المشاركة الأصلية كتبت بواسطة قلوب حائرة

بس يا احبه ايش لفايدة اذا بعدين عاملك بجفا او قسوة تتذكرين
كرمك عليه وتندبين حظك!

المشاركة الأصلية كتبت بواسطة × الرسمي ×

طيب

ممكن

تسكتي

رجاءً

أسكتي

إنتِ مشكلتك ماتعرفي تتكلمي مع زوجك

فالآن فقط.. أسكتي

ولاتتكلمي إلا إذا أراد شئ أو أنتِ أردتِ شئ... غير كده ولا كلمة.. قومي بواجباتك وأهتمي بنفسك وأخرجي من حالة الكآبة التي في البيت ولا مانع من الخروج للتنزه أو تعزميه على مطعم إلى أن تنتهي المشكلة الحالية إن شاء الله على سلام.. وبعدين أفتحي موضوع ونشوف كيف أفضل طريقة للكلام معه

أما بالنسبة للفلوس التي تنوين إعطائه إياها.. فأنتِ حرة.. إن أعطيتيه فجزاك الله خير وبيض الله وجهك موعيب أن الزوجة تساعد زوجها إذا كان يستحق ذلك ويرجع الحقوق ولكن فهميه أنها سلف منك وعليه إرجاعها لأنك تحتاجيها.. وإن كنتِ لاترغبين إعطائه الفلوس فأنتِ حرة ولا لوم عليك وخلاص هو قالك قفلي الموضوع

المشاركة الأصلية كتبت بواسطة ملاك!

ليش ياقلبي الإغلاق
إلى متى تتهربين من مواجهة مشكلتك وتستمرين بالتجاهل والضغط

قلت لك في موضوع سابق وخفت من التأليب بينك وبين زوجك
وتجاهلتي ردي وعادت مشاكلك مرة أخرى

حبيبتي عمر المشاكل ما انحلت بالتجاهل
أنتي تتظاهرين بأنك نسيتي وارتحتي وتعتذرين حتى لوقسى عليك وجرحك وتكتمين الموقف بداخلك وتكملين المسير
والحقيقة انك تضغطين ع نفسك والضغط يولد الإنفجار
وهو مايدفعك لسيرة الطلاق مع كل موقف
وهو مايدفعك لأن تكبري كل تصرف يصدر من زوجك
بالمقابل زوجك تعود يهزأ ويجرح وياخذ راحته لأن بالأخير بتعتذرين ويعدي الموقف
لازم مصارحه بينكم وحوار هادي كل واحد يقول وش بخاطره
مايصلح تتهاوشون بوقت الزعل وترمون كلام ثم تتراضون بدون وضع النقاط ع الحروف ومصارحه وشفافية واعتذار من الطرفين


حبيبتي بقولك شي

ما عمر الفلوس جابت الرجال أبداااا
بالعكس يصير لئيم ومايعتبر كرمك ومشاركته أنها فضل بل تصبح واجب
طبعا هذا إذا كان ديدنك دائم الفزعات الماديه

حبيبتي كفي عن تحمل ما لا تطيقين
انسحبي بصمت بدون ماتقولين له أنا بهتم بنفسي وأدلع نفسي براتبي
انتبهي من هذا وحاولي تصرفين بأي تصريفه ان ماعندك شي وانك حابه تساعدينه بس عليك التزامات

لاتخافين مارح يكرهك
وان كرهك معناه أنه كان يحبك مصلحه وبمجرد تنتهي تنتهين
قلتيها في موضوعك يبغاني أساعده ويوم وقف ع رجوله انتهت مهمتي

صدقيني راح تندمين إذا أهانك وتتذكرين كل اللي سويتيه وما بان بعينه

أكثر مشاكل تتركز حول الفلوس وحول تضحياتك وعدم تقديره لها
إذن لماذا لاتضعين حدا لهذا وتعالجين لب مشكلتك ؟


صدقيني بعدها راح ترتاحين وتصيرين تتقبلين منه كل تصرف وماتحسين انه ماقدرك
طبعا بالبدايه بيحاول يطلع عيونك
لكن إذا شافك حازمه وثابته ومكلمه على ستايلك الجديد بيتعود ع الوضع ويتقبله
بعدين لاتخافين يتزوج عليك أو يطلق ويتزوج من جديد مو تقولين ماعنده فلوس « أمزح بس حبيت ألطف الجو

الحين في قرارة نفسك تقولين مارجع كويس معاي إلا لما أعطيته ال18
ومع أول موقف جديد بتقولين مايقدرني وأنا قصرت على نفسي عشان أسد دينه وتحملت جفافه وجرحه ومع ذلك ما بان في عينه

وأنا ما آلومك في هالكلام ولو كنت مكانك بقوله لأن الشخص الكريم يقدر من يقف معه واللئيم عكس ذلك

إنما ألومك في مساعدته من الأساس

تكفين أختي ركزي كويس وحاولي تضبطين حياتك وتتعاملين مع المشاكل

يهزأك ويجرحك ثم تقولين تحت رجولك المبلغ الكبير هذا
أسألك بالله هل سامحتيه من قلب ؟
لماذا لا تصارحينه بعد انتهاء الموقف بكل مافي خاطرك
ضعي حدا لاتجعليه يتطاول ويجرح
اتبعوا خطة علاج لمشكلة الإنجاب
أخبريه بحاجتك للعاطفة أكثر
أخبريه بحبك له
تعاهدوا أن لاتعودوا للمشاحنات وتبدأو من جديد

أرجوك لاتضغطي على نفسك ولاتخشي ردة فعله

الله يشرح صدرك وييسر أمرك
سامحيني لو قسوت عليك

المشاركة الأصلية كتبت بواسطة ملكة الآحساآآس

صراحة ماعرفت لك
كيف تقولين تعطينه راتبك ومهمله نفسك
والحين تقولين مايخليك تصرفين من راتبك حتى راتب سواقك هو يدفعه

والحين تقولين راتبك على جنب

سؤالي ليه ماكنتي تستفيدين من راتب في تغيير نفسك وقلتها لك برمضان قلت حياتك تحتاج تجديد
واذكر لما نزلك السوق وتسوقتي من فلوسه وقلتي خذيت الي فوق حاجتي
والحين اذا عطيتيه 300 و500 تبغينه يحبك ويمووت فيك
مافي رجال بتشترينه بفلوس
والله العظيم صار لنا سنه او سنتين نقول لك تعلمي الحكمه وعدم التعجل
ماامداه ينزلك وتقولين مجروحة الا تراسلين وتاخذين وتعطين وتعاتبين
انتي ماترتاحين لين تراسلينه وتخلينه يتكلم تبين تكونين معاه بكل مكان باي طريقه
عطيه مجال يبتعد وعطي نفسك حريه انبسطي فيها

وقال محتاج قلتي ابشر
وامس تتمنين وتبكين هنا على الفلوس
تحبينه اصرفي على نفسك وعلى سايقك الي مفروض مايدفع للسايق الا انتي

احبه لو سمحتي وازني في امورك احس مررره غلط تقولين فدوه رجولك وانا بنت رجال
عشان تكسبينه ويوم كسبتيه فكيتيه على وجهه

مفروض تخلصتي باسلوب دبلوماسي
تذكرين لما سالتك يااحبه

راتبك وش استفدتي منه شخصيا
هل تقتنين المجوهرات الاتي يحبنها النساء
هل تتفنين باللبس والعطور والمكياج والاحذيه
هل استمتعتي بما اعطاك الله اياه
هل ذهبتي للمستشفى وسويتي اطفال انابيب
احبه حبي نفسك وبيني حبك لنفسك وتدللي بفلوسك واشتري وغيري في قطع اثاث بيتك دخلي الفرح حياتك
غيري روتينك انبسسسطي
ترى زوجك لما يشوفك فرفوشه ىتحبين نفسك راح ينجذب لك
بس نفس الشكل ونفس الحياه ونفس الروتين ونفس الاهتمامات
بيمل

اطلعي اعزمي صديقاتك خلي لك زاويه خاصه تنبسطين فيها وتتبهرجين فيها

لاتخلينه يعتمد عليك ماديا
وانتي شيلي من راسك فكرة اعطيه ويحبني وياويله يزعلني

المشاركة الأصلية كتبت بواسطة تحملتك كفاية

خلاص انحلت المشكله اذا عطيتيه الفلوس بيرضى وبترجع الامور عال العال
بيقول عيب ازعل على احبه وفزعت لي بمبلغ وقدره
خلاص تطمني مهما سويتي زوجك يحبك وبيظل معاك لانه محتاجك تساعدينه دائما بدون فزعتك معه بيضيع

انا اقول كان ممكن يكلم اهله اخوانه اصدقائه
تتنازلين وتدفعين راتب السواق
لكن ماحبيت المواضيع اللي انفتحت بينكم كلها فلوس بفلوس قطعوا عني الاوفرتايم ونقص راتبي 1500 والكفيل يبيني اسدد 18 الف
صديقي اخوه كافله وكلمه قاله سدد ومثل زوجك كان ساحب عليهم
ترا كلها 750 ريال بالشهر ماراح تهد الميزانية

لو حصل الانفصال لاقدر الله بتندمين اضعاف مضاعفة وهذا رأيي
عودتيه تحتوينه ماديا واكثر ماسيفقده بعد خسارتك هو كرمك وسخائك
اتمنى القى زوجة اخذ قرض علشان اتزوجها ثم تسدد قرضي يابلاش زواج بأقل التكاليف

انتي بين نارين زوجك تعود تطلعينه من المشاكل المادية بفزعاتك
لو رفضتي تساعدينه بيعيش بظلام دامس وبيعاملك بأسوء الاساليب حتى ترجعي للدعم المادي لانه محتاج والرجال اذا مر بضيقة يصير نفسية

المشاركة الأصلية كتبت بواسطة زين ابيها

لو انج ما عطيتيه كلمة
جان آنه بعد راح اقول لج خله يتدبر امره

المهم.. بعد اللي كتبتيه آخر شيء من الحديث اللي دار بينكم
خلاص اسكتي.. لا تفتحين الموضوع
وشوفي شيصير