الله يعينك اختي كنافه دعواتي لك
زوجك اخذته العزة بالاثم ومتغطرس جدا عليك
والاسف ليست فقط كلمة انما افعال والندم الشديد وهو موشكله ندمان ابدا
استخيري جديا بالطلاق لعله خير لك واذا ما تم الرجعه اليه فيما بعد ترجعي بشروط موثقه في العقد

بالعكس ردك له يخليك تتاكدي أن زوجك لازم له درس وياترجعي بكرامه يابيت أهلك أعز لك ومثل ماقالت مس داني الاحترام اولى من الحب

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

لو أنا منك ارمي كل شي ورى ظهري نهائيا بمعنى الكلمة وأوكل امرئ لله
الله رايد لك خير كبير والدليل توقيت مشكلتك سبحان الله والله أنا أتابع مشكلتك من زمان وهذا الي أنا شايفته
رمضان ليالي فضيلة ربك يملك مقاليد السموات والأرض مايقدر يهدي ويسخرلك زوجك الضعيف !!!!
الحل بهذي الليالي الفضيلة انسي كل شي حتى والدك لا تأملين عليه والزمي سجادتك ادعي وشوفي الفرج وتحري ليلة القدر وبأذن الله راح تشوفين الخيرة بتوقيت المشكلة وراحة وسعادة بقرب زوجك وتكون هذي المشكلة برد وسلام على قلبك
دعواتي كل بتفريج همك وتبديل حالك لأفضل حال يارب

كنافة
خليك مع أبوك على طول الخط

الرجال ما يعرف لهم غير الرجال

توته
هو حسسه انه واقف معه بس انا اللي رافضه
لاني مجروحه ومصدومه منه
لكن انا بغبائي خربت كل شي.. وهو والله مايستاهل


ريم نواف
انا صبرت عليه وتحملته كثير حتى ما اتطلق
لكن اللي ربي كاتبه راح يصير


سهر الشام
كان بينا موده وعواطف بالهبل
لكن هو دمر كل شي



جمانه
جزاك الله خير


مرجانه
كلامك كله صحيح للاسف
فعلا هذا شكل حياتي
وهو الظاهر ماعنده استعداد يتعدل
ولا قادر يحافظ علي انا وبنتي

حسن السجايا
انا من بعد ما رديت عليه كرهته وكرهت نفسي
حسسني اكثر بوقاحته وقبحه
وباقي كلامك انا معه


اشغلتني دنياي
الموضوع صار اكبر من صورتي عند الناس
هو ما ندم ابدا ولا شعر ابدا بغلطته
تخيلوا حتى وانا الومه لقيته يبرر لكل شي
كل حاجه عنده لها تبرير ويكابر فيها

يا رب نور بصيرتي
بالضبط نفس كلام والدي
يقول: غريبه شايف نفسه عليك بقوه!
وانا هذا الشي مستغربته لانه ماكان كذا
لكن غروره وغطرسته وعنجهيته اكيد وراها شر
عشان كذا انا خلاص قطعت الرجا فيه


ندى
فعلا اذا كان فيه ميزه لردي
فهو اني فقدت كل الامل بانصلاح حاله



سعادة قلب
الله يعيني على طاعته وعبادته
ويارب يربط على قلبي


سماء العداله
كلامك صح والله

هو ما راح يترجى ويبكي مثل قبل
يقول في نفسه انا ارخصت نفسي لها وهي بتتعود اذا زعلت اترجاها
ما راح يترجى يا كنافه هو اعتذر وهذي خطوه حلوه لانه عارف بغلطه ما انكرها بس ما كملها بالخطوه الثانيه انو يروح عند الوالد ويعتذر لانه اظن خجلان من سواته ، انا اشوف ردش له بالتلفون خطوه جيده بس ما عرفتي كيف تديرن الحوار قمتي لتلومينه بالمقابل اكيد بيبرر غلطه ، انا أفضل المواجهه ووضع الحلول كان قفلتي على موضوع المشكله وما عطيتيله مجال لتبرير نفسه وواجهتيه بالاصلاح ووضع الشروط يقبلها كان بها ما يقبلها الله معاك ، خلاص أنسي فتح موضوع المشكله والبحث عن علاج الخلل بدل ما تعاندون بعض وكل واحد يلوم الثاني قوليله بالفم المليان محتاجين استشاري يعالج المشكله ونمشي على الحلول كلها وبحذافيرها ، أما على مسألة الكرامه وانه فهم انش بتردين له تقدرين تاخذين ملابسش وبتكون له رسالة انذار بأن ما يتمادى بعناده معك
بس انا اشوف الي يعاند يخسر والشاطر الي يكون باله طوييييييل
يا كنافه شو بتستفيدين اذا كسرتي غروره بيتعدل مثلا
لا بينكسر في البدايه ولكن بعد مده بيرجع اكثر شراسه ويبي يرد الكيل بمكيالين وبكذه ما حليتي مشكلتش مثل اول مره تطلقتي وبكى لش ورجعتي وصار اكثر عناد لأنه بنظره كسرتي رجولته
الحل العلاج وليس العناد

__________________
وهل من مصير اخر ؟

كوكي
المكالمه كانت بيني وبينه محد معنا
ايش بيضره لو طيب خاطري بكم كلمه
بدل مايقول بصوت عالي وخشن: انا اعتذر
بدل مايقول بوسي يدك واحمدي ربك اني اعتذرت
هذا مو اسلوبه والله.. يمكن في احد شاحنه علي
الرجال اذا تمسك بزوجته يعمل المستحيل لرضاها
او عالاقل ما يهينها ويحتقرها ويتجاهلها
تذكرت حكمه تقول: الاعتذار الجاف يعتبر اهانه ثانيه
ليته ساكت ابرك او اني مارديت عليه وتركته احسن
لكن انا مع الاعضاء اللي يقولون انه وصل لقناعه
انو مهما بهذلتها مسيرها بترجع


موضوع اغراضي فانا خلاص كرهتها وكرهت بيته
وهاليومين بشتري اغراض العيد لي ولبنتي

في حاجه بس حابه افضفض فيها
لما رديت عليه طلب مني باخر المكالمه اشيل الحظر عنه
لاني حاظرته بالواتس اب.. قال برسل لك شي
وانا شلت الحظر ولقيته مرسل صور ديكورات للبيت
يعني شغلات هو عملها في البيت
شفتها وقلت اوكي حلوين.. بعدين رجعت الحظر

اليوم اللي بعده جاء اخذ بنته
ودق علي بعدها بساعه.. مارديت عليه
بس خفت يكون بنتي فيها شي!!
رفعت الحظر وكتبت له بالواتس اب: البنت فيها شي؟
قال: لا.. بس ليه رجعتي الحظر
سكت ومارديت عليه.. ورجعت الحظر وتركت الجوال
وهو رجع البنت للبيت ولا دق علي بعدها



يعني الرجال يبي يسولف عادي وماخذها سهالات
مادرى عن خاطري ولا زعلي ولا جاب خبري
ولو مشيت معه عالخط والله بكرا لو عصب بيضربني بالجزمه ولايهتم

لكني رجعت للصمت.. وهو رجع للتجاهل


وبما انكم دائما تنصحون قبل الطلاق
اننا نكتب الايجابيات والسلبيات في الطرف الثاني

ابجابياته: كريم ماديا، بيتوتي، يحب بنته، يساعد باعمال البيت
وقف معي باوقات كثيره ودعمني بوقت مرضي وبمشاكل عملي
يحترم اهلي ويقدرهم.. مايقصر علي بأي مشوار اطلبه
معه شفت اماكن ماعمري شفتها مثل باريس وامريكا ودول ثانيه


سلبياته: يفجر بالخصومه، عصبي وبذيء اللسان، منان
عنيييييد، حساس وشكاك، كتوم، يبصبص (هالعاده جديده)
يعتقد ان زوجات اصحابه افضل مني وان كل النساء احسن مني
يتهمني باشياء غريبه ومستفزه يسمعها من اصحابه عن النساء
مايعرف شي اسمه خصوصيه او اسرار بيت
اي شي يخصني لازم يبلغ فيه امه واخواته.. احيانا من باب التفاخر
واسوأ عيب انه نكدي.. احسه يشتاق للنكد والمشاكل
ويستمتع بتضخيم الامور ويحب يعيش دور المظلوم
واذا عصب لازم يكسر شي ويدمر نفسية بنتي من صراخه
اهتمامته تافهه جدا وعقله صغير.. ويحس بالنقص دائما
مايعرف المسجد الا يوم الجمعه.. ويأخر صلاوته غالبا
يكره الدين واهله ويعتقد ان المتدينين ناس معقده وارهابيين
متسلط بلبسي ومظهري ويعتبر هالشي من باب الغيره
جاف عاطفيا جدا جدا.. وناقد لاي تغيير
وبالفتره الاخيره كان فيه فتور بينا (قبل المشكله) من ناحيته هو
اذا عصب يقول كلام مهين جدا.. كلام شوارع
سبق وشفت بجواله صور اباحيه من قروبات اصحابه وهو مايدري
يكره طبخي ولايحب ياكل بالبيت.. مع انو نفسي حلو
ولو اهله عملوا رر ابيض ساده طار من الفرح ومدحه
يغار من صديقاتي ويسبهم احيانا بدون سبب
ينكد علي بأي مشوار دايمااااا

للاسف مده التعديل انتهت وكنت ابغى اضيف باقي السلبيات:

من تزوجته الى اليوم وقسما بالله ماعمري شفته ماسك المصحف
يحرجني احيانا بالاماكن العامة.. عادي يرفع صوته عند الناس
دايما يجرحني ويشكك بانوثتي ويطعن بتربيتي وادبي
ينسى كل افضالي عليه وكل شي سويته له
دايما يحسسني انه مغصوب علي او مجبور فيني
مع انه اختارني بارادته وتعب حتى يقدر يتزوجني

تفسيراته دايما سلبيه
ويتعامل معي كأني عدو ويتربص فيني بأي وقت
ويعتقد ان كل النساء حقيرات واستغلاليات.. ماعدا امه
ويحب سواليف الحريم ونقل الحكي والقيل والقال
ويتحكم احيانا بعلاقاتي مع الناس ويفرض علي اشخاص مايعنوني
ويحس بالنقص من الفارق التعليمي اللي بينا
رغم اني ابدا ما ابين له هالشي.. هو دايما يطرح هالشي