[SIZE="4"][B]مشكور والدي العزيز تعرف يوم اكتب احس بتعب وصداع وعقب ما أخلص الكتابه أحس براحه مشكووووور وااايد .
•تعرف يوم ملجتي كنت يالسه أنا وأختي وأمها والحرمه تعدلني دخلت عمتي ( الله ياخذها ) أول ما شافتني بدال ما تباركلي كانت تعلق على لبسي وأنا ساكته وبدأت تزيد بتعليقاتها لغاية ما شافتني بكيت وحرمة أبوي كانت تحاول تسكتها وطلعها من الحجره وهي أبداً وقبل ما تطلع قالت لحرمة أبوي الله يعينج يوم كانت ملجت بنتج ( قصدها على أختي الكبيره ) ما تعبتي جذي بس لجين أمها تنحسب ميته انا يوم قالت جذي انهرت .
صرت أكرها واخاف منها يوم أشوفها أتوقع أي شي منها ( هي الوحيده في عماتي وأعمامي اللي تعاملني جذي كلهم يعاملوني مثل بنتهم وانا بعد أحبهم بس هي لالالالا )
•بعد زواجي بشهر ونص تقريباً طول هذه الفتره وأنا وريلي بمشاكل وصراخ على نفس الموضوع اللي في نظرته مفروض يصير من أول ليله , المهم مره بليل جاء وقالي لجين انا تعبت صار اللي يشوفني يقول مستحيل توك معرس اللي أبغاه منج حق من حقوقي مب شي منج وانا رافضه والله كنت خايفه مب متخيله وصورة ولد عمي الحقيير جدامي ومب متخيله أصير أم فأصريت على رفضي , صدمني يوم اتصل على أخوي الكبير وطلب منه يجي عندنا البيت وخبره بالموضوع كامل , أخوي في البدايه كان هادي يقولي عطيني سبب وأنا ساكته وأول ما بدأ يرفع صوته قتله خلاص خليه يطلقني أخوي عصب ومسكني من شعري وعطاني محاضره وقالي عندج أسبوع عقب الاسبوع بخلي أختج الكبيره تمر عشان تطمن , طبعاً حسيت ريلي كان مستانس وانا كرهته لانه فضحني عند أخوي , طبعاً عقب ما سوا اللي يباه هذاك اليوم قالي لجين يمكن لو كنت مغتصب وحده كان ما سوت اللي سويتيه حرااام عليج .
كل ما أذكر هذيج ليله أكره نفسي واكره بعد .
•موضوع أمي كان من المواضيع اللي ممنوع أحد يتكلم فيه أو يتناقش فيها جدامي إلا عمتي وحرمة عمي مستحيل تمر مناسبه وأنا موجوده فيها وإلا يتكلمون عن الام ولازم الواحد تكون عنده أم .....الخ . تخيل مره في العيد كنا جالسين نحنا وبنات عمي نحسب بالعيديه طلعت أنا أكثر وحده فيهم وكنت مستانسه , أمهم يوم سمعتني أقول أنا أكثر وحده فيكم شو قالت لبناتها قالتلهم عادي لجين عندها بيزات كثيره ولكن ما عندها ام مثلكم انتو حبايبي كانت دايمن تحاول تحسسني أني أقل منهم .
•ساعات يوم نكون مع بعض أنا وخواني وأمهم أحس أني أحقد عليهم مع أنها والله ما كانت المسكينه تحاول تحسسني أنه في فرق بيني وبين عيالها , صارت عندي عقدة من كلمة الام او حتى اسمعها .
•يوم ماتت جدتي كانت بالمستشفى تخيل يوم ماتت ماحد خبرني أبوي منعهم قالهم أنا بسير لها البيت وبخبرها تصدق حرمة عمي اتصلت تعزيني وأنا مب عارفه سألتها مين مات قالت المحامي حقج ما صدقتها واتصلت على أخوي وانصدم أني دريت وخبرته أنه حرمة عمي خبرتني جاء أبوي البيت وحاول يهديني وتهاوش ويا حرمة عمي .
وفاة جدتي اعتبرتها صدمه بالنسبه لي حسيت حياتي انتهت بعدها كنت احبها واااايد .
والدي الغالي أحس لهني كافيه خلاص تعبت .
التعديل الأخير تم بواسطة لجين الحزينه ; 17-07-2011 الساعة 08:15 PM