلى لأ روحى لدكتور عام و هو يشوف فى ايه و يحولك على دكتور جراحة عشان دا تخصص جراح عشان الاورام
انا خايفة قوى قوى الحمد لله على كل حال و انا راضية بقضاءه الحمد لله بس انا بشر و خايفة و مش عارفة اعمل ايه
اروح فعلا ذى ما قالتلى ولا اروح لدكتورة نسا تانية؟
انا روحت لدكتورة تانية قبل كدة و شافتنى و كتبتلى مراهم بس مجبتش نتيجة قوى
انا حالتى ذى ما تكون الحلمة مجلوطة الجلد بتاعها
الدكتورة حتى مسمعتنيش انا فيا ايه مرضيتش تكشف عليا و قالت دا مش اختصاصها
طب ليه الدكتورة التانية سمعتنى و كشفت عليا؟
و الدكتورة دى لما رحتلها الشهر اللى فات عشان تكتبلى تحويل عشان اعمل الاشعة قالت لأ لازم اشوف التحاليل الاول و لما رحتلها النهاردة و التحاليل كانت لسة مطلعتش كانت حتكتبلى التحويل!!!!!!! طب اذا كانت ممكن تكتبلى التحويل قبل ما تشوف التحاليل طب ليه تضيع عليا شهر؟!!!!!!
ليه الدكاترة الايام دى بقو صعبين مع مرضاهم ليه مفايش كلمة كويسة تتقال انا لو كنت بنتها كانت بكل لهفة شافتنى لكن دى !!!!! فوضت امرى لله
يا بنات انا طالبة منكم تدعولى
الحمد لله من قبل و من بعد الحمد لله على كل شئ